Mikas 6:10 - Hanunuu

¹⁰ Daut kamu pag nasakupan! Unman niku magkalimtan ti manga tinipun niyu pag kayamanan sa daut pag paraan. Maggamit kamu madaya pag salupan. Inda pag buruwatun kang pagkadat-an.

Mikas 6:10 Iomraidhean Croise

Kabagawan 10:2

Ti kayamanan bin-ul sa daut pag paraan balaw makapakaun kaayadan, dapat ti matadlung pag pangabuhi makapakaun kaayadan dahil makaribri inda sa kamatayan.

Kabagawan 11:1

Pagkadat-an Panginuun ti manga magdaya sa magkilu, dapat kay pagbayaun ti magkilu sa tama.

Kabagawan 20:10

Pagkadat-an Panginuun ti manga magdaya sa pagkilu ngatay sa pagtakal.

Kabagawan 20:23

Pagkadat-an Panginuun ti manga magdaya sa pagkilu. Balaw inda mayad pag buruwatun.

Kabagawan 21:6

Ti kayamanan nab-ul sa daya madali lang madura, ag magdara tag sa kamatayan.

Amus 3:10

Inda ti pagsabihun Panginuun Diyus laban sa Samarya: “Unman sida madunung magbuwat matadlung. Ti mapag-un pag bahagi banwa nida punu manga butang tinakaw hanggan inaghas. Nakan girahun sida manga kalaban ag dautun kanda manga kampu. Bul-un manga kalaban ti manga kasiyunan sa mapag-un pag bahagi banwa.”

Amus 3:9

Sabihun niyu sa manga takinan mag-ulian sa mapag-un pag bahagi Asdud hanggan Ihiptu kuntay pagtipun sida sa manga tagudtud sa palibut Samarya, bag-u bantayi nida ti magpangyari kaguluhan sa inda pag banwa hanggan ti pag-unuunu sa kay manga nasakupan.

Mikas 6:9

Patingihi niyu ti pagsabihun Panginuun sa banwa Hirusalim, dahil ti maggalang sa kanya imaw ti may tutuu pag kadunungan. “Kamu pag manga nibilang sa lahi ni Huda, pagtiripnan kamu sa banwa Hirusalim ag pagpatingi.

Sipanyas 1:9

Parusahan diman niku sa ati pag sirang ti tanan magpaamut sa manga turupadun manga unman magkilala sa kangku, ag ti manga mag-unuunu ag magdaya hampay pun-un manga bagay ti balay nida amu.

Sakaryas 5:6

Nagpaingana aku, “Unu tunda?” Magkun siya, “Balulang.” Ag magkun waya siya, “Tunda tanda kasalanan manga tawu sa buu daga Israil.”

Huswi 7:1

Dapat linabag gid manga Israilita ti sugu Panginuun kuntay danga magbuul una hintay pag ihinandug yi buu para sa Panginuun. Dahil namuul si Akan manga bagay balaw dapat bul-un, nakan masyadu gid nagalit ti Panginuun sa kanda. Si Akan inda anak ni Karmi. Si Karmi anak ni Sabdi. Si Sabdi anak ni Sira. Inda sida ginan sa lahi ni Huda.