Mikas 5:6 - Hanunuu

⁶ Taluhun nida ag sakupun ti Asirya, ti rugar ni Nimrud, sa panab-anan nida manga armas. Nakan iribri nida kita nu girahun manga taga Asirya kanta nasyun.

Mikas 5:6 Iomraidhean Croise

2 Hari 15:29

Pagka sa udas maghari si Pika, ginira ni Hari Tiglat Pilisir taga Asirya ti Israil, ag inagaw niya ti banwa Iyun, Abil Bit Maaka, Hanuwa, Kidis, ag Hasur. Naagaw diman niya ti Gilyad, Galiliya, ag ti tanan daga Niptali. Ag dinara niya kay manga nasakupan sa Asirya bilang bihag.

1 Krunika 1:10

May usa waya ka anak si Kus kay ngaran si Nimrud. Si Nimrud inda imaw ti bantug makapangyarihan pag tawu sa kalibutan.

2 Krunika 33:11

Nakan ipinagira sida Panginuun sa manga sundalu Asirya. Binihag nida si Manasis, pinaulian barung sa irung, tinarikadahan, ag dinara sa Babilunya.

Hub 29:22

Pagkatapus niku bagaw, unman yi sida may pag-idugang waya dahil magkabayaan yi sida sa kang pagsabihun.

Kanta 110:3

Sa sirang manggira kawu sa kanmu manga kalaban, buluntad mangawat sa kanmu ti nasakupan nimu. Kanmu kalay-awan pag manga nasakupan umatag sa kanmu sa banal pag bantud ga tun-ug kada surip.

Kanta 72:6

Mana pumarihu siya sa uran magpakaun danum sa daga.

Isayas 14:2

Awatan iba nasyun ti Israil hampay makabalik sida sa daga ipinakaun Panginuun sa kanda. Bumaliw suruguun nida ti manga day-uhan. Bihagun nida ti nagbihag sa kanda kaybi, ag sakupun nida ti manga nangapi sa kanda.

Isayas 14:25

Rurisun niku ti manga taga Asirya sa daga Israil. Runutun niku sida sa manga kabantudan niku. Balaw yi nida mahimu panawuhun ti manga nasakupan niku.

Isayas 33:1

Kaawaawa kamu pag manga manugwayak udwaya nakalakaw pagkawayak. Kaawaawa kamu pag manga madaya, udwaya nakalakaw dinaya. Nu tapus yi kanyu magpanwayak hanggan magpandaya, kamu waydi ti wayakun ag dayaun.

Isayas 37:36

Bag-u nag-atag ti anghil Panginuun sa kampu taga Asirya ag minatay niya ti 185,000 sundalu. Igu surip, pagka nimata ti manga nasawad buhi, nakitan nida ti mayamu pag manga bangkay.

Isayas 37:37

Dahil siyun, nuli si Sinikarib tag sa Ninibi ag ati yi pag nangulian.

Isayas 6:13

Una matayak waya ti ikasampulu pag bahagi manga Israilita sa daga Israil, ipadamhak diman niku sida. Parihu sida sa tuud puun insina pinlud. Dapat may pinili aku masawad sa kanda, ti marinu pag salingsing.”

Hirimyas 14:22

Unman una di usa ka diyus-diyusan manga nasyun ti makapauran ngatay makapaanitay. Una ti langit ngapu unman diman makapauran. Kawu lang, Panginuun kanmi Diyus ti lubus makabuwat inda, nakan sa kanmu duy kami pag magsarig.

Nahum 2:11

Ti Ninibi parihu sa lukib pag-ulian usa ka magtal-anakan liyun. Unman gid may makagaraw sa kanda ati sa lukib. Pagmatyun ag paggus-abun liyun kay bulay ag pag-iayaw sa kay kaparihu hanggan sa kay manga anak. Pagpun-un niya manga binulay kay ulian lukib. Dapat taynguna, ti Ninibi rurisun yi.

Sipanyas 2:13

“Parusahan diman niku ti manga taga Asirya sa kanaway. Bumaliw ga pangawakawaan ti Ninibi, mauga parihu sa tigangan.

Sipanyas 3:12

Dapat may sawadan aku sa Hirusalim manga tawu pugri ag makuri. Manhagad sida awat sa kangku.

Lukas 1:71

iribri niya kita sa kanta manga kalaban hanggan sa kamang manga magkagalit sa kanta.

Lukas 1:74

Kita kay iribri sa kamang nita manga kalaban, agud masirbihan nita siya unman may kadalaan.

Lukas 24:27

Bag-u ipinaliwanag ni Hisus sa kanda ti manga bagaw tungkul sa kanya sa tanan Banal Kasuratan ginan sa kan Muysis hanggan waya sa manga Purupita.

Diyuturunumiyu 32:2

Kang manga tudlu pumadna parihu sa uran ag tun-ug. Kang manga bagaw parihu sa anitay sa manga ilamnun ngatay tun-ug sa manga tanum.