Mikas 7:14 - Hanunuu

¹⁴ Magdarangin ti manga Israilita magkun, “Panginuun, bantayan nimu kami kanmu manga nasakupan parihu sa magbantay manug-alaga sa kay manga karanidu. Ti manga daga sa kanmi palibut may marinu pag pasturan, dapat kami magkabuhi sa pangawakawaan kami-kami lang. Padakaa maan nimu kanmi magkaakupahan daga tugka sa Basan ag sa Gilyad parihu ga kaybi.

Mikas 7:14 Iomraidhean Croise

Kanta 100:3

Kilalan-un niyu ti Panginuun imaw ti Diyus! Siya ti naglalang sa kanta ag kanya kita. Nasakupan niya kita kay pag-alagaan parihu sa manga karanidu.

Kanta 143:5

Naalaala niku ti manga binwat nimu kaybi; pag-isip-isipun niku ti tanan nimu binwat.

Kanta 28:9

Ribrihan ag papaladi kanmu magkaapu pag nasakupan. Alagai sida parihu sa manug-alaga karanidu; alagai sida sa unman may katapusan.

Kanta 95:7

Dahil siya kanta Diyus, ag kita kay nasakupan kay pagbantayan ag pag-alagaan parihu sa manga karanidu. Nu masaydan niyu kainda ti busis Diyus,

Pag-ighit 33:16

Dahil kabitay maalaman iba kuntay magbaya kawu sa kangku hanggan sa kanmu nasakupan nu balaw kami kanmu ibahan? Kabitay duy nida maalaman kuntay nituhay kami pag manga nasakupan sa iba pag manga nasakupan sa kalibutan.”

Kanta ni Sulumun 4:1

Pagkarinu duy kawu, mahal niku. Kanmu manga mata magkatakluban nimu taung parihu sa mata kalampati. Kanmu buhuk parihu sa kadamlan manga kambing maglus-ug ginan sa Bantud Gilyad.

Isayas 27:13

Nu tumunug ti budyung mabisug, magbinalik sa Hirusalim ti magkakurian pag manga Israilita nabihag Asirya ag Ihiptu. Sambahun nida ti Panginuun sa banal pag bantud Hirusalim.

Isayas 35:2

Manganta ag manringgit sa kabayaan ti pangawakawaan ga tawu, ag mamuklad ti mayamu pag busang. Bumaliw marinu inda parihu sa Bantud Libanun, ag mamurak inda abunda parihu sa karatagan Karmilu ag Sarun. Ag miburayhaw sitay ti kamaskihan ag kadayawan Panginuun nita Diyus.

Isayas 37:24

Sinurug nimu aku sa panab-anan nimu manga suruguun. Pagsabihun waya nimu, ‘Sa panab-anan niku mayamu pag manga kalisa nadayik niku ti arabwat pag manga bantud hanggan ti katayungtungan manga bantud Libanun. Pinukan niku ti arabwat pag manga puun sidru hanggan kay pinaka marinu pag kalasi sipris. Nakaras-ug aku sa katayungtungan sa may madamul pag kapuruan.

Isayas 40:11

Alagaan niya kay manga nasakupan ga pastur mag-alaga sa kay manga karanidu. Pagsalilihun niya ti dariit pag karanidu madahan niya pag giyahan ti manga inaan karanidu.

Isayas 49:10

Balaw sida lun-usun ngatay uwawun. Balaw sida masinggitan masyadu pag singgit init ngatay mainit pag durus sa pangawakawaan. Dahil aku ti magpahalaga sa kanda imaw ti gumiya sa kanda tabug sa manga bulbugan.

Isayas 65:10

Papaladan niku sida ti manga magpakarani sa kangku. Ti manga karatagan Sarun hanggan Akur buwatun paraharaban nida manga hayup.

Hirimyas 49:31

Aku, ti Panginuun, ti nagsugu sa kanda kuntay, ‘Giraha niyu ti usa ka nasyun magkabuhi may kahusayan ag abunda. Unman may agad kanda manga puwirtahan banwa ag magkabuhi sida-sida lang.

Karukuan 1:7

Taynguna asan sa kakurian ti Hirusalim ag magkawatak-watak, naimatun-an niya ti tanan niya kasiyunan kaybi. Pagka niatag siya sa kamang niya manga kalaban, unman may nangawat sa kanya. Pagpuyaan siya ag pagkasarin-an niya manga kalaban sa kay pagkadamhak.

Karukuan 5:21

Panginuun, balikan kami sa kanmu ag bumalik kami. Balikan sa kanmi ti kanmi mayad pag kahamtangan kaybi.

Isikil 36:11

Payamuun niku kanyu manga tawu hanggan kanyu manga hayup. Pauliun maan niku ti manga tawu sa kanyu parihu sa kabag-u, ag paunladun niku kamu subra waya sa kabag-u. Bag-u maalaman niyu aku ti Panginuun.

Libitiku 27:32

Nu magbilang kamu kanyu manga baka, karanidu, ngatay kambing, ti usa sa sampulu siti ipakaun niyu sa Panginuun.

Amus 9:11

“Rumas-ug ti sirang ipatindug maan niku ti kaharian ni Dabid parihu sa payag nagba. Karinuun niku tunda pag manga nagba. Ipatindug maan niku tunda ag ibalik niku parihu sa kabag-u,

Ubadyas 1:19

“Sakupun manga taga Nigib ti Bantud ni Isaw, ag sakupun manga mag-uli sa tagudtud sa isalpan ti manga Pilistiyu. Sakupun diman manga Israilita ti daga Ipraim hanggan Samarya, ag sakupun waydi Binhamin ti Gilyad.

Mikas 5:4

Dumarahan niya ti nasakupan Israil sa panab-anan kabisugan ag kamaskihan Panginuun. Parihu siya sa usa ka manug-alaga karanidu. Nakan mangabuhi sida may kahusayan dahil galangun manga tawu sa buu kalibutan kay kapangyarihan.

Sipanyas 3:13

Inda pag manga nasawad Israilita balaw sida mamuwat daut. Dayi sida mamudil ngatay mandaya. Mangaun ag maturug sida udyi may pagkadalaan.’ ”

Sakaryas 10:10

Pauliun niku sida ginan sa Ihiptu ag Asirya, ag mangulian sida sa kanda rugar tugka sa Gilyad ag Libanun. Bumaliw masiut sida sa kanda kadagaan.

Sakaryas 11:7

Nakan inalagaan niku ti manga karanidu iriyawun manga manugpabili manga karanidu. Nam-ul aku duwa ka sugkud; kay usa iningarnan niku Kaayadan ag kay usa waydi iningarnan niku Pagkarausa.

Malakyas 3:4

Nakan makabaya yi ti Panginuun sa manga handug nasakupan Huda ag Hirusalim, parihu sa kabag-u.

Bilang 23:9

Pagka ati aku sa katayungtungan tagudtud, nakitan niku sida. Magkabuhi diman sida una sida-sida lang, mablagan sa iba ka manga nasyun.

Bilang 32:1

Ti manga lahi ni Rubin hanggan ni Gad mayamu gid kanda manga hayup. Nakan pagka nakitan nida mayad pag daga ti Hasir hanggan ti Gilyad para sa manga hayup,

Bilang 32:4

ti manga rugar nasakup Panginuun sa panab-anan manga Israilita — mayad pag rugar para sa manga hayup, ag kami kanyu suruguun mayamu hayup.

Matiyu 2:6

‘Kawu, Bitlihim, sa daga Huda, balaw kawu uryan sa manga un-an pag manga banwa sa Huda; dahil lumuwang aban ginan sa kanmu ti usa ka takinan. Siya yi ti mangalaga sa kang nasyun Israil.’”

Huwan 17:16

Parihu sa kangku balaw minsan sa manga taga kalibutan, katunda diman sida unman minsan sa manga taga kalibutan.

Diyuturunumiyu 33:28

Nakan ti Israil mangulian arayu sa kadamhakan, sa daga abunda sa ani hanggan irinmun ubas, ag nu naan ti tun-ug ginan sa langit imaw ti magpakaun danum sa daga.