Mikas 5:7 - Hanunuu

⁷ Ti manga nasawad pag Israilita bumaliw papalad sa mayamu nasyun. Bumaliw sida parihu sa manga tun-ug ag uran pag-ipakaun Panginuun hampay tumubu ti manga tanum. Pumaniwala sida sa Diyus ag balaw sa tawu.

Mikas 5:7 Iomraidhean Croise

2 Samwil 17:12

Hanapun nita si Dabid una naan katpung siya. Salakayun nita siya parihu sa pagpadna tun-ug sa daga ag unman may makaribri una di usa sa kanda.

Kanta 110:3

Sa sirang manggira kawu sa kanmu manga kalaban, buluntad mangawat sa kanmu ti nasakupan nimu. Kanmu kalay-awan pag manga nasakupan umatag sa kanmu sa banal pag bantud ga tun-ug kada surip.

Kanta 133:3

Ngatay parihu inda sa tun-ug sa bantud Hirmun nagras-ug sa manga bantud Siun. Ag sitay sa Siun nagtaratu ti Panginuun mamakaun papalad, imaw ti buhi unman may katapusan.

Kanta 72:6

Mana pumarihu siya sa uran magpakaun danum sa daga.

Kabagawan 19:12

Ti pangagalit hari parihu sa ngurub liyun, dapat kay kaayadan parihu sa tun-ug magpakaun danum sa manga halaman.

Isayas 32:15

Mangyari inda tugka sa ipadara sa kanta ti Ispiritu ginan sa langit. Nu katida, ti pangawakawaan bumaliw maabunu pag daga ag ti maabunu pag daga bumaliw kapuruan.

Isayas 44:3

Dahil pakan-an niku kawu danum pamaraw uwaw hanggan humaug sa kanmu tigangan daga. Ipakaun niku kang Ispiritu sa kanmu linahi ag papaladan niku sida.

Isayas 55:10

Ti uran hanggan ti snow ginan sa tungud, balaw yi magbalik atitag tugka sa unman makapakaun danum sa daga ag makapalangba sa manga halaman hampay makapakaun binhi hanggan karan-unun sa nagtanum hanggan sa manga tawu.

Isayas 66:19

Mamakakit aku makadululaw sa kanda. Ag ti manga masawad sa kanda ipadara niku atag sa nasyun Tarsis, Pul, Lud (kay manga nasakupan bantug sa paggamit ugyung), Tubal, Grisya, ag iba waya pag manga ararayu rugar udwaya nakadnug sa kang kadayawan ag balaw nakakit sa kang kamaskihan. Itultul nida kang kamaskihan sa manga nasyun.

Hirimyas 14:22

Unman una di usa ka diyus-diyusan manga nasyun ti makapauran ngatay makapaanitay. Una ti langit ngapu unman diman makapauran. Kawu lang, Panginuun kanmi Diyus ti lubus makabuwat inda, nakan sa kanmu duy kami pag magsarig.

Isikil 14:22

Dapat may masawad buhi sa kanda, ag darahun sida siyun sa Babilunya hampay ipaamut sa kanyu bilang manga bihag. Makitan niyu nu kabitay kay ka daut kanda ugali hanggan kanda manga pagbuwatun, ag madura ti kadautan niyu naisipan sa kang pagparusa sa Hirusalim.

Isikil 47:1

Bag-u dinara aku tawu pabalik sa may sabian Balay Diyus, ag ati may nakitan aku danum magbulus atabug sa butlakan ginan sa sirung sabian Balay Diyus. (Ti Balay Diyus maatubangan sa butlakan.) Bag-u linmiku ti danum pasikun, sa kanaway baliwa harandugan.

Isikil 5:5

“Aku, ti Panginuun Diyus, magbagaw magkun imaw tunda ti patabgan Hirusalim, ti binwat niku pag banwa pinakamahalaga pag rugar sa kalibutan.

Danyil 11:32

Lukuhun niya ti manga napatlikud sa kanda rilihiyun hampay bumwat balaw mayad. Dapat ungdun siya labanan manga tawu marig-un sa Diyus.

Husyas 14:5

Papaladan niku ti manga taga Israil; bumaliw parihu aku sa tun-ug magpakaun danum sa manga tanum. Lumangba sida parihu sa tanum liryu magbusang. Rumig-un sida parihu sa kayu sidru sa Libanun kay manga gamut arabasad.

Husyas 6:3

Hingabtun nita makilala ti Panginuun. Pihu gid rumas-ug siya, parihu sa pagbutlak init. Rumas-ug siya parihu sa uran maghurum sa daga.”

Huwil 2:32

Dapat una si unu ti manhagad awat sa Panginuun maribri di sa sintinsiya aban. Dahil angay sa binagaw Panginuun, may masawad di manga Israilita sa Bantud Siun, imaw ti Hirusalim. Sida ti manga pinili Panginuun hampay maribri.

Amus 5:15

Amani niyu ti daut, buwata ti mayad, bag-u pagsintinsiya kamu matadlung sa hurusayan. Barang abi maawa ti Panginuun Diyus Makamaskihan sa nasawad pag manga lahi ni Husi.

Mikas 2:12

Magkun ti Panginuun, “Kamu pag manga nasawad nasakupan Israil ag Huda, tipunun gid niku kamu ga manga karanidu sa tudiran aw ngatay ga kaban hayup sa labuan. Mapunu manga tawu kanyu kadagaan.

Mikas 4:13

“Manga nasakupan Siun, pag-alistu kamu ag rurisa lubus niyu kanyu manga kalaban ga maggiuk tirigu. Dahil buwatun niku kamu ga manga tudu baka may baul pag manga sungay ag may manga kuku galang. Runutun niyu ti mayamu nasyun, ti nagkarausa hampay labanan kamu. Ti inaghas nida pag manga kayamanan sa panab-anan paggiit handugan niyu sa kangku, ti Panginuun buu kalibutan.”

Mikas 5:3

Nakan ti nasakupan Israil ipahintulut Panginuun sa kanda manga kalaban tugka sa ilusad babayi magpabaring-baring sa sakit ti lapsag lalaki mandumara sa Israil. Bag-u kay manga kasimanwa inda pag takinan imaw ti bumalik sa kanda kaparihu Israilita.

Mikas 5:8

Dapat dumara diman sida kadamhakan sa manga nasyun. Bumaliw sida parihu sa liyun maisug magduksul sa manga hayup sa katalunan ag sa manada manga karanidu sa pasturan. Nu magduksul ti liyun, pagtukbun niya kay magkablay bag-u pagkan-un, ag balaw makaribri sa kanya.

Mikas 7:18

Udyi may tuhay Diyus parihu sa kanmu. Pinatawad nimu ti kasalanan nasawad nimu pag manga nasakupan kanmu magkaapu. Balaw magpirmaminti kanmu pangagalit hanggan aban dahil magbaya di kawu magmahal sa kanmi.

Sipanyas 3:13

Inda pag manga nasawad Israilita balaw sida mamuwat daut. Dayi sida mamudil ngatay mandaya. Mangaun ag maturug sida udyi may pagkadalaan.’ ”

Sakaryas 14:8

Sa ati diman pag sirang, bumulus ti malindag pag danum ginan sa Hirusalim. Kay katunga inda bumulus sa Dagat Namatay ag kay katunga sa Dagat Miditiranyu. Parargu inda kay magbulus sa panahun turungun hanggan abagat.

Sakaryas 9:13

Gamitun niku ti Huda ga pamana ag ti Israil ga ugyung. Buwatun niku ti nasakupan Siun ga baladaw sundalu, ag papasun nida ti manga nasakupan Grisya.”

Matiyu 28:19

Nakan pag-ati kamu buwata niyu tuludluan niku ti tanan linahi tawu. Itulbaw niyu sida ipasakup sa ngaran Ama, Anak, hanggan Ispiritu Banal.

Binwat 11:15

Magkun si Pidru, “Kang diway nag-umpisa nagbagaw sa kanda, kadaka sinuldan sida lubus Ispiritu Banal, parihu diman ga nangyari sa kanta sa kabag-u.

Binwat 13:46

Dapat matutum di kanda naisipan nida ni Pablu ni Birnabi magkun, “Sa kanyu dapu kailangan pag-itultul ti Bagaw Diyus. Dapat ay kainda ginan kami dayi sa kanyu. Ati yi kami sa manga balaw Hudiyu. Dahil ipinurya niyu ti Bagaw Diyus ag pinasnuan niyu kanyu sadili kuntay unman may karampatan kamu sa tutuu pag buhi unman may katapusan.

Binwat 16:9

Ati katpung pag yabi may ipinakakit ti Panginuun sa kan Pablu. May usa ka lalaki taga Masidunya matindugan ag magdangup sa kan Pablu magkun, “Pagluwang duy kawu atag sa Masidunya, awati nimu kami.”

Binwat 9:15

Magkun maan ti Panginuun sa kan Ananiyas, “Pag-ati duy kawu, dahil pinili ngap niku si Saulu hampay siya sumirbi sa kangku hampay ipakilala niya kang makamaskihan pag ngaran sa manga balaw Hudiyu, sa manga hari hanggan sa nasyun Israil.

Ruma 10:20

Itinapat yi gid ni Isayas kay pagsabihun magkun, “Magkun ti Panginuun, nakilala aku manga tawu madi unman maghanap sida sa kangku. Aku nagpakakit sa manga tawu madi unman magpaingana tungkul sa kangku.”

Ruma 11:12

Ginan sa pagsimray manga Hudiyu may natanggap papalad ti tanan nasyun sa babaw daga, ag ginan sa kanda nibuyu, nagras-ug ti kaayadan sa manga balaw Hudiyu. Nu masakup maan aban ti tanan manga ginayak Diyus pag manga Hudiyu, mas lalu daka man pag kaayadan ti matanggap manga balaw Hudiyu.

Ruma 9:30

Kainda ti gustu niku sabihun, ti manga balaw Hudiyu una unman nanipag sa mayad pag buwat hampay sida mahimu pagkilalan-un Diyus kuntay manga matadlung, lalu ngap kinilala niya sida kuntay manga matadlung dahil sa kanda pagsarig sa Diyus.

1 Kurintu 3:6

Aku ti nagtanum, si Apulus ti nagbunyag, Diyus ti nagpalangba.

Diyuturunumiyu 32:2

Kang manga tudlu pumadna parihu sa uran ag tun-ug. Kang manga bagaw parihu sa anitay sa manga ilamnun ngatay tun-ug sa manga tanum.

Talaghusay 6:36

Magkun si Gidyun sa Diyus, “Magsabi kawu gamitun nimu aku para iribri ti Israil.