Mikas 4:13 - Hanunuu

¹³ “Manga nasakupan Siun, pag-alistu kamu ag rurisa lubus niyu kanyu manga kalaban ga maggiuk tirigu. Dahil buwatun niku kamu ga manga tudu baka may baul pag manga sungay ag may manga kuku galang. Runutun niyu ti mayamu nasyun, ti nagkarausa hampay labanan kamu. Ti inaghas nida pag manga kayamanan sa panab-anan paggiit handugan niyu sa kangku, ti Panginuun buu kalibutan.”

Mikas 4:13 Iomraidhean Croise

Kanta 24:1

Ti buu kalibutan hanggan ti tanan atay Panginuun ti may apu.

Kanta 68:29

Dahil sa kanmu Balay sa Hirusalim dumara ti manga hari manga pamakaun sa kanmu.

Kanta 72:10

Mana ti manga hari sa Tarsis, sa manga puru sa dagat, sa Shiba, ag sa Siba mangayaw sa kanya manga pamakaun sa pagpakakit magpasakup sida sa kanya.

Isayas 18:7

Dapat rumas-ug ti sirang tumanggap ti Panginuun Makamaskihan manga handug ginan sa inda pag daga tinunga manga sapa. Kay manga nasakupan inda arabwat ag malitis kay lukub, makapangyarihan, ag pagkadalaan una naan. Daran-un nida kanda manga pamakaun sa Bantud Siun, nu naan pagsambahun ti Panginuun Makamaskihan.

Isayas 21:10

Bag-u magkun aku, “Manga kaparihu niku manga Israilita, ga manga giniuk tirigu, pagsabihun niku sa kanyu kang nasaydan sa Panginuun Makamaskihan, ti Diyus Israil.”

Isayas 23:18

Dapat aban sa uryan, kay kitaun balaw yi niya ibutang. Ihandug yi niya inda sa Panginuun hampay panbili mayamu karan-unun ag manga marinu pag kalasi rutay para sa manga magsirbi sa Panginuun.

Isayas 5:28

Maratarum kanda manga ugyung, alistu kanda manga bayi. Ti kuku nida manga kabayu parihu sa maganit pag batu, ag ti buyung nida gulung kalisa ga buhawi.

Hirimyas 51:20

Magkun ti Panginuun, “Kawu ti panhampak niku, ti panhampak niku sa girahan. Sa panab-anan nimu, wasakun niku ti manga nasyun ag ti manga kaharian,

Hirimyas 51:33

Magkun ti Panginuun Makamaskihan, ti Diyus Israil, “Ti Babilunya parihu sa tirigu arani yi anihun ag giukun.”

Danyil 2:44

“Sa ati pag panahun manga hari, ti Diyus sa langit pumatindug usa ka kaharian unman gid magpu hanggan aban. Balaw gid inda matalu iba kaharian, nu unman papasun waya ngap niya ti tanan kaharian ag pihu pumirmaminti inda hanggan aban.

Husyas 10:11

Kaybi masalibagunan lang kamu; parihu kamu sa dumaraga baka naantigu maggiuk ag tunda kay pagkaibgan pag tarabahu. Dapat taynguna pakurianan niku kamu pag manga taga Israil hanggan taga Huda; bumaliw kamu ga dumaraga baka takudan singkaw ti marinu pag liug niya ag pakurianan sa mag-aradu.

Mikas 5:7

Ti manga nasawad pag Israilita bumaliw papalad sa mayamu nasyun. Bumaliw sida parihu sa manga tun-ug ag uran pag-ipakaun Panginuun hampay tumubu ti manga tanum. Pumaniwala sida sa Diyus ag balaw sa tawu.

Habakuk 3:12

“Dahil sa kanmu masyadu pag pangagalit linakawan nimu ti kalibutan ag tinatatataan ti manga nasyun,

Sakaryas 12:3

Sa tunda pag sirang, buwatun niku ga mabuyat pag batu ti Hirusalim, ag una si unu pag nasyun ti kumabyaw inda masaktan gid. Ti tanan nasyun sa buu kalibutan tumiripun hampay girahun ti Hirusalim.

Sakaryas 12:6

“Sa tunda pag sirang, ti manga takinan Huda buwatun niku ga maglabdaban baga sa nakatapung manga kayu ngatay ga maglabdaban sulu sa binugkus manga uhay. Rurisun nida ti manga nasyun sa kanda palibut. Dapat balaw maunu ti nasakupan Hirusalim sa kanda rugar.

Sakaryas 4:14

Nakan magkun siya sa kangku, “Kay ibug sabihun tunda ti duwa ka tawu pinili hampay sumirbi sa Panginuun, maghari sa buu kalibutan.”

Sakaryas 6:5

Magkun siya sa kangku, “Inda sida imaw ti upat ka durus sa kapawaan langit ginan sa atubangan Panginuun sa buu kalibutan.

1 Kurintu 16:2

Kada sirang Duminggu ti kada usa sa kanyu pagpablag kuwarta angay sa kanyu nakitan hampay alistu yi daan kanyu manga ambag sa kang pagras-ug asan sa kanyu.

Diyuturunumiyu 33:25

Pag may panangga mana baul ag galang kanda manga puwirtahan banwa, ag pag sa kanda di ti kamaskihan habang sida magkabuhi.

Huswi 6:19

Ti tanan pag bagay binwat sa pilak, gintu, galang, hanggan baul pasamanan para sa Panginuun, ag dapat ipauli inda sa taraguan kayamanan Panginuun.”