Mikas 4:3 - Hanunuu

³ Bag-u sa panab-anan niya Kasuguan, pagkarausahun niya ti mayamu nasyun, hanggan ti makapangyarihan pag manga nasyun sa arayu. Nakan balaw yi man-girirahan ti manga nasyun, ag balaw yi sida mamaantigu manga sundalu panggira. Buwatun yi lang nida sudsud aradu kanda manga talibung, ag buwatun karit panabas kanda manga bangkaw.

Mikas 4:3 Iomraidhean Croise

Kanta 46:10

Magkun siya, “Apasi yi niyu ti paggira. Ag kilalan-a niyu aku ti Diyus. Kamu pag manga nasyun sa buu kalibutan dumayaw sa kangku.”

Kanta 46:9

Pag-amparahun niya ti manga girahan sa buu kalibutan. Pagpamariun niya ti manga pamana ag manga bangkaw, ag pag-irubun ti manga panangga.

Kanta 72:3

Mana ti kabantudan pumakaun papalad sa kanmu nasakupan dahil magkabuhi sida matadlung.

Kanta 72:7

Sa kay udas maghari, mana lumuntad ti katadlungan ag pagmayad ti kahamtangan manga tawu tugka aban.

Kanta 82:8

Diyus, sintinsiyahi yi ti tanan nasyun sa kalibutan, dahil kanmu sida.

Kanta 96:13

sa atubangan Panginuun. Dahil pihu yi rumas-ug siya agud intindihun ti manga tawu sa kalibutan. Intindihun niya sida may katadlungan ag angay sa kay katutuuhanan.

Kanta 98:9

Pagmasulung sida sa atubangan Panginuun dahil rumas-ug siya agud sintinsiyahan ti manga tawu sa kalibutan. Sintinsiyahan niya sida may katadlungan, balaw siya may pagkampihan.

Isayas 2:4

Sa panab-anan manga kasuguan niya, pagkarausahun niya ti mayamu nasyun. Nakan balaw yi man-girirahan ti manga nasyun, ag balaw yi waydi sida mamaanad kanda sundalu para sa girahan. Buwatun wadi nida sudsud aradu kanda manga baladaw ag sanggut panabas kanda manga bangkaw.

Isayas 25:3

Nakan dayawun kawu manga tawu may kapangyarihan ag galangun manga mahigpit pag manga nasyun.

Isayas 51:5

Arani yi niku kamu pakan-an panalu. Udyi dumugay, iribri yi niku kamu. Aku ti mandumara sa manga nasyun. Ti manga sa ararayu pag rugar mag-alagad sa kangku, maghingabut sa kang kamaskihan.

Isayas 60:12

Dahil lubus mawayak ti manga nasyun hanggan kaharian balaw sumirbi sa kanmu.

Isayas 65:25

Sa tunda katpung pag sirang, mirinsanan mangaun ti manga maisug pag simarun ag ti manga karanidu, hanggan ti liyun ag manga baka manharab manga ilamnun. Ti ulay balaw yi mangagat nuud mangaun lang galbuk. Balaw yi may mandaut ngatay may manwayak sa kang banal pag bantud Siun. Aku, ti Panginuun ti magsabi inda.”

Isayas 9:7

Unman may katapusan kay pagdumara mayad ag may kahusayan. Siya ti mumana kay kaharian ni Dabid. Parig-unun niya inda ag humari ti katadlungan ag ti katuwiran hanggan aban. Siguraduhun Panginuun Makamaskihan matupad inda.

Danyil 2:44

“Sa ati pag panahun manga hari, ti Diyus sa langit pumatindug usa ka kaharian unman gid magpu hanggan aban. Balaw gid inda matalu iba kaharian, nu unman papasun waya ngap niya ti tanan kaharian ag pihu pumirmaminti inda hanggan aban.

Husyas 2:18

Sa ati pag sirang, mantaratu aku sa tanan kalasi hayup kuntay danga kamu pagsakti. Duraun niku sa daga Israil ti manga armas sa labanan, ti manga pamana hanggan baladaw. Dahil sa unman yi may kaguluhan, maturug kamu unman may pagkadalaan kadautan.

Husyas 2:20

ag bumaliw matinupadun aku sa kanyu. Nakan kilalan-un yi gid niyu aku, ti Panginuun.

Huwil 3:2

tipunun niku ti tanan nasyun bag-u darahun niku sida sa Karatagan ni Husapat. Ati sida pagpihuun niku dahil sa kanda binwat sa kang nasakupan manga Israilita. Pinanwayak nida ti manga Israilita sa tuhay-tuhay pag nasyun ag hinuray-huray kang daga.

Mikas 5:15

Sa kang masyadu pangagalit, bumalus aku sa manga maglaban sa kangku pag nasyun.”

Sakaryas 14:3

Bag-u lumaban ti Panginuun laban sa tunda pag manga nasyun, parihu sa kay binwat paggira kaybi.

Sakaryas 8:20

Mayamu pag manga nasakupan ginan sa tuhay-tuhay pag banwa ti umatag sa Hirusalim.

Sakaryas 9:10

Duraun niku ti arawayan. Pamul-un niku ti manga kalisa ag manga kabayu pandugma sa Israil ag sa Huda. Bariun niku ti manga paggamitun nida pamana pandugma. Ti rumas-ug pag hari mandara kahusayan sa manga nasyun. Manhari siya ginan sa usa ka dagat tugka gid sa usa ka dagat, ag ginan sa Sapa Iyupratis tugka sa katugkaan daga sa kalibutan.”

Binwat 17:31

May itinaning yi siya kaudasan hampay pihuun ti daut ti mayad. Tunda pag buruwatun kay iinintirga sa kay pinili pag tawu. Kay pinatutuuhanan inda pagka kay binuhi maan tunda pag tawu.”

Ipinakakit 19:11

Bag-u nakitan niku ti langit mabukasan ag may kabayu malagti. Ti masakyan siti pag kabayu imaw ti pag-ingarnan Masarigan, hanggan Tutuu, dahil matadlung siya nu magsintinsiya hanggan kay maggira.

1 Samwil 2:10

Rurisun niya ti manga maglapastangan sa kanya. Pakurarugun niya ti langit laban sa kanda. Ti Panginuun ti sumintinsiya sa buu kalibutan. Sa panab-anan niya, bumaliw makapangyarihan ag marapanalu kay pinili pag hari.”