Mikas 7:18 - Hanunuu

¹⁸ Udyi may tuhay Diyus parihu sa kanmu. Pinatawad nimu ti kasalanan nasawad nimu pag manga nasakupan kanmu magkaapu. Balaw magpirmaminti kanmu pangagalit hanggan aban dahil magbaya di kawu magmahal sa kanmi.

Mikas 7:18 Iomraidhean Croise

Gimpuunan 4:7

Nu kawu mana magbuwat lang mayad, man-aw masulung diman kawu. Dapat nu dayu kawu magbuwat mayad, bilang ga mablitangan sa kanmu sabian ti kasalanan, mag-alagad wadi sa kanmu pasaka, bag-u aban kawu yi kay suruguun. Nakan kailangan kawu di gid ti panalu.”

1 Hari 8:23

bag-u nandarangin, “Panginuun, Diyus Israil, unman may Diyus parihu ga kanmu sa langit ngatay sa daga. Pagtupadun nimu kanmu kasunduan, ag pag-ipakakit nimu kanmu pagmahal sa kanmu manga suruguun magsunud sa kanmu sa buu nida tagipusuun.

2 Krunika 30:9

Dahil nu bumalik kamu sa Panginuun, kaawaan manga nagbihag kanyu manga anak ag manga katawuhan, ag pabalikun sida sa inda pag daga. Dahil mainawatun ag maawaun ti Panginuun niyu Diyus. Unman niya kamu patlikudan nu bumalik kamu sa kanya.”

2 Krunika 6:21

Patingihi duy kang manga paghagadun hanggan ti paghagadun nimu manga nasakupan Israilita nu sida mandarangin maatubangan sa siyun pag rugar. Patingihi nimu kami asan sa kanmu ulian sa langit. Ag nu masaydan nimu kami, patawada duy nimu kami.

Nihimyas 9:17

Dayu sida mamatingi sa manga pagsabihun nimu, ag pagkalimtan lang nida ti manga makadululaw nimu binwat sa kanda. Nagbaliw maganit kanda manga ulu, ag magsalumpang sida sa kanmu palakaw sa panab-anan pagpili takinan mandara sa kanda pabalik sa pagkapanawuhun sa Ihiptu. Dapat kawu mapinatawadun pag Diyus, maawaun, maalalahanun, balaw daldali magkagalit, ag mapagmahal. Nakan unman nimu sida pinabay-anan,

Kanta 103:13

Nu kabitay ti ama maawaun sa kay manga anak, ti Panginuun maawaun diman sa manga maggalang sa kanya.

Kanta 130:4

Dapat pagpatawadun nimu kami, nakan paggalangun kawu nimi.

Kanta 35:10

Ti buu buhi niku sumabi, “Unman gid may pumarihu sa kanmu, Panginuun. Pag-iribri nimu ti manga makuri hanggan ti manga pugri sa manga mag-api ag mag-away sa kanda.”

Kanta 65:3

Nu tungkul sa kanmi manga kasalanan, una mayamu inda, pagpatawadun di nimu.

Kanta 65:4

Mapalad ti tawu kanmu pinili ag binan-awan mangulian sa kanmu Balay. Makabaya kami sa marinu pag manga bagay sa kanmu balay, ti banal pag Balay Diyus.

Kanta 71:19

Kanmu pagkamatadlung, Diyus, balaw masalman. Makadululaw kanmu manga binwat; unman gid may pumarihu sa kanmu.

Kanta 86:15

Dapat kawu, Panginuun, mapinasunaidun ag maawaun pag Diyus. Mapagmahal kawu ag matapat, balaw susun magkagalit.

Kanta 86:5

Tutuu mayad kawu ag mapinatawadun, ag punu kawu pagmahal sa tanan magtawag sa kanmu.

Kanta 89:6

Panginuun, unman may una di usa sa langit ti parihu sa kanmu. Unman may taga langit pag linalang ti pumarihu sa kanmu.

Kanta 89:8

Panginuun Diyus Makamaskihan, unman kawu may kaparihu; makamaskihan kawu ag magtupad sa tanan nimu pagbuwatun.

Pag-ighit 15:11

Panginuun, si unu waya pag diyus ti parihu sa kanmu? Unman kawu may kaparihu sa kabanalan ag kamaskihan. Kawu lang ti Diyus ti magbuwat makadululaw pag bagay!

Pag-ighit 34:9

Magkun siya, “Duy Panginuun, nu magbaya kawu sa kangku, magpakihampang duy aku ibahi nimu kami. Una maganit kay ulu inda pag manga tawu, patawada duy kami sa kanmi kadautan hanggan kasalanan. Tanggapa duy nimu kami bilang kanmu nasakupan.”

Isayas 1:18

Magkun waya ti Panginuun, “Abala kamu paghampangan nita inda. Una waya kabitay kay kauring kanyu manga kasalanan, lumpiyuhun di niku tunda hampay malumpiyu kamu.

Isayas 33:24

Unman may nasakupan Hirusalim ti sumabi, “Maysakit aku.” Patawadun sida Diyus sa kanda manga kasalanan.

Isayas 38:17

Tutuu ti manga kakurian kang inagwanta para diman sa kang kaayadan. Dahil sa pagmahal nimu, irinibri nimu aku sa kadamhakan ag pinatawad nimu kang manga kasalanan.

Isayas 40:18

Nakan sa kantapu niyu pag ipaparihu ti Diyus? Ngatay naan niyu siya pag ipatulad?

Isayas 40:25

Magkun ti Banal pag Diyus, “Sa kantapu niyu aku pag ipatulad? May kaparihu aw aku?”

Isayas 43:25

“Aku gid ngap ti maglumpiyu kanmu manga kasalanan para sa kang kadayawan, balaw yi niku tunda alalahanun waya.

Isayas 44:22

Kanmu manga kasalanan kang yi dinura ga rurum ngatay anitay. Pagbalik kawu sa kangku, hampay mairibri niku kawu.”

Isayas 55:7

Patlikudi yi manga tawu daut kanda daut pag manga ugali, bag-uha yi kanda daut pag naisipan. Pagbalik yi sida sa Panginuun nita Diyus, dahil kaawaan ag patawadun niya sida.

Isayas 57:10

Una budlay yi kamu sa kahanap diyus-diyusan, balaw gid kamu magkaduraan pag-asa. Pilit gid niyu pagpabisugun kanyu sadili nakan balaw kamu magpanlumuy.

Isayas 57:16

Sa tutuu, balaw niku kamu kalabanun ngatay unu-unuhun sa tanan udas, dahil nu buwatun niku inda magkaramatay ti linalang niku pag manga tawu.

Isayas 62:5

Siya ti naglalang sa kanmu mangasawa sa kanmu bilang ga usa ka kan-akan ipaasawa sa usa ka tugnaw pag daraga. Ag nu abitay ti aguman lalaki magbaya sa kay aguman babayi, ti Diyus magbaya diman sa kanmu.

Isayas 64:9

Panginuun, danga waydi nimu paglubusan kanmu pangagalit sa kanmi ngatay alalahanun kanmi manga kasalanan hanggan aban. Magpakihampang duy kami sa kanmu pakidnugi nimu kami, dahil kami tanan kanmu nasakupan.

Isayas 65:19

Makabaya aku sa Hirusalim hanggan sa kay manga nasakupan. Balaw yi ati may masaydan lulumian ngatay maghagad awat hanggan magpakabitay.

Hirimyas 3:12

Paglakaw kawu taynguna bag-u sabihun nimu inda sa Israil, ‘Aku, ti Panginuun, magsabi: Israil maradaya, pagbalik kawu, dahil maawaun aku. Balaw yi aku magalit sa kanmu hanggan aban.

Hirimyas 3:5

Pirmi yi lang aw kawu magkagalit sa kangku? Tugka kapira waya duy kawu pag magalit sa kangku?’ Inda ti pagsabihun niyu, dapat pagbuwatun diman niyu ti tanan daut pagburuwatun.”

Hirimyas 31:20

Nagsagut ti Panginuun, “Kamu pag nasakupan Ipraim kang pagmahalun pag anak. Una pirmi aku magbagaw laban sa kanyu, pagbayaun di niku kamu. Maggagad di aku ag magkaawa sa kanyu.

Hirimyas 31:34

Unman yi may manabi sa kay kasimanwa ngatay sa kay patar-ari kuntay kailangan niya kilalan-a ti Panginuun. Dahil sida tanan kumilala sa kangku, ginan sa pinakapugri tugka sa pinakamaunlad. Patawadun niku sida sa kanda manga daut binuwat, balaw yi niku alalahanun kanda manga kasalanan. Aku, ti Panginuun, ti magbagaw inda.”

Hirimyas 32:41

Kabayaan niku ti buwatan sida mayad ag buu tagipusuun niku sida patahanun sa inda pag daga.”

Hirimyas 33:8

Lumpiyuhun ag patawadun niku sida sa tanan pag kasalanan pag buwatun nida laban sa kangku.

Hirimyas 50:20

Sa ati pag manga sirang, unman yi may makitan manga kasalanan hanggan paglabag sa manga magkasawad nasakupan sa Israil ag sa Huda dahil patawadun niku sida. Aku, ti Panginuun, ti magsabi inda.’ ”

Hirimyas 9:24

Una si unu nu magkaibug magpadayaw, kailangan lang niya ipadayaw kuntay nakilala niya ag magkaintindihan kuntay aku ti Panginuun maawaun ti magbuwat kang-ud ag matadlung sitay sa babaw daga, dahil imaw tida ti pagbayaun niku. Aku, ti Panginuun, ti magsabi inda.”

Isikil 18:23

Aku, ti Panginuun Diyus, unman magbaya nu mamatay ti usa ka daut pag tawu. Makabaya aku nu mansisi siya ag parargu mangabuhi.

Isikil 33:11

Taynguna sabihi sida, ‘Aku ti Panginuun Diyus buhi, magsumpa kuntay unman aku magbaya nu may mamatay daut pag tawu. Kang gustu pag-aman sida sa kanda daut ugali hampay mabuhi sida. Nakan kamu pag nasakupan Israil, pag-aman yi kamu sa kanyu daut ugali. Gustu aw lugud niyu mamatay?’

Isikil 33:16

Una unu pag kasalanan kay binwat unman yi alalahanun laban sa kanya. Dahil nagbuwat siya sa hustu ag matadlung, pihu mabuhi siya.

Danyil 9:9

Dapat maawaun di gid kawu, Panginuun nimi Diyus, ag mapinatawadun una waya naglaban kami sa kanmu.

Husyas 14:2

Pagbalik kamu sa Panginuun ag pagsabi sa kanya kuntay, ‘Panginuun, patawada duy kami sa tanan nimi manga kasalanan, tanggapa kami angay sa kanmu kaayadan hampay makahandug kami manga pagdayaw sa kanmu.

Husyas 14:5

Papaladan niku ti manga taga Israil; bumaliw parihu aku sa tun-ug magpakaun danum sa manga tanum. Lumangba sida parihu sa tanum liryu magbusang. Rumig-un sida parihu sa kayu sidru sa Libanun kay manga gamut arabasad.

Huwil 2:32

Dapat una si unu ti manhagad awat sa Panginuun maribri di sa sintinsiya aban. Dahil angay sa binagaw Panginuun, may masawad di manga Israilita sa Bantud Siun, imaw ti Hirusalim. Sida ti manga pinili Panginuun hampay maribri.

Amus 1:11

Inda ti pagsabihun Panginuun tungkul sa Idum: “Dahil sa parargu pagbuwat kasalanan manga taga Idum, parusahan gid niku sida. Dahil linagas nida kanda katawuhan manga Israilita ag minatay unman may awa. Balaw gid madura kanda pangagalit sa manga Israilita.

Amus 7:8

Nagpaingana ti Panginuun sa kangku, “Amus, unu kanmu nakitan?” Sinmagut aku, “Panuntun duy.” Bag-u magkun siya, “Angay sa kang panuntun, balaw matul-id ti buhi niku nasakupan Israil. Nakan taynguna balaw yi niku sida kaawaan.

Amus 8:2

Nagpaingana siya sa kangku, “Amus, unu kanmu nakitan?” Nagsagut aku, “Usa ka balulang may sukad manga burak kayu lutu.” Bag-u magkun ti Panginuun sa kangku, “Rinmas-ug yi ti katapusan niku nasakupan Israil. Balaw yi niku sida kaawaan.

Hunas 4:2

Magkun siya sa Panginuun sa kay magdarangin, “Ungud gid, Panginuun, balaw gid aku nagsalan sa sinabi niku katpung ati di waya aku sa kanmi rugar, kanmu di ngani kaawaan ti manga taga Ninibi nu mansisi sida, dahil alam niku maawaun kawu ag mapinasunaidun pag Diyus. Mapagmahal kawu ag balaw susun magkagalit. Ag alistu magbag-u kanmu isip balaw mamadara parusa. Tunda ngani kay dahilan nu hayga napatagu aku atabug sa Tarsis.

Mikas 2:12

Magkun ti Panginuun, “Kamu pag manga nasawad nasakupan Israil ag Huda, tipunun gid niku kamu ga manga karanidu sa tudiran aw ngatay ga kaban hayup sa labuan. Mapunu manga tawu kanyu kadagaan.

Mikas 5:3

Nakan ti nasakupan Israil ipahintulut Panginuun sa kanda manga kalaban tugka sa ilusad babayi magpabaring-baring sa sakit ti lapsag lalaki mandumara sa Israil. Bag-u kay manga kasimanwa inda pag takinan imaw ti bumalik sa kanda kaparihu Israilita.

Mikas 7:14

Magdarangin ti manga Israilita magkun, “Panginuun, bantayan nimu kami kanmu manga nasakupan parihu sa magbantay manug-alaga sa kay manga karanidu. Ti manga daga sa kanmi palibut may marinu pag pasturan, dapat kami magkabuhi sa pangawakawaan kami-kami lang. Padakaa maan nimu kanmi magkaakupahan daga tugka sa Basan ag sa Gilyad parihu ga kaybi.

Sipanyas 3:17

Dahil kaibahan niyu ti Panginuun niyu Diyus. Parihu siya sa usa ka makamaskihan pag sundalu manribri sa kanyu. Makabaya gid siya sa kanyu, ag sa panab-anan niya pagmahal bag-uhun niya kanyu buhi. Manganta siya ag manhuyaw may kabayaan dahil sa kanyu,

Bilang 23:21

Unman aku may nakitan kadautan ngatay kakurian rumas-ug sa Israil. Kaibahan nida ti Panginuun kanda Diyus; pagkilalan-un nida siya kanda hari.

Lukas 15:32

Dapat kailangan kita magbaya gid ag masulung lubus, dahil sitay tigbak kanmu ari ag taynguna buhi yi maan. Sitay nadura ag kainda nakitan maan.’ ”

Lukas 24:47

Ag itudlu sa tanan nasyun, umpisa ginan sa Hirusalim, sa panab-anan niya patawadun Diyus ti manga tawu mag-ampu sa kanda kasalanan.”

Ruma 11:4

Dapat hintay kay sagut Diyus sa kanya? Magkun ti Diyus, “May sinawadan waya aku pitu ka libu lalaki unman sinamba nida si Baal pag diyus-diyusan.”

Diyuturunumiyu 33:26

Unman may kaparihu ti Diyus Israil. Masakyan siya sa manga rurum hampay awatan kamu. Sa kay kamaskihan magpaburayhaw siya sa kalangitan.

Santiyagu 2:13

Udyi kaawaan Diyus sa kay magsintinsiya ti tawu unman madunung magkaawa. Dapat ti tawu nu madunung magkaawa, unman kailangan magkadala sa parusa Diyus.

Talaghusay 10:16

Bag-u dinayu nida kanda diyus-diyusan ag nagsamba sa Panginuun. Sa kadugayun unman yi mabata Panginuun makitan sida magkakurian.