Mikas 7:12 - Hanunuu

¹² Sa tunda diman pag manga kaudasan, umatag sa kanyu ti manga tawu ginan sa Asirya hanggan sa manga banwa Ihiptu, bag-u ginan sa Ihiptu tugka sa Sapa Iyupratis, hanggan ginan sa ararayu pag manga rugar.

Mikas 7:12 Iomraidhean Croise

Isayas 11:11

Sa ati pag sirang utru gamitun Panginuun kay kamaskihan hampay pauliun ti manga nasawad pag nasakupan niya dinara-bihag sa Asirya, sa Ihiptu, sa Patrus, sa Itiyupya, sa Ilam, sa Babilunya, sa Hamat ag sa iba waya rugar arayu.

Isayas 11:16

Nu kabitay ti maluang pag dalan paglakawan nasakupan Israil katpung nighit sida ginan sa Ihiptu, may imaw diman maluang pag dalan para sa manga nasawad niya pag manga nasakupan sa Asirya.

Isayas 43:6

Sabihun niku sa manga nasyun sa kanaway hanggan sa salatan kuntay pabay-ani bumalik sa kanda daga kanmu manga linahi, ag pabay-ani muli una naan pag suuk kalibutan.

Isayas 49:12

Rumas-ug kang manga nasakupan ginan sa arayu — ti iba ginan sa kanaway, ti iba waydi sa isalpan, ag ti iba ginan waya sa Sinim.”

Hirimyas 23:3

Aku ngapu ti tumipun sa manga nasawad niku pag nasakupan ginan sa tuhay-tuhay pag rugar nu naan niku sida pag pinanwayak, ag darahun niku sida ibalik sa kanda daga bag-u yumamu maan sida ati.

Hirimyas 3:18

Sa ati pag manga sirang, ti manga nasakupan Huda hanggan ti Israil mirinsanan bumalik ginan sa pagkabihag sa kanaway muli sa daga ipinakaun niku sa kanda manga ginurang bilang maranahun.

Hirimyas 31:8

Magkun diman ti Panginuun, “Pagpatingi kamu! Aku ti bum-ul sa kanda, tipunun niku sida ginan sa kanaway una naan ginan pag bahagi kalibutan. Kaibahan ti manga buta, ti manga lunu, katida diman ti manga magbuduy hanggan ti manga arani yi manganak. Daka pag gurupu ti muli.

Hirimyas 46:27

“Dapat kamu pag manga taga Israil linahi niku manugsirbi ni Hakub, danga kamu magpanlubay ngatay magkadala. Dahil iribri di niku kamu ginan sa arayu pag rugar nu naan kamu pag binihag. Utru kamu mangabuhi may kahusayan ag unman may rumas-ug kadautan sa kanyu, balaw diman may una si unu ti pumadala sa kanyu.

Isikil 29:21

“Isikil, sa udas mangyari yi inda, pabaskugun maan niku ti Israil, bag-u maalaman manga Israilita tutuu kanmu manga sinabi. Bag-u maalaman nida aku ti Panginuun.”

Isikil 37:21

ag sabihi sida, ‘Inda ti pagsabihun Panginuun Diyus: Tipunun niku ti manga Israilita ginan sa tanan nasyun kinalatan nida, bag-u daran-un sida pabalik sa kanda sadili daga.

Husyas 11:11

Rumas-ug kamu madali parihu sa manga manuk maglayang sa tungud ginan sa Ihiptu ngatay parihu sa manga kalampati ginan sa Asirya. Pauliun maan niku kamu sa kanyu manga balay. Aku, ti Panginuun, ti magsabi inda.”