Mikas 7:6 - Hanunuu

⁶ Dahil sa kainda katpung, ti anak lalaki udyi maggalang sa kay ama, ti anak babayi maglaban sa kay ina, ti umagad babayi maglaban diman sa kay manugang babayi. Ti kalaban usa ka tawu kay yi kasunu balay.

Mikas 7:6 Iomraidhean Croise

Gimpuunan 49:4

Dapat parihu kawu sa magkulkulu danum, dahil unman kawu makapigil sa kanmu pagkaibgan. Ag dahil nangulid kawu sa kang suruguun pag asawa ag ipinakay-a nimu aku, balaw yi kawu lumamang sa iba.

2 Samwil 16:11

Magkun si Dabid sa kan Abisay hanggan sa tanan takinan niya, “Nu kang anak ngani naggayak mumatay sa kangku, lalu wadi inda pag katawuhan ni Saul. Sinugu siya Panginuun nakan pabay-ani lang niyu siya.

Kanta 41:9

Una kang suud kakilala, ti pagsarigan gid niku, ag magsaru sa kangku sa magkaun, nandaya sa kangku.

Kabagawan 30:11

May manga kalay-awan unman magdarangin kuntay papaladan Diyus kanda manga gurang, bagkus ngap pagsaadan waya nida.

Kabagawan 30:17

Ti tawu magpuya ag unman magsunud sa kay gurang tindukun manga uwak kay manga mata, ag kan-un manga agila kay bangkay.

Isayas 3:5

Apihun kada usa kay kaparihu. Labanan manga anak ti manga gurangun, ag labanan manga makuri ti garalangun pag manga tawu.

Isayas 9:19

Dahil sa pangagalit Panginuun Makamaskihan, magkarairub kanda daga, ag bumaliw sida ga pamagba kan-un apuy. Dayu nida kaawaan una kanda kaparihu Israilita.

Hirimyas 12:6

Una kanmu manga patar-ari hanggan katawuhan nagdaya sa kanmu. Maggayak daut sida laban sa kanmu. Danga kawu magpaniwala sa kanda una mayad kanda pagsabihun.

Hirimyas 20:10

Nasaydan niku ti magpuya manga tawu. Pag-ulitun nida kang manga pagsabihun magkumun, “Madala ti nakasangput sa kanta! Isumbung nita siya!” Una kang manga kakilala mag-alagad sa kang kadamhakan. Pagsabihun nida, “Barang abi madaya nita siya. Nu mangyari tida, manalu kita ag mabalusan nita siya.”

Hirimyas 9:4

“Pag-aman kamu sa kanyu kaparihu, danga kamu magpaniwala sa kanyu manga katawuhan, dahil ti kada usa magdaya ag maglibak sa kay kaparihu.

Isikil 22:7

Sitay sa kanmu unman yi paggalangun ti manga gurang. Ti manga day-uhan mag-uli sa kanmu pagkuwartahan, ag ti manga ulila ag manga balu pag babayi balaw pag-itaratu mayad.

Ubadyas 1:7

Lukuhun kamu niyu manga kakampi pag nasyun. Ti manga nag-ampud sa kanyu imaw diman ti gumira sa kanyu, ag palayasun nida kamu sa kanyu banwa. Sida pag manga nansaru sa kanyu imaw waya ti pumauli suduk sa lihim laban sa kanyu.

Matiyu 10:21

“Sa ati pag manga sirang, itudlu kay patar-ari tabug sa kalaban agud matyun. Katunda diman ti buwatun aban ama sa kay anak. Labanan manga anak kanda manga gurang kanda ipamatay.

Matiyu 26:23

Nagsagut si Hisus, “Ti kadungan niku sumawsaw sa taya imaw yi ti pumakampi sa kalaban hampay aku kay itudlu.

Lukas 12:53

Udyi sida magkarausa, ti ama lumaban sa anak lalaki, ti anak lalaki lumaban waydi sa kay ama. Ti ina lumaban sa kay anak babayi, ti anak babayi lumaban waydi sa kay ina. Ti manugang babayi lumaban sa kay umagad babayi, ti umagad babayi lumaban waydi sa kay rinas-ugan babayi.”

Lukas 21:16

Dapat una kanyu manga gurang, una manga patar-ari, una manga katawuhan, una manga mayad pag kakilala pumakampi ngap sa kalaban bag-u kamu kanda itudlu. Ti iba sa kanyu ipamatay nida.

Huwan 13:18

“Inda kang manga pagsabihun bukun tungkul sa kanyu tanan. Kilala di niku daan nu hintay pag manga tawu kang pinili. Dapat kailangan tupadun ti pagsabihun sa Banal Kasuratan magkun, ‘Tunda pag tawu ti kasaru niku sa lamak, imaw yi ngap ti nagdayi sa kangku.’