Mikas 7:19 - Hanunuu

¹⁹ Kaawaan di maan nimu kami ag bul-un nimu ti tanan nimi manga kasalanan. Tat-an nimu inda ag iyamut sa kaabasad-basadan dagat.

Mikas 7:19 Iomraidhean Croise

2 Samwil 24:14

Nagsagut si Dabid sa kan Gad, “Magkakurian gid aku magpili. Mayad waya ti Panginuun yi lang ti pumarusa sa kangku kaysa ti manga tawu, dahil maawaun gid ti Panginuun.”

Kanta 103:12

Nu kabitay kay kaarayu ti butlakan sa isalpan, katunda diman pag-ipakarayu niya sa kanta ti manga kasalanan nita.

Kanta 130:8

Siya gid ngap ti manribri sa kanyu sa tanan niyu manga kasalanan.

Kanta 85:3

Dinura nimu kanmu masyadu pag pangagalit sa kanmi.

Isayas 33:24

Unman may nasakupan Hirusalim ti sumabi, “Maysakit aku.” Patawadun sida Diyus sa kanda manga kasalanan.

Isayas 38:17

Tutuu ti manga kakurian kang inagwanta para diman sa kang kaayadan. Dahil sa pagmahal nimu, irinibri nimu aku sa kadamhakan ag pinatawad nimu kang manga kasalanan.

Isayas 43:25

“Aku gid ngap ti maglumpiyu kanmu manga kasalanan para sa kang kadayawan, balaw yi niku tunda alalahanun waya.

Hirimyas 31:20

Nagsagut ti Panginuun, “Kamu pag nasakupan Ipraim kang pagmahalun pag anak. Una pirmi aku magbagaw laban sa kanyu, pagbayaun di niku kamu. Maggagad di aku ag magkaawa sa kanyu.

Hirimyas 31:34

Unman yi may manabi sa kay kasimanwa ngatay sa kay patar-ari kuntay kailangan niya kilalan-a ti Panginuun. Dahil sida tanan kumilala sa kangku, ginan sa pinakapugri tugka sa pinakamaunlad. Patawadun niku sida sa kanda manga daut binuwat, balaw yi niku alalahanun kanda manga kasalanan. Aku, ti Panginuun, ti magbagaw inda.”

Hirimyas 33:8

Lumpiyuhun ag patawadun niku sida sa tanan pag kasalanan pag buwatun nida laban sa kangku.

Hirimyas 50:20

Sa ati pag manga sirang, unman yi may makitan manga kasalanan hanggan paglabag sa manga magkasawad nasakupan sa Israil ag sa Huda dahil patawadun niku sida. Aku, ti Panginuun, ti magsabi inda.’ ”

Karukuan 3:22

ti pagmahal ag pangaawa Panginuun unman may katugkaan. Imaw tunda nakan unman kita napapas lubus.

Karukuan 3:32

Dapat una magpakaun siya kakurian, pag-ipakakit di maan niya kay pangaawa dahil sa kay daka pagmahal unman may katugkaan.

Isikil 18:22

Balaw yi siya suktun sa tanan niya kasalanan nabwat, ag dahil sa kay matadlung pag pagbuwatun, parargu siya mabuhi.

Isikil 39:29

Balaw yi gid niku sida pabay-anan dahil ipadara niku kang Ispiritu sa kanda. Aku, ti Panginuun Diyus, ti magsabi inda.”

Danyil 9:24

“Itinagka yi Diyus ti 490 ka timpu sa banal pag banwa hanggan sa kanmu kasimanwa hampay umapas kanda paglaban ag pagbuwat daut sa Diyus, para malukat sida sa kanda manga kasalanan, hampay maiparargu Diyus ti katadlungan tugka aban, hampay matupad ti pangakakitun hanggan ti hula, ag hampay maitalaga maan ti Balay Diyus.

Husyas 14:2

Pagbalik kamu sa Panginuun ag pagsabi sa kanya kuntay, ‘Panginuun, patawada duy kami sa tanan nimi manga kasalanan, tanggapa kami angay sa kanmu kaayadan hampay makahandug kami manga pagdayaw sa kanmu.

Husyas 14:4

Magkun ti Panginuun, “Paayadun niku kang nasakupan sa kanda pagkamalinabagun, ag buluntad sa kang tagipusuun mahalun niku sida. Dahil nadura yi kang galit sa kanda.

Sakaryas 3:4

Nakan magkun ti anghil sa kay iba manga anghil matindugan sa atubangan niya, “Lukasa niyu kay rutay mauring.” Bag-u magkun siya sa kan Huswi, “Bin-ul yi niku kanmu manga kasalanan. Ag taynguna, pasulungan yi kawu bag-u pag rutay.”

Ruma 6:14

Dahil udyi kailangan maghari sa kanyu ti kasalanan, kabay udyi kamu sakup sa Kasuguan, kamu sakup ngap sa kay pangaawa Diyus.

Ruma 8:13

Dahil nu mag-ugali kamu angay lang sa sadili niyu kagustuhan pagkatawu pihu kamu mamatay. Dapat nu sa panab-anan kapangyarihan Ispiritu pagmatyun niyu ti buruwatun angay sa sadili kagustuhan niyu pagkatawu, magkabuhi kamu.

Diyuturunumiyu 30:3

kaawaan kamu Panginuun niyu Diyus. Tipunun niya kamu ginan sa tanan pag nasyun nu naan pag ipinabihag niya kamu, ag rargu ibalik niya kanyu mayad pag kahamtangan.

Diyuturunumiyu 30:6

Bag-uhun Panginuun niyu Diyus kanyu manga tagipusuun hanggan ti tagipusuun niyu manga katawuhan hampay mahalun niyu siya sa buu tagipusuun ag karadwa, ag mabuhi kamu dugay.

Diyuturunumiyu 32:36

Apinan Panginuun kay manga nasakupan; kaawaan niya kay manga manugsirbi, nu makitan niya unman yi sida may kabisugan ag nu pira wadi ti nasawad sa kanda, panawuhun man una balaw panawuhun.

Titu 2:14

Ipinakaun niya kay sadili hampay lukatun niya kita sa tanan nita kasalanan, agud kita kay yi nasakupan, malumpiyu ag magkaibug magbuwat mayad.

Hibriyu 8:12

Kaawaan niku sida una sida nagkasala. Kanda kasalanan balaw yi alalahanun niku.”

1 Huwan 3:8

Nu magpadayun sa kasalanan ti tawu, sakup waya siya diyablu, dahil kaybi ginan hanggan taynguna tugka magkasala diman ti diyablu. Nakan nagsitay ti Anak Diyus hampay wasakun niya ti buwat diyablu.