Mikas 6:8 - Hanunuu

⁸ Sinmagut si Mikas: “Tinudluan yi kita Panginuun nu hintay ti mayad. Inda ti gustu niya buwatun nita: Buwatun nita ti matadlung, palabihun nita ti maawaun sa iba ag pagmapinakumbabaun kita sa pagsunud sa kanta Diyus.”

Mikas 6:8 Iomraidhean Croise

Gimpuunan 18:19

Pinili niku siya hampay ipatupad niya sa kay manga anak hanggan sa kay manga linahi kang manga palakaw, hampay bumuwat sida hustu ag matadlung. Sa panab-anan inda, matupad kang itinaratu sa kanya.”

Gimpuunan 5:22

Pagka nianak si Matusalim, nabuhi waya si Inuk 300 ka timpu ag nadugangan waya kay manga anak. Tunda katpung, marapakiusa si Inuk sa Diyus. Manga 365 ka timpu yi siya kay nadura, dahil bin-ul siya Diyus.

2 Krunika 30:11

Dapat may iba ginan sa Asir, Manasis, ag Sabulun ti nagpakumbaba ag nag-atag sa Hirusalim.

2 Krunika 32:26

Pagkatapus, nag-ampu si Isikyas sa kay pagpadayaw, ag katida diman ti nasakupan Hirusalim. Nakan unman pinadayun Panginuun kay pangagalit sa kanda habang magkabuhi waya si Isikyas.

2 Krunika 33:19

Kay darangin hanggan ti sagut Panginuun sa kanya, hanggan ti tanan niya kasalanan ag paglabag sa Panginuun, nakasurat sa ribru manga Purupita. Nakalista diman sitay ti manga rugar pinatindugan niya manga simbahan, manga tulduk tanda diyusa si Asira, ag iba waya pag manga diyus-diyusan, bag-u waya siya nagpakumbaba sa Diyus.

2 Krunika 33:23

Dapat balaw parihu sa kay ama, unman siya nagpakumbaba sa Panginuun. Bagkus ngap, dinugangan waya gid niya kay kasalanan.

2 Krunika 34:27

Pinatingihan niku kanmu darangin, dahil nag-ampu kawu ag nagpakumbaba sa atubangan niku pagka nadnugan nimu ti sinabi niku laban sa inda pag rugar ag sa manga mag-uli sitay. Ginisi nimu waya kanmu rutay ag nanlumi sa kang atubangan bilang pagpakakit karukuan nimu. Nakan aku, ti Panginuun, magsabi

Nihimyas 9:13

“Nagdugsun kawu sa Bantud Sinai ginan sa langit ag nanhampang kawu sa kanda. Pinakan-an nimu sida kang-ud pag tudlu, ag mayad pag sugu hanggan manga surundanun.

Kanta 101:1

Panginuun, manganta aku tungkul sa kanmu pagmahal ag katadlungan. Manganta aku manga pagdayaw sa kanmu.

Kanta 112:4

Una sa kadudulman may rayaw di para sa manga tawu magkabuhi mayad, maawaun, mabuut, ag matadlung.

Kanta 112:9

Mag-ayaw siya sa manga pugri; kay matadlung pag buruwatun alalahanun tugka aban ag kay kabisugan dugangan Diyus bilang paggalang sa kanya.

Kanta 37:26

Pirmi waya ngani sida tig pakaun ag magpaudam, ag kanda manga anak nagbaliw papalad sa iba.

Kanta 73:28

Diyus, dapat para sa kangku, mayad ti magpakarani sa kanmu. Kawu Panginuun Diyus kang binwat manug-alaga, hampay mitultul niku ti tanan nimu binuwat.

Kabagawan 21:3

Pag-ikabaya gid Panginuun nu magbuwat mayad ag matadlung ti usa ka tawu kaysa manhandug siya manga handug.

Manugtudlu 12:13

Taynguna nabasa nimu inda tanan, inda kang uryan patigayun: Paggalang kawu sa Diyus ag sunda kay manga sugu, dahil imaw inda ti katungkulan kada tawu.

Isayas 56:1

Inda ti pagsabihun Panginuun: “Ugalia niyu ti katadlungan ag ti katuwiran dahil arani yi niku iribri kamu.

Isayas 57:15

Inda waya ti pagsabihun Kaabwat-abwatan pag Diyus, ti Banal pag Diyus buhi hanggan aban: “Mag-uli aku sa abwat ag banal pag rugar, dapat mag-uli diman aku kaibahan manga tawu mapinakumbabaun ag mapinatawadun, hampay sida kang pabisugun.

Isayas 66:2

Unman aw aku ti nagbuwat sa tanan bagay. Aku ti Panginuun ti magsabi inda. “Pagpahalgaan niku ti manga tawu mapinakumbabaun, marapatawad, ag magkadala sa kang manga bagaw.

Hirimyas 22:16

Inapinan niya ti karampatan manga pugri hanggan ti manga magpangailangan, nakan nagbaliw mayad ti tanan para sa kanya. Katunda ti kang-ud pag magkilala sa kangku.

Hirimyas 22:3

Inda ti pagsabihun Panginuun: Ilantag niyu ti katadlungan hanggan ti katuwiran. Awati niyu ti manga tinakawan, iribri niyu sida sa kamang manga tawu mag-api sa kanda. Danga niyu paghigpiti ngatay pag sakti ti manga day-uhan, ulila hanggan manga buranday mag-uli kaibahan niyu. Danga diman kamu magmatay sa manga tawu unman may kasalanan.

Hirimyas 9:23

Magkun waya gid ti Panginuun, “Balaw kailangan pag ipadayaw madunung kay kadunungan, ngatay mabisug kay kabisugan, aw ngatay ti mayaman kay kayamanan.

Karukuan 3:26

Mayad ti mag-alagad kita may pag-agwanta sa pagribri Panginuun sa kanta.

Isikil 16:63

Alalahanun nimu kanmu manga kasalanan ag mangay-a kawu, ag ga udyi kawu makabagaw sa masyadu pag kakay-ahan nu patawadun yi niku ti tanan nimu binwat. Aku, ti Panginuun Diyus, ti magbagaw inda.”

Isikil 33:14

Bag-u nu sumabi aku sa daut pag tawu pihu mamatay siya, dapat sa uryan nagpatlikud siya sa kay daut manga buwat ag nagbuwat sa hustu ag matadlung —

Danyil 4:37

Nakan taynguna pagdayawun niku ag pagkilalan-un ti Hari langit, dahil hustu ag matadlung ti tanan niya pagbuwatun, ag pag-ipaababa niya ti una si unu ti magpadayaw-dayaw.”

Husyas 12:6

“Nakan kamu pag manga linahi ni Hakub, pagbalik yi sa kanyu Diyus, ag ipakakit niyu ti pagmahal hanggan ti katadlungan. Bag-u parargu kamu sumarig sa kanyu Diyus.”

Husyas 6:6

Dahil balaw kanyu manga handug kang pagkaibgan nu unman kanyu pagmahal. Mas gustu waya niku kilalan-un niyu aku kaysa manhandug kamu manga handug pagsunugun.

Amus 5:24

Bagkus ngap ipakakit niyu ti katadlungan ag buwata niyu ti matadlung; danga niyu inda pag-apasi parihu sa sapa unman may apas kay magbulus.

Mikas 6:9

Patingihi niyu ti pagsabihun Panginuun sa banwa Hirusalim, dahil ti maggalang sa kanya imaw ti may tutuu pag kadunungan. “Kamu pag manga nibilang sa lahi ni Huda, pagtiripnan kamu sa banwa Hirusalim ag pagpatingi.

Sipanyas 2:3

Kamu waydi pag manga mapinakumbabaun ag masurundun sa manga sugu Panginuun, pagpakarani kamu sa kanya. Pagparargu kamu sa pagbuwat matadlung ag pagpakumbaba kamu. Barang abi alagaan kamu Panginuun sa sirang ibuhus niya kay pangagalit.”

Sakaryas 7:9

“Inda ti sinabi niku sa kang manga nasakupan: ‘Paghusay kamu mayad. Ipakakit niyu kanyu kaayadan ag pangaawa sa usa kag sa usa.

Matiyu 5:3

“Papaladan Diyus ti manga tawu nu udyi may pagsarigan sa kanda sadili, dahil sa kanda ti kaharian langit.

Matiyu 5:7

Papaladan Diyus ti manga maawaun, dahil sida aban ti kaawaan Diyus.

Lukas 10:42

Usa lang ka bagay gid ti mahalaga, kan Marya pinili ti mayad gid, balaw mab-ul ginan sa kanya.”

Lukas 11:42

“Dapat anung kaawaawa kamu pag manga Parisiyu, dahil kamu magpakaun ikasampulu manga pamanglu sa upi hanggan tanan manga urupiun, dapat kanyu kinalimtan ngap ti katadlungan hanggan ti pagmahal sa Diyus. Kailangan kanyu tupadun ti katadlungan hanggan ti pagmahal sa Diyus, dapat danga waydi paglimti ti manga ikasampulu, pagpakaun di.

Lukas 12:14

Dapat sinabi ni Hisus sa kanya, “Duy, si unu nguna ti nagpakaun karampatan sa kangku hampay magpaanyu mag-ayaw-ayaw kanyu ginurang sangkap?”

Lukas 6:36

Pagmaawaun kamu, parihu sa kanyu Ama maawaun diman.”

Ruma 7:16

Dapat ay nu pagbuwatun niku ti bukun gustu niku, pagpaangayan niku kuntay mayad ti Kasuguan.

Ruma 9:20

Dapat kawu duy tawu lang, si unu lugud kawu nakan nagsagut katida sa Diyus? Masabi aw lugud anglit sa nagpanday sa kanya magkun, “Hayga binwat nimu aku kainda?”

1 Kurintu 7:16

Balaw maalaman nimu, nu ngatay miribri ngapu nimu kanmu asawa lalaki. Balaw maalaman nimu, nu ngatay miribri nimu kanmu asawa babayi.

Ipisu 4:32

Bagkus ngap pagpakabuut kamu, pagmatugway kamu, pagparatawadan sa kada usa parihu sa kay nagpatawad Diyus sa kanyu dahil sa kan Kiristu.

Diyuturunumiyu 27:10

Sunda niyu ti Panginuun niyu Diyus ag tupada ti tanan niya manga sugu hanggan surundanun kang pag-ipakaun sa kanyu taynguna.”

Diyuturunumiyu 30:15

“Pagpatingi! Kainda pag sirang papiliun niku kamu: buhi ngatay kamatayan, kaabundahan ngatay kadamhakan.

Kulusas 3:12

Kamu manga sakup sa Diyus, kay pinili niya kamu, kay yi gid pagmahalun. Nakan ngani kailangan kamu pagmaawaun, pagmayad kanyu nabubut-un, pagmapinakumbabaun, pagmabuut hanggan matiniisun.

2 Tisalunika 2:16

Kanmi pag-idarangin kamu hampay pasayahun nita Panginuun Hisu-Kiristu hanggan nita Diyus Ama, imaw ti nagmahal sa kanta. Kinaawaan gid niya kita, pinakan-an niya kita unman magkauman pag matutum naisipan hanggan marig-un pagsarig.

Santiyagu 2:20

Kawu duy kurang katna sa pag-intindi. Kanmu aw gustu ipaliwanag waya niku sa kanmu kuntay unman may gana pag sarig nu unman may tapil buwat?

Huswi 24:14

Nakan magkun si Huswi, “Galanga niyu ti Panginuun ag sirbihi may katapatan. Bugyahi yi niyu ti manga diyus pagsambahun kaybi niyu manga ginurang sa baliw dipay Sapa Iyupratis ag sa Ihiptu, bag-u pagsirbi kamu sa Panginuun.

1 Pidru 3:8

Inda waya kang sabi sa kanyu tanan, pag may pagkarausa kamu, pagparasunaidan kamu, pagmalahalan kamu sa usa kag sa usa kamu manga magtar-arian. Pagmatugway kamu pagmapinakumbabaun kanyu naisipan.

1 Samwil 12:23

“Balaw gid duy aku umapas sa kang magdarangin sa kanyu, dahil nu abi kang apasan tunda ngap kasalanan niku laban sa Panginuun. Bagkus ngap itudlu di niku sa kanyu ti mayad hanggan matadlung pag-ugali.

1 Samwil 15:22

Dapat nagsagut si Samwil, “Magbaya aw lugud ti Panginuun sa manga handug niyu kaysa pagsunud sa kanya? Ti pagsunud sa Panginuun mas mayad man kaysa manga handug. Ti pagpatingi sa kanya mas mayad man kaysa paghandug manga taba karanidu.