Mikas 5:2 - Hanunuu

² Magkun ti Panginuun, “Bitlihim Iprata, una usa kawu sa pinakadiit pag banwa Huda, ginan sa kanmu pag tawu ti sumirbi sa kangku bilang takinan sa Israil. Kay manga kaumputan bantug kaybi sa un-an pag panahun.”

Mikas 5:2 Iomraidhean Croise

Gimpuunan 35:16

Nighit si Hakub hanggan kay magtal-anakan sa Bitil. Magkaanak yi tunda katpung si Rakil. Arayu waya sida sa banwa Iprata, magpanamdam yi si Rakil.

Gimpuunan 35:19

Namatay si Rakil ag ilinbung sa saruy dalan atabug sa Iprata (pag-ingarnan taynguna Bitlihim).

Gimpuunan 48:7

Magkaala-ala niku ti pagkamatay nimu ina. Ginan kami sa Padan tunda katpung ag maglakaw sa daga Kanaan. Arani yi kami sa Iprata tunda katpung kay magkamatay, nakan ilinbung yi lang niku siya sa saruy dalan atabug sa Iprata.” (Ti Iprata ti pag-ingarnan Bitlihim taynguna.)

Gimpuunan 49:10

Parargu kawu magpangulu, Huda. Ginan sa kanmu linahi ti bumaliw manga takinan. Nakan pumakaun buhis sa kanmu ti manga nasyun ag sumunud sa kanmu.

1 Krunika 2:54

Kay manga linahi ni Salma ti manga taga Bitlihim, ti manga taga Nitupa, ti manga taga Atrut Bit Huab, kay katunga manga Manahatiyu, ti manga Surita,

1 Krunika 4:4

Si Pinwil kay ama ni Gidur, ag si Isir kay ama ni Husa. Inda sida manga linahi ni Hur, kay panganay anak ni Iprata. Si Hur imaw ti ginurang sa manga taga Bitlihim.

1 Krunika 5:2

Ag una makapangyarihan si Huda kaysa kay manga patar-ari ag ti takinan ginan sa kay lahi, ti karampatan bilang panganay ipinakaun sa kan Husi.

Kanta 132:6

Pagka ati kami sa Iprata nakadnug kami nu naan ti Kaban Kasunduan, ag nakitan nimi inda sa karatagan Haar.

Kanta 90:2

Sa udwaya nimu linalang ti manga bantud hanggan ti kalibutan, kawu yi ti Diyus, ag kawu diman ti Diyus sa unman may katapusan.

Pag-ighit 18:21

Dapat pagpili kawu manga tawu makaawat sa kanmu. Kailangan may imaw sida kakayahan maghusay, may dala sa Diyus, makatiwalaan, ag unman magtanggap suhul. Buwatun nimu sida tagahusay sa kada gurupu sa tig 1,000, 100, 50 ag 10 ka tawu.

Pag-ighit 18:25

Pinmili siya sa manga Israilita manga tawu may kakayahan maghusay, ag binwat niya sida manga manughusay manga gurupu sa tig 1,000, 100, 50 ag 10 ka tawu.

Isayas 11:1

Ti makahari pag linahi ni Dabid ga puun pinlud. Dapat nu kabitay ti tuud magsalingsing, rumas-ug diman ti usa ka bag-u pag hari ginan sa linahi ni Dabid.

Isayas 53:2

Kagustuhan Panginuun kay manugsirbi lumangba parihu sa manga tanum, maggamut sa mamara pag daga. Unman siya may rinu ngatay ikadulaw hampay kita ibugun sa kanya hampay siya pakaranyan.

Isayas 55:4

Pinili niku siya takinan manga nasyun, sa panab-anan niya ipinakakit niku kang kamaskihan sa kanda.

Isayas 7:14

Nakan ngani, ti Panginuun yi ngapu ti pumakaun palatandaan sa kanyu: Mamuduy ti usa ka daraga, manganak siya usa ka anak lalaki. Ingarnan niya ti anak “Imanwil.”

Hirimyas 30:21

Ti manga takinan nida ginan diman gid sa kanda. Ipakarani niku siya sa kangku, ag siya waydi pumakarani. Dahil unman may tawu pumanghas pumakarani sa kangku nu balaw niku siya pakaranihun. Aku, ti Panginuun, magsabi,

Husyas 6:3

Hingabtun nita makilala ti Panginuun. Pihu gid rumas-ug siya, parihu sa pagbutlak init. Rumas-ug siya parihu sa uran maghurum sa daga.”

Amus 9:11

“Rumas-ug ti sirang ipatindug maan niku ti kaharian ni Dabid parihu sa payag nagba. Karinuun niku tunda pag manga nagba. Ipatindug maan niku tunda ag ibalik niku parihu sa kabag-u,

Sakaryas 13:7

Magkun ti Panginuun Makamaskihan “Alistuhan ti baladaw! Matya kang manug-alaga manga karanidu, kang kaawat. Matya siya hampay mamululagan kay manga karanidu, kang pugri pag manga nasakupan ag parusahan niku sida.

Sakaryas 9:9

Magkun ti Panginuun “Paghuyaw kamu sa kabayaan, kamu pag manga mag-uli sa Siun, ti banwa Hirusalim, dahil kanyu hari rumas-ug yi. Matadlung siya ag marapanalu. Mapinakumbabaun siya ag rumas-ug masakyan sa anak asnu.

Matiyu 2:1

Pagka nilusad yi si Hisus sa banwa Bitlihim sa daga Hudiya katpung hari si Hirudis, may manga madunung pag tawu nagras-ug sa Hirusalim ginan sa butlakan init.

Matiyu 2:6

‘Kawu, Bitlihim, sa daga Huda, balaw kawu uryan sa manga un-an pag manga banwa sa Huda; dahil lumuwang aban ginan sa kanmu ti usa ka takinan. Siya yi ti mangalaga sa kang nasyun Israil.’”

Matiyu 28:18

Nagpakarani si Hisus bag-u sinabi niya sa kanda magkun, “Ipinakaun sa kangku ti tanan karampatan sa langit hanggan sa babaw daga.

Lukas 23:2

Bag-u kanda isinumbung si Hisus magkun, “Naalaman nimi inda pag tawu magpan-gulu sa kanmi nasyun. Magbawal siya sa magbayad buhis tag sa Pangulu Hari. Pagsabihun niya siya yi ngani ti Pinili Diyus Manugribri pag Hari.”

Lukas 23:38

Sa kay tungud ulu may surat magkun, “Inda ti Hari manga Hudiyu.”

Huwan 7:42

Isinurat kabay sa Banal Kasuratan ti Pinili Diyus Manugribri pag Hari aban linahi ni Hari Dabid, ianak siya sa banwa Bitlihim, sa kay inulian kaybi ni Dabid.”

Diyuturunumiyu 1:15

Nakan ipinadumara niku sa kanyu bilang manga manughusay ag manga takinan ti manga tawu madunung hanggan paggalangun ginan sa kanyu lahi. Ti iba managut sa 1,000 tawu, ti iba waydi sa 100, bag-u ti iba sa 50, bag-u ti iba sa 10.

Kulusas 1:17

Si Kiristu ti un-an sa tanan. Unman may kaayusan ti tanan manga bagay nu unman ginan lang sa kanya.

Hibriyu 13:8

Nu kabitay si Kiristu Hisus kaaldaw, hanggan taynguna, balaw mauman siya hanggan waya aban.

Hibriyu 7:14

Dahil maalaman yi waydi nita ti Panginuun ti sa lahi ni Huda ag sa lahi ni Huda unman may sinabi si Muysis kuntay sida manughandug sa Balay Diyus.

1 Huwan 1:1

Kami inda may surat tabug sa kanyu tungkul sa Bagaw may kabuhian. Udwaya linalang ti kalibutan daan di siya. Imaw kanmi nadnugan hanggan nakitan nimi mata, kanmi binantayan ag nahikap nimi kamang.

Ipinakakit 19:16

Nakapirma kay ngaran sa kay rutay ag sa kay balangbang magkun, “Hari manga hari, ag Panginuun manga panginuun.”

Ipinakakit 2:8

“Isurat nimu inda para sa anghil magbantay sa iglisya sa banwa Ismirna: “Inda ti magsabi imaw ti kabag-u, imaw ti katapusan, imaw ti namatay, imaw maan ti nabuhi uman:

Ipinakakit 21:6

Sinabi waya waydi niya sa kangku magkun, “Kang-ud tinupad yi. Aku ti Alpa ag ti Umiga, aku ti umpisa aku diman ti masawad. Una si unu ti magkauwaw pakan-an niku karampatan hampay makainum danum unman may bayad ginan sa bulbugan gimpuunan buhi.

Talaghusay 17:7

May usa ka kan-akan Libita mag-uli sa Bitlihim sakup Huda.

Rut 1:1

Kaybi pag udas balaw waya manga hari ti manugpanguna sa Israil, nagkaimaw lun-us inda pag daga. Nakan si Ilimilik taga Bitlihim sakup Huda nag-atag sa Muab kaibahan kay asawa hanggan kay duwa niya ka anak lalaki hampay ati pag mangulian. Kay ngaran niya asawa si Nuymi ag kay duwa ka anak sida ni Mahalun ni Kilyun. Sida ginan sa lahi ni Iprata. Habang ati sida sa Muab,

Rut 4:11

Sinmagut ti manga manugdumara banwa hanggan ti tanan tawu ati sa sabian, “Hu, manga kastigus kami. Ipahintulut mana Panginuun kanmu maasawa parihu sa kanda ni Rakil ag ni Liya, imaw ti gimpuunan Israil. Mana yumaman kawu sa Iprata ag bumaliw bantug sa Bitlihim.

1 Samwil 10:19

Dapat taynguna pag sirang pinatlikudan niyu aku, madi aku kanyu Diyus tig bawi sa kanyu ginan sa tanan niyu malakawan pag kakurian hanggan kagipitan. Sinabi niyu sa kangku magkun, “Kailangan pakan-an nimu kami usa ka hari.” ’ Nakan taynguna kamu pag-atubang sa Panginuun angay sa kada lahi niyu ag magtal-anakan.”

1 Samwil 17:12

Taynguna, may anak si Isai kay ngaran si Dabid. Taga Bitlihim si Isai, ginan sa lahi ni Ipraim sa daga Huda. Gurangun yi si Isai tunda katpung. May walu siya ka anak lalaki.

1 Samwil 17:18

Daraha diman nimu tunda pag sampulu ka bilug kisu sa kumandir manga sundalu. Kamustaha nimu kanda kahamtangan kanmu manga patar-ari ati. Sa pagbalik nimu sitay, pagdara kawu patunay mayad kanda kahamtangan.

1 Samwil 23:23

Alama niyu nu naan siya pag mahimu makapatagu ag pagbalik kamu sitay nu pihu yi kawu. Bag-u kumuyug aku sa kanyu nu ahan di waya siya, hanapun niku siya una naan katpung sa buu daga Huda.”

1 Samwil 8:12

Ti iba sa kanda buwatun kumandir sa 1,000 sundalu ag ti iba waydi sa 50 ka sundalu. Ti iba ipaaradu niya sa kay tanman ag ti iba ipaani niya sa kay manga tanum, ti iba waydi buwatun niya manugpanday kay panangga para sa girahan hanggan manga kagamitan para sa kay kalisa.