Mikas 6:4 - Hanunuu

⁴ Ipinalwas waya ngani niku kamu sa Ihiptu, nu naan kamu pag binwat panawuhun. Pinili niku sida ni Muysis, ni Aarun, ag ni Miryam hampay giyahan kamu.

Mikas 6:4 Iomraidhean Croise

2 Samwil 7:23

Unman diman may kaparihu kanmu nasakupan Israilita. Inda lang pag nasyun kanmu pinalaya ginan sa pagkasuruguun hampay bumaliw nasakupan nimu. Nibantug kanmu ngaran dahil sa makamaskihan ag lilingutan pag binwat nimu pagka pinalayas nimu ti manga nasyun hanggan kanda manga diyus-diyusan sa panab-anan nimu pagpalwas nasakupan ginan sa Ihiptu.

Kanta 77:20

Sa panab-anan ni Muysis ag ni Aarun giniyahan nimu kanmu nasakupan parihu sa manga karanidu.

Pag-ighit 12:51

Pagka ati pag sirang, ipinalwas Panginuun ti buu nasakupan Israil ginan sa Ihiptu.

Pag-ighit 20:2

“Aku ti Panginuun niyu Diyus ti nagpalwas sa kanyu sa Ihiptu nu naan kamu pag binwat panawuhun.

Pag-ighit 3:10

Nakan kawu kang ipaatag sa hari Ihiptu hampay palpasan kang manga nasakupan Israilita ginan sa Ihiptu.”

Pag-ighit 4:10

Magkun si Muysis sa Panginuun, “Panginuun, unman aku madunung magbagaw. Ginan waya kaybi magkakurian aku magbagaw. Una ngani kainda paghampangun nimu aku, kanmu manugsirbi, hutal-hutal aku nu magbagaw.”

Pag-ighit 4:16

Si Aarun kanmu manugbagaw sa manga tawu. Itudlu nimu nu hintay kay bagawun, bilang ga kawu ti Diyus.

Pag-ighit 6:27

Sida ti nagpakihampang sa hari Ihiptu kuntay palpasi ti manga Israilita ginan sa Ihiptu.

Hirimyas 32:21

Sa panab-anan manga makadululaw ag manga lilingutan pag bagay hanggan sa kanmu kamaskihan, nadala duy ti manga taga Ihiptu ag pinalpasan nimu kanmu nasakupan Israilita sa Ihiptu.

Amus 2:10

Ipinalwas diman niku sa Ihiptu ti manga ginurang manga taga Israil, ag sa sulud upatpulu ka timpu giniyahan niku sida sa pangawakawaan hampay apuun nida ti daga manga Amuriyu.

Bilang 12:1

Taynguna, pagkadat-an ni Miryam ag ni Aarun si Muysis dahil nakaasawa siya taga Itiyupya.

Bilang 33:1

Inda ti manga rugar linakawan manga Israilita katpung nighit kanda manga ginurang ginan sa Ihiptu, sa pagpangulu ni Muysis ag ni Aarun.

Binwat 7:36

Sa kay nagbawi sa kanda ginan sa kakurian nagbuwat siya manga makadululaw pag tanda sa Ihiptu, sa Dagat Marara hanggan sa pangawakawaan sa sulud upatpulu ka timpu.

Diyuturunumiyu 15:15

Isipun niyu manga panawuhun diman kamu kaybi sa Ihiptu ag pinalpasan diman kamu Panginuun niyu Diyus. Imaw inda ti pag ipakaun niku pag sugu sa kanyu kainda.

Diyuturunumiyu 24:18

Isipun niyu manga suruguun kamu kaybi sa Ihiptu ag irinibri kamu Panginuun niyu Diyus. Tunda ngani kay dahilan nu hayga pagsuguun niku kamu buwata inda.

Diyuturunumiyu 4:20

Alalahana niyu bin-ul kamu Panginuun ginan sa Ihiptu, ti daga parihu sa pugun maglabdaban, hampay kanya yi kamu pag nasakupan, ag katunda yi ngani kamu kainda.

Diyuturunumiyu 4:34

May imaw aw tuhay pag diyus nagpanghas bul-un ti usa ka lahi ginan sa usa ka nasyun hampay inda kanya yi sa panab-anan manga pagpakuri, manga makadululaw, manga kalalingutan pag bagay, girahan hanggan manga makamaskihan ag makapangyarihan pag buwat? Dapat tunda ti binuwat Panginuun niyu Diyus ati sa Ihiptu, kamu ngani ti nakakit ati.

Diyuturunumiyu 5:6

‘Aku ti Panginuun niyu Diyus ti nagpalwas sa kanyu ginan sa Ihiptu nu naan kamu binwat panawuhun.

Diyuturunumiyu 7:8

Pinili niya kamu dahil sa kay pagmahal sa kanyu ag pagtupadun niya kay itinaratu sa kanyu manga ginurang. Nakan ngani ipinaluwas niya kamu sa Ihiptu sa panab-anan niya kamaskihan, ag binawi sa pagkapanawuhun sa hari Ihiptu.

Diyuturunumiyu 9:26

Nandarangin aku sa Panginuun, ‘Panginuun Diyus, danga duy nimu pagrurisa kanmu magkaapu pag manga nasakupan. Irinibri duy nimu sida ag ipinaluwas sa Ihiptu sa panab-anan nimu masyadu pag kamaskihan.

1 Samwil 12:6

Bag-u sinabi ni Samwil sa manga tawu magkun, “Ti Panginuun ti nagpili kaybi sa kan Muysis hanggan sa kan Aarun. Siya diman ti nagpalwas sa kanyu manga ginurang ginan sa daga Ihiptu.