Mikas 5:8 - Hanunuu

⁸ Dapat dumara diman sida kadamhakan sa manga nasyun. Bumaliw sida parihu sa liyun maisug magduksul sa manga hayup sa katalunan ag sa manada manga karanidu sa pasturan. Nu magduksul ti liyun, pagtukbun niya kay magkablay bag-u pagkan-un, ag balaw makaribri sa kanya.

Mikas 5:8 Iomraidhean Croise

Gimpuunan 49:9

Parihu kawu sa anak liyun igu nakasayab magbalik maan sa kay ulian ag ati pag magpahari. Ag unman may pumanghas bumalag sa kanya.

Kanta 104:20

Binwat nimu ti linalang nimu ti kadudulman; ag nu yabi maglinakaw ti mayamu pag manga hayup sa katalunan.

Kanta 44:5

Sa panab-anan nimu matalu nimi kanmi manga kalaban.

Kanta 50:22

Patingihi niyu inda, kamu pag manga magkalimut sa Diyus, dahil nu unman, rurisun niku kamu ag unman may rumibri sa kanyu.

Kabagawan 30:30

ti liyun, pinakamabisug sa tanan pag hayup ag unman may pagkadalaan,

Isayas 5:29

Sa kanda maggira manringgit sida ga liyun mag-ngurub. Kanda mablay daran-un nida atag sa arayu pag rugar ag unman may makaribri inda sa kanda.

Isikil 39:10

Balaw yi kailangan mangayu waya sida sa karatagan ngatay sa katalunan, dahil may manga armas yi sida pamagba. Nakan agawan diman nida tunda pag manga nangagaw sa kanda. Aku, ti Panginuun Diyus, ti magsabi inda.

Husyas 5:14

Dahil girahun niku ti Israil hanggan ti Huda ga liyun maggus-ab sa kay bulay. Aku gid ngap ti rumuris sa kanda. Darahun niku sida sa iba nasyun, ag unman may manribri sa kanda.

Mikas 2:12

Magkun ti Panginuun, “Kamu pag manga nasawad nasakupan Israil ag Huda, tipunun gid niku kamu ga manga karanidu sa tudiran aw ngatay ga kaban hayup sa labuan. Mapunu manga tawu kanyu kadagaan.

Mikas 4:13

“Manga nasakupan Siun, pag-alistu kamu ag rurisa lubus niyu kanyu manga kalaban ga maggiuk tirigu. Dahil buwatun niku kamu ga manga tudu baka may baul pag manga sungay ag may manga kuku galang. Runutun niyu ti mayamu nasyun, ti nagkarausa hampay labanan kamu. Ti inaghas nida pag manga kayamanan sa panab-anan paggiit handugan niyu sa kangku, ti Panginuun buu kalibutan.”

Mikas 5:3

Nakan ti nasakupan Israil ipahintulut Panginuun sa kanda manga kalaban tugka sa ilusad babayi magpabaring-baring sa sakit ti lapsag lalaki mandumara sa Israil. Bag-u kay manga kasimanwa inda pag takinan imaw ti bumalik sa kanda kaparihu Israilita.

Mikas 7:18

Udyi may tuhay Diyus parihu sa kanmu. Pinatawad nimu ti kasalanan nasawad nimu pag manga nasakupan kanmu magkaapu. Balaw magpirmaminti kanmu pangagalit hanggan aban dahil magbaya di kawu magmahal sa kanmi.

Sakaryas 10:5

Magkarausa ti manga nasakupan Huda ag bumaliw sida parihu sa marabisug pag manga sundalu tumalu sa kanda manga kalaban ga lutuk tatatataan sa dalan. Manlaban sida dahil kaibahan nida aku, ag taluhun nida ti manga manugkabayu.

Sakaryas 11:6

“Alagai nimu kang manga nasakupan, dahil aku, ti Panginuun magsabi, balaw yi niku kaawaan ti manga tawu sa kalibutan. Aku mismu ti mag-udyuk sa kada tawu pag pasakup sa kay kaparihu ag sa kay hari. Sida pag manga magpamahala mandara kadamhakan sa buu kalibutan, ag balaw niku iribri ti manga tawu ginan sa kanda manga kamang.”

Sakaryas 12:3

Sa tunda pag sirang, buwatun niku ga mabuyat pag batu ti Hirusalim, ag una si unu pag nasyun ti kumabyaw inda masaktan gid. Ti tanan nasyun sa buu kalibutan tumiripun hampay girahun ti Hirusalim.

Sakaryas 14:18

Ti manga unman umatag sa Hirusalim pag manga nasakupan Ihiptu padarahan Panginuun sarut parihu sa kay ipadara sa manga nasyun unman umatag hampay idaus ti Pista Pagpatindug manga Payag.

Sakaryas 9:15

Ingatan Panginuun Makamaskihan kay nasakupan. Panat-an lang nida ti manga batu pag-ibintuk sa kanda nida manga kalaban. Mangaran-an ag manginuman sida sa pagdaus kanda panalu. Manhuruyawan sida ga manga langu. Mapnu kanda tiyan irinmun parihu sa malukung punu dugu panwidwisik sa manga suuk harandugan.

Malakyas 4:3

Sa udas tupadun niku inda tanan pag manga bagay, rurisun niyu ti manga daut ga galbuk lang tatatataan niyu. Aku, ti Panginuun Makamaskihan, ti magsabi inda.

Bilang 24:9

Parihu sida sa liyun nu magkaturug unman may magpanghas mamulaw sa kanda. Pagmayadun ti manga magmayad sa kanda ag saadan ti manga magsaad sa kanda.”

Matiyu 10:14

Nu balaw kamu tanggapun una patingihan sa usa ka balay aw ngatay banwa, pag-ighit yi kamu siyun ginan. Bag-u pagpagun niyu ti galbuk sa kanyu raprapa bilang pasandam laban sa kanda.

Binwat 18:6

Pagka dugay naglaban yi sida sa kanya naglibak hanggan. Nakan winagwag ni Pablu ti galbuk sa kay rutay kay tanda laban sa kanda magkun, “Kanyu yi sadili kasalanan nu kamu midamhak sa kaparusahan. Unman yi aku may saragtun. Taynguna ginan aku atag yi sa manga balaw Hudiyu.”

Hibriyu 12:25

Nakan pagpatingi kamu kaayad-ayad sa kan Hisus magbagaw sa kanyu. Ti manga tawu kaybi unman nakaiwas sa kaparusahan nu sida nagbugya mamatingi sa kan Muysis namadakit sa kanda sitay sa babaw daga sa kay manga pagsabihun Diyus. Mas lalu kita dayu makaribri nu patlikudan nita ti magbagaw ginan sa langit.

Hibriyu 2:3

Kabitay kita dayu parusahan gid nu unman intindihun nita ti barita tungkul sa inda pag mahalaga pag karibrihan. Pagka sa kabag-u, Panginuun gid ti nagpaalam bag-u ti manga nakadnug sa kanya nagtultul maan sa kanta, pinatutuuhanan nida ti karibrihan.