Mikas 7:9 - Hanunuu

⁹ Dahil nagkasala kita sa Panginuun, kailangan nita agwantahun kay parusa sa kanta tugka sa kampihan niya kita ag pakan-an katadlungan. Makitan nita kay pagribri sa kanta sa panab-anan pagdara niya sa kanta tag sa karayawan.

Mikas 7:9 Iomraidhean Croise

2 Samwil 24:17

Pagka nakitan ni Dabid ti anghil magmatay manga tawu, magkun siya sa Panginuun, “Aku ti may kasalanan. Inda pag manga tawu parihu sa manga karanidu unman may nabwat kasalanan. Aku yi lang duy hanggan kang magtal-anakan ti parusahi nimu.”

Hub 23:10

Dapat alam di niya kang pagbuwatun. Pagka nasubukan niya aku, makitan niya malumpiyu aku parihu sa lunsay pag gintu.

Hub 35:14

Hub, lalu yi gid balaw niya patingihan kanmu hagad-awat, nu sumabi kawu kuntay unman nimu mag-akitan kay awat niya sa kanmu dinara kasaba sa kanya ag ipinaalagad lang niya kawu sa unman.

Kanta 119:154

Baliwahi aku sa manga magbangdan sa kangku ag ribrihan aku; pararguhan kang buhi angay sa kanmu taratu.

Kanta 37:6

Itultul niya malinaw kuntay matadlung kawu ag balaw may salan, parihu sa singgit init kay ka rayaw nu karaw-an sirang.

Kanta 43:1

Diyus, patutuuhani unman aku may kasalanan, ag apini aku laban sa manga balaw maka-diyus pag manga tawu. Ribrihan aku sa madaya ag magbuwat daut pag manga tawu.

Kanta 7:6

Panginuun niku Diyus, ta malu duy, pakakitan kanmu pangagalit sa kang manga kalaban magkagalit gid sa kangku, dahil katadlungan diman kanmu paghanapun.

Kanta 94:15

Pihu mangyari maan ti matadlung pag pagsintinsiya, ag sundun inda tanan tawu magpangabuhi matadlung.

Isayas 42:16

Abatun niku kang manga nasakupan buta sa katutuuhanan, tabug sa dalan udwaya nida nalakawan. Rayawan niku ti paglakawan nida madlum ag tadlungun niku ti manga nangunha-kunha pag dalan kanda paglakawan. Buwatun niku inda ag balaw niku sida pabay-anan.

Isayas 42:7

hampay pamuklatun ti manga buta, palpasan ti manga bihag, hanggan ti ipinaslud sa madlum pag pirisuhan.

Isayas 46:13

Balaw yi dumugay, ipakaun niku ti panalu hanggan ti katadlungan sa Hirusalim. Arani yi niku inda iribri; kilalan-un niku ti Israil.

Isayas 51:22

Inda ti pagsabihun Panginuun niyu Diyus ti mag-apin sa kanyu: “Pagpatingi kamu! Bin-ul yi niku kang pangagalit ga intus makapalangu sa kanyu. Balaw yi niku kamu painmun utru inda.

Isayas 56:1

Inda ti pagsabihun Panginuun: “Ugalia niyu ti katadlungan ag ti katuwiran dahil arani yi niku iribri kamu.

Hirimyas 10:19

Magkun ti manga taga Hirusalim, “Kaawaawa gid kita dahil sa kadamhakan nita. Masyadu gid kanta kahamtangan, dapat kailangan nita inda agwantahun.

Hirimyas 14:7

Magkun ti manga tawu, “Panginuun nagsalan duy kami sa kanmu. Pirmi kami magpakarayu sa kanmu, nakan dapat lang kami parusahan. Dapat awati duy nimu kami, sa ikadayaw nimu ngaran.

Hirimyas 51:10

Ibinalus kita Panginuun. Abala kamu, atabug kita sa Hirusalim ag sabihun nita ati ti binuwat Panginuun nita Diyus.”

Karukuan 1:18

Magkun ti Hirusalim, “Matadlung ti Panginuun; dapat unman niku sinunud kay sugu. Kamu tanan pag nasakupan, pagpatingi kamu ag bantayi niyu kang kakurian. Binihag kang kalay-awan manga babayi ag lalaki.

Malakyas 3:18

Ag makitan maan manga tawu ti pinagkaiba matadlung ag daut, ti pinagkaiba magsunud sa kangku ag ti balaw magsunud.”

1 Kurintu 4:5

Nakan ngani danga dapu pagpihua una hintay pag tawu nu daut nu mayad hanggan sa ud rumas-ug ti Panginuun. Siya ti pumaburayhaw sa manga ilinihim ga sa madlum. Bulwatun niya aban ti pagkutubun tawu. Ati katpung ti kada tawu dayawun Diyus angay sa kay binwat.

2 Timutiyu 4:8

Matanggap yi niku aban kang pirimyu sa kang nanalu. Panginuun ti matadlung pag talaghusay, imaw ti pumakaun kang pirimyu ati katpung pag kaudasan sa kay pagbalik niya aban. Balaw lang waydi aku ti makatanggap pirimyu. Makatanggap waydi kanda pirimyu ti tanan manga magmahal sa Panginuun, manga magpatigagad sa kay pagbalik niya aban.

Ipinakakit 18:20

“Kawu duy pag langit pagbaya sa nangyari sa banwa Babilunya. Pagbaya kamu pag manga pinili Diyus, manga apustul hanggan manga purupita. Nasintinsiyahan yi Diyus ti banwa Babilunya sa kaparusahan dahil sa binwat niya sa kanyu.”

1 Samwil 24:15

Ti Panginuun mana ti humukum ag magpasya nu si unu ti may salan sa kanta duwa. Mana sagutun niya ag apinan aku, ag iribri ginan sa kanmu manga kamang.”

1 Samwil 25:39

Pagka nabaritaan ni Dabid kuntay namatay yi si Nabal, magkun siya, “Dayawun ti Panginuun! Siya ti nagbalus sa kan Nabal dahil sa kay pagpuya sa kangku. Balaw niya pinahintulutan aku waya ti makabuwat sa kanya tunda. Pinarusahan niya si Nabal sa daut niya pag binwat sa kangku.” Pagkatapus, nagpadara tultulanun si Dabid sa kan Abigil tabug kay paghilingun asawahun niya inda.

1 Samwil 26:10

Pagpihuun niku sa kanmu, sa atubangan Panginuun buhi, ti Panginuun mismu ti mumatay sa kanya, ngatay mamatay siya sa girahan ngatay sa sakit.

1 Samwil 3:18

Itinultul ngani ni Samwil ti tanan sinabi sa kanya. Unman gid siya may ilinihim. Bag-u magkun si Ili, “Siya ti Panginuun. Buwatun niya nu hintay ti mayad sa kay magbantay.”