Mikas 4:4 - Hanunuu

⁴ Ti kada tawu tumukaw sa sirung nida tanum ubas hanggan igus unman may pagkadalaan. Pihu gid matupad inda dahil sinabi mismu Panginuun Makamaskihan.

Mikas 4:4 Iomraidhean Croise

1 Hari 4:25

Nakan habang magkabuhi si Sulumun, may kahusayan ti Huda ag ti Israil ginan sa Dan tugka sa Biirsiba. Ti kada tawu may kahusayan matukawan sa sirung niya tanum ubas ag puun igus.

1 Hari 5:5

Nakan mag-isip aku manpatindug yi Balay Diyus para sa kadayawan Panginuun niku Diyus, angay sa sinabi Panginuun sa kang ama sa kan Dabid. Inda kay sinabi sa kan Dabid: ‘Kanmu anak kang ipaublus sa kanmu bilang hari imaw ti mamatindug Balay Diyus para sa kangku.’

Hub 11:19

Maturug kawu unman may pumadala sa kanmu, ag mayamu ti manhagad awat sa kanmu.

Kanta 72:3

Mana ti kabantudan pumakaun papalad sa kanmu nasakupan dahil magkabuhi sida matadlung.

Kabagawan 3:25

Nakan balaw dapat kawu madala nu kadaka rumas-ug ti maradala pag manga mangyari, ngatay nu rurisun yi ti manga magbuwat daut,

Isayas 1:20

Dapat nu parargu kamu maglaban, pihu gid magkaramatay kamu sa gira.” Matupad gid inda dahil Panginuun ti may sabi.

Isayas 17:2

Udyi may mangulian sa banwa Aruwir. Bumaliw pasturan wadi inda manga hayup, ag balaw may mamalag sa kanda ati.

Isayas 22:25

Sa ati pag sirang, nu mayamu yi ti nakasad-ang sa kanya, malagpak siya ag magkarawayak ti tanan nakasad-ang sa kanya. Matupad ngani inda dahil aku, ti Panginuun, ti magsabi inda.’ ”

Isayas 26:16

Panginuun, pinarusahan nimu kanmu manga nasakupan, sa kanda manga kakurian nandangup ag nanawag sida sa kanmu.

Isayas 32:17

Ti burak katuwiran imaw ti mayad pag kahamtangan ag kahusayan, hanggan mayad pag kahamtangan hanggan aban.

Isayas 36:16

“Danga kamu magpatingi kan Isikyas! Inda ti pag ipasabi hari taga Asirya: Danga yi kamu maglaban sa kangku; pagsuku yi lang kamu! Bag-u pasnuan niku kamu makakaun manga burak niyu ubas ag igus, ag makainum sa kanyu manga tipunan danum,

Isayas 40:5

Miburayhaw ti kadayawan Panginuun, ag makitan inda tanan nasakupan. Mangyari gid inda dahil sinabi Panginuun.”

Isayas 54:14

Bumaliw marig-un kawu dahil mamuhi matadlung kanmu manga nasakupan. Malagiw kanmu manga kalaban, nakan unman kawu may kadalaan. Udyi makapakarani sa kanmu ti manga kalaban nimu hampay padalaun kawu.

Isayas 58:14

Nu buwatun niyu inda, masulung kamu sa kanyu pagsirbi sa kangku. Kilalan-un niku kamu sa buu kalibutan. Paabundahun niku ti tubas sa kanyu minana pag daga sa kanyu ginurang sa kan Hakub.” Matupad gid inda dahil binagaw Panginuun.

Hirimyas 23:4

Pakan-an niku sida manga takinan imaw ti mangalaga sa kanda; balaw yi sida madala hanggan mataranta. Udyi may tumalang sa kanda. Aku, ti Panginuun, ti magsabi inda.”

Hirimyas 30:10

“Nakan danga kamu magkadala, ngatay magpanlubay, kamu manga linahi ni Hakub kang manugsirbi. Aku, ti Panginuun, magsabi bul-un niku kamu asan gin sa arayu pag rugar nu naan kamu pag binihag. Sa kanyu pagbalik, mangabuhi yi kamu mahusay, mahim-ung, bag-u udyi may pagkadalaan.

Isikil 34:25

“Mamwat aku kasunduan sa kanda kuntay mumayad kanda kahamtangan. Palayasun niku ti maisug pag manga hayup sa kanda daga hampay makaulian sida sa pangawakawaan ag makaturug sa katalunan ribri sa kadilikaduhan.

Isikil 34:28

Balaw yi sida pakurian iba ka manga nasyun ag unman yi sida kan-un talun hayup. Mangabuhi sida ribri sa kadilikaduhan ag unman may manpadala sa kanda.

Isikil 38:11

Sumabi kawu: Girahun niku ti Israil kay manga banwa inda unman may alad batu, sabian, talakup, ag kay manga nasakupan inda mag-ulian may kahusayan ag unman may pagkadalaan kadilikaduhan.

Isikil 39:26

Nu mangulian yi sida sa kanda tahimik pag daga ag unman may pagkadalaan, kalimtan yi nida kanda kakay-ahan hanggan kanda magpudil sa kangku.

Libitiku 26:6

Ipadara niku ti kahusayan sa kanyu rugar, nakan makaturug kamu balaw may pagkadalaan. Tabugun niku ti maisug pag manga hayup gin sa kanyu rugar, ag unman may manga kalaban man-gira sa kanyu.

Mikas 5:3

Nakan ti nasakupan Israil ipahintulut Panginuun sa kanda manga kalaban tugka sa ilusad babayi magpabaring-baring sa sakit ti lapsag lalaki mandumara sa Israil. Bag-u kay manga kasimanwa inda pag takinan imaw ti bumalik sa kanda kaparihu Israilita.

Sipanyas 3:13

Inda pag manga nasawad Israilita balaw sida mamuwat daut. Dayi sida mamudil ngatay mandaya. Mangaun ag maturug sida udyi may pagkadalaan.’ ”

Sakaryas 3:10

Sa tunda pag sirang, mabuhi kamu may kaariwayahan. Ti kada usa sa kanyu ban-awan niyu kanyu manga kamalay hampay manukawan sa sirung niyu manga ubas ag puun igus. Aku, ti Panginuun Makamaskihan, ti may sabi inda.”