Mikas 6:6 - Hanunuu

⁶ Sinmagut ti usa ka Israilita, “Unu ti ihandug niku sa Panginuun, ti Diyus sa langit, nu mansamba aku sa kanya? Mansagda aw aku ibun baka bilang handug pagsunugun?

Mikas 6:6 Iomraidhean Croise

2 Samwil 21:3

ag pinaingana, “Hintay kang buwatun sa kanyu hampay mabayadan ti binwat kasalanan ni Saul sa kanyu, ag hampay papaladan niyu ti nasakupan Panginuun?”

Kanta 116:12

Unu lugud ti maibalus niku sa Panginuun sa tanan niya pag kaayadan sa kangku?

Kanta 22:29

Pihu sumamba sa kanmu ti tanan mayaman sa kalibutan. Una ti tanan tawu hirimugtasun manluhud sa kanmu. Hanggan tunda pag manga namatay yi,

Kanta 95:2

Pagpakarani kita sa kanya may pasalamat, ag paghuyaw kita magkanta sa pagdayaw sa kanya.

Kanta 95:6

Abala kamu, manluhud kita mansamba sa Panginuun ti naglalang sa kanta.

Pag-ighit 12:5

Kailangan piliun niyu ti lalaki pag kambing ngatay karanidu, usa ka timpu di waya kay idad, ag unman may alangan.

Pag-ighit 23:15

Tupada niyu ti Pista Tinapay Unman may Pamadaka. Angay sa isinugu niku sa kanyu, pagkaun kamu tinapay unman may pamadaka sa sulud pitu ka sirang. Buwata niyu inda sa itinagka pag udas sa bulan Abib, dahil tida pag bulan kamu pag nagluwas sa Ihiptu. Ti kada usa sa kanyu kailangan dumara sa kangku handug sa tida pag udas.

Kabagawan 15:8

Pagkadat-an Panginuun ti manga handug manga daut pag tawu, dapat magbaya siya sa manga darangin manga matadlung.

Kabagawan 21:3

Pag-ikabaya gid Panginuun nu magbuwat mayad ag matadlung ti usa ka tawu kaysa manhandug siya manga handug.

Isayas 40:16

Ti manga hayup sa Libanun balaw kang-ud ihandug sa kanya ag ti manga kayu ati kurang waya pamagba sa manga handug.

Hirimyas 6:20

Unman may halaga sa kangku kanda manga pag-isagda kamangyan una ginan waya inda sa Shiba, ngatay manga pamanglu ginan waya sa arayu pag rugar. Balaw niku tanggapun kanda manga handug pagsunugun. Unman aku magbaya sa kanda manga handug sa kangku.

Isikil 46:9

“Nu mansamba sa kangku ti nasakupan Israil sa Balay Diyus sa udas manga pista, ti manga mansulud sa sabian sa salatan kailangan sa kanaway pag lumuwas, bag-u ti manga mansulud sa sabian sa kanaway lumuwas sa sabian sa salatan. Kailangan unman may lumuwas sa sabian sinuldan niya. Kailangan sa iba pag sabian siya lumuwas nu mansulud siya sa baliw.

Danyil 3:26

Nakan nagpakarani si Nabukudunusur sa puwirtahan maglabdaban pag pugun bag-u nagtawag, “Sadrak, Misak, ag Abidnigu, manga suruguun Kaabwat-abwatan pag Diyus, pagluwas kamu asan ginan! Abala kamu!” Bag-u nagluwas ngani sida tulu ginan sa basad apuy.

Danyil 4:9

Magkun aku, ‘Biltisasar, takinan manga manugsalumangka, alam niku asan sa kanmu ti ispiritu banal pag manga diyus, ag madali nimu maalaman ti manga madalum pag manga kahulugan. Nakan tultulan sa kangku nu hintay ti kahulugan manga pangakakitun kang nakitan sa kang tagin-up.

Danyil 5:18

“Mahal Hari, kanmu ama si Nabukudunusur pinakan-an Kaabwat-abwatan Diyus usa ka kaharian. Nagmakapangyarihan siya ag kinilala manga tawu.

Danyil 5:21

ag pinalayas tabug sa arayu sa manga tawu. Ag nagbaliw parihu sa hayup kay kaisipan. Nangulian siya kaibahan sa manga simarun-asnu sa talun ag nanharab ilamnun parihu ga baka. Ag pirmi nabasa tun-ug kay bilug. Imaw tida kay kahamtangan hanggan sa ud kinilala niya ti Kaabwat-abwatan pag Diyus ti may kamaskihan sa kaharian manga tawu ag mahimu niya sida ipasirung una sa kantapu nu gustu niya.

Husyas 5:6

Mansagda kamu manga karanidu, manga kambing hanggan manga baka sa pagdangup sa kangku, dapat unman niyu malakawan kang kadayawan dahil binugyahan yi niku kamu.

Amus 5:22

Nakan una waya daran-an niyu aku tuhay-tuhay pag manga handug, una ti pinakamayad waya pag handug, balaw niku inda tanggapun.

Matiyu 19:16

May lalaki napakarani sa kan Hisus namaingana magkun, “Maisturu, hintay nguna duy pag kaayadan kang buwatun hampay makatanggap aku buhi unman may katapusan?”

Markus 12:33

Nu ilubus tawu kay tagipusuun, kay pag-iisip hanggan kay kabisugan sa kay pagmahal sa Panginuun ag nu ti tawu may pagmahal sa kay kaparihu tawu ga kay diman pagmahal sa kay sadili, tunda subra man mahalaga sa tanan hayup pagsunugun handug sa Panginuun hanggan sa iba waya manga handug sa Diyus.”

Markus 5:7

Kay irininggit daka magkun, “Hintay kanmu labut sa kangku, Hisus, kawu ti Anak Diyus makamaskihan sa tanan. Alang alang sa Diyus, danga pakurian nimu aku.”

Lukas 10:25

Bag-u nagpakarani ti usa ka manugtudlu Kasuguan, kay pagsubukan niya si Hisus magkun, “Maisturu, hintay kang buwatun hampay makatanggap aku buhi unman may katapusan?”

Huwan 6:26

Sinmagut si Hisus magkun, “Ungud duy kang pagsabihun sa kanyu, nakan lang kamu maghanap sa kangku dahil kamu nabsug sa kanyu nangaun tinapay, balaw dahil naintindihan niyu kang binwat manga tanda.

Binwat 16:17

Magpakadasun tunda pag babayi suruguun sa kanmi ni Pablu magpakatawag magkun, “Inda pag manga tawu ti suruguun Diyus Makamaskihan sa tanan. Magtudlu sida sa kanyu nu kabitay kamu pag makakit karibrihan.”

Binwat 16:30

Ipinaluwas niya sida sa pirisuhan, bag-u kay sinabi sa kanda magkun, “Hintay nguna duy kang kailangan buwatun hampay aku maribri?”

Binwat 2:37

Pagka nadnugan manga tawu kan Pidru paliwanag, naaburidu kanda naisipan. Namaingana sida sa kan Pidru hanggan sa iba manga apustul magkun, “Manga patar-ari, kabitay wadi duy kami inda?”

Ipisu 3:14

Nakan ngani aku magluhud magdarangin sa atubangan Ama.

Hibriyu 10:11

Tutuu ti kada manughandug sa Balay Diyus sirang-sirang mag-asikasu kanda maghandug hayup pagmatyun paulit-ulit, kanda magpakaun manga kaluub, madi unman diman makalumpiyu tunda sa kasalanan manga tawu.

1 Samwil 15:22

Dapat nagsagut si Samwil, “Magbaya aw lugud ti Panginuun sa manga handug niyu kaysa pagsunud sa kanya? Ti pagsunud sa Panginuun mas mayad man kaysa manga handug. Ti pagpatingi sa kanya mas mayad man kaysa paghandug manga taba karanidu.