Biblia Todo Logo
Bìoball air-loidhne

- Sanasan -




Nahum 1:15 - Hanunuu

15 Bantayi niyu manga taga Huda! May magras-ug manugbarita ginan sa manga kabantudan manultul mayad pag barita hanggan kahusayan sa kanyu rugar. Nakan idaus niyu kanyu manga pista ag tupada niyu kanyu manga taratu sa Panginuun. Dahil ti daut pag nasyun Asirya balaw yi gid gumira sa kanyu, dahil rurisun sida tanan.

Faic an caibideil Dèan lethbhreac




Nahum 1:15
21 Iomraidhean Croise  

Kailangan pagpasalamat sida sa Panginuun dahil sa kay pagmahal ag sa kay makadululaw pag manga buwat sa manga tawu.


Kailangan pagpasalamat sida sa Panginuun dahil sa kay pagmahal ag sa kay makadululaw pag manga binwat sa manga tawu.


Aku, ti Panginuun ti maysabi inda kaybi sa Siun, ti banwa Hirusalim. Namadara aku usa ka manugtultul hampay ibarita ti mayad pag barita kuntay asan yi ti manug-awat sa kanda.


Dayawun niyu siya, kamu pag manga asan sa pangawakawaan hanggan manga taga Kidar. Pagkanta kamu sa kabayaan, kamu manga taga Sila. Pamagrit kamu may pagdayaw sa katayung-tungan manga bantud.


Pagbangun kawu, Siun, ag pagpakarig-un. Ipakakit nimu kanmu kapangyarihan, Banal pag banwa Hirusalim. Isulung maan nimu kanmu marinu pag rutay, dahil kanmu manga kalaban balaw Israilita, binaliw nimu mauring udyi utru makaslud sa kanmu sabian.


Marinu bantayan ti manga manugbarita maglakaw sa kabantudan magdara mayad pag barita kahusayan hanggan kaayadan sa Hirusalim, dahil iribri yi inda Diyus. Sabihun nida sa manga taga Hirusalim, “Maghari yi kanyu Diyus!”


“Maalaman niyu manga taga Huda kuntay aku, ti Panginuun niyu Diyus, mag-uli sa Siun, sa kang banal pag bantud. Bag-u bumaliw maan banal ti Hirusalim; udyi umanun girahun taga iba nasyun.


sabiha sa manga Israilita ti manga surundanun tungkul sa manga bukudtangi pag sirang, nu naan magtiripun sida sa pagsamba sa Panginuun.


Ti Pista Pag-alaala sa Karibrihan hanggan ti Pista Tinapay Unman may Pamadaka pinakamahalaga diman pag manga sirang agud magtiripun ti manga Israilita sa pagsamba sa Panginuun.


Inda ti pagsabihun Panginuun sa manga taga Asirya: “Duraun niku kanyu manga linahi ag dautun niku kanyu manga diyus-diyusan kayu ngatay galang sa balay niyu diyus. Ialistu yi niku kanyu manga lulubngan dahil balaw yi kamu kailangan mabuhi.”


Dapat magkun ti anghil sa kanda, “Kamu duy, danga magkadala, dahil malu, may dara aku sa kanyu tabug usa ka mayad gid pag barita may daka pag kabayaan sa tanan tawu.


“Dayawun nita ti Diyus sa langit. Sa babaw daga may kahusayan yi sa manga tawu kay pagbayaun Diyus.”


Inda yi ngani ti barita kay ipinaalam Diyus kaybi sa nasyun Israil, ti Mayad pag Barita tungkul sa kahusayan sa panab-anan ni Hisu-Kiristu, tig hari sa tanan.


Kabitay pag makatudlu una si unu nu unman siya pagsuguun? Angay sa nisurat magkun, “Anung, pag mangarinu pag lulud ti magdara Mayad pag Barita.”


Lean sinn:

Sanasan


Sanasan