Mikas 7:16 - Hanunuu

¹⁶ Inda makitan manga nasyun ag mangay-a sida madi makapangyarihan sida. Ag udyi sida mamatingi aw ngatay mamagaw manga pamuya sa kanmi.

Mikas 7:16 Iomraidhean Croise

Hub 21:5

Bantayi lugud niyu aku ag manaklub gid kamu kanyu kamang sa kanyu bibig sa pagkadulaw, unman makapaniwala sa nangyari sa kangku.

Hub 40:4

“Balaw aku dapat sumagut sa kanmu. Unu ti isagut niku? Balaw yi lang aku mangingay.

Kanta 126:2

Nangarasarin-an kita ag nangarantahan sa kabayaan. Bag-u nagsabi ti iba manga nasyun, “Nagbuwat ti Panginuun makamaskihan pag manga bagay sa kanda.”

Kabagawan 30:32

Nu sa kanmu kayabangan magpadayaw kawu ag maggayak daut, apasi yi inda!

Isayas 26:11

Panginuun, alistu yi duy kawu pumarusa sa kanda, pat-ay balaw nida alam. Paandami nimu sida, Panginuun. Pakay-aha sida. Ipakakit nimu sa kanda nu kabitay nimu kamahal kanmu manga nasakupan. Rurisun nimu sa panab-anan apuy kanmu manga kalaban.

Isayas 52:15

Hanggan ti manga nasyun madulaw sa kanya. Ti manga hari dayu makabagaw dahil sa kanya, dahil makitan nida ti manga bagay udwaya nasabi sa kanda. Ag masalman nida ti manga udwaya nasaydan nida pag bagay.”

Isayas 66:18

Alam niku kanda pagbuwatun ag pag-isipun. Nakan rumas-ug aku tipunun niku kang manga nasakupan sa tanan nasyun, bag-u makitan nida kang kadayawan.

Isikil 38:23

Sa panab-anan inda ipakakit niku kang kapangyarihan ag kabanalan sa tanan nasyun. Bag-u maalaman nida aku ti Panginuun.”

Mikas 3:7

Mangay-a gid kamu pag manga purupita ag manga manughula. Manaklub kamu kanyu uyahun sa masyadu pag kay-a, dahil unman yi kamu may pahayag matanggap ginan sa Diyus.

Mikas 5:8

Dapat dumara diman sida kadamhakan sa manga nasyun. Bumaliw sida parihu sa liyun maisug magduksul sa manga hayup sa katalunan ag sa manada manga karanidu sa pasturan. Nu magduksul ti liyun, pagtukbun niya kay magkablay bag-u pagkan-un, ag balaw makaribri sa kanya.

Hagay 2:22

Duraun niku ti manga kaharian hanggan kanda kapangyarihan. Magkaragpu kanda manga kalisa hanggan kay manga sakay. Magkaramatay kanda manga kabayu ag manmaratyan kanda manugkabayu.

Sakaryas 12:9

Sa ati pag sirang, rurisun niku ti tanan nasyun man-gira sa Hirusalim.

Ruma 3:19

Alam yi nita una hintay ti pagsabihun sa Kasuguan, sinabi yi ngani sa manga napasakup sa Kasuguan, hampay una si unu pag tawu balaw yi may isingyanan ag ti tanan-tanan tawu may kapanagutan nu sa kaudasan sintinsiya Diyus.

Ipinakakit 11:18

Magkagalit ti manga unman magsarig sa Diyus, dahil nagras-ug yi ti kaudasan nimu pangagalit. Pihuun yi nimu ti manga namatay nu daut nu mayad. Kanmu diman kaudasan pamakaun pirimyu sa manga suruguun nimu, sa manga purupita. Pakan-an diman nimu pirimyu ti manga napasakup sa kanmu hanggan ti tanan maggalang sa kanmu ngaran, una mayaman una pugri. Udas yi hampay dautun nimu ti manga nagpakaun kakurian sa kalibutan.”