Mikas 4:1 - Hanunuu

¹ Sa manga uryan aban pag sirang, ti bantud nabungsudan Balay Diyus Panginuun bumaliw pinakamahalaga gid sa tanan pag bantud. Manlinuwang ataytag ti manga tawu ginan sa tuhay-tuhay pag nasyun.

Mikas 4:1 Iomraidhean Croise

Gimpuunan 49:1

Pagkatapus, tinawag ni Hakub kay manga anak ag magkun, “Pagpakarani kamu dahil sabihun niku sa kanyu nu hintay ti mangyari sa kanyu sa aratubangun pag panahun.

Gimpuunan 49:10

Parargu kawu magpangulu, Huda. Ginan sa kanmu linahi ti bumaliw manga takinan. Nakan pumakaun buhis sa kanmu ti manga nasyun ag sumunud sa kanmu.

Kanta 110:3

Sa sirang manggira kawu sa kanmu manga kalaban, buluntad mangawat sa kanmu ti nasakupan nimu. Kanmu kalay-awan pag manga nasakupan umatag sa kanmu sa banal pag bantud ga tun-ug kada surip.

Kanta 22:27

Ti buu kalibutan makaalala ag bumalik sa kanmu, Panginuun. Sambahun kawu tanan nasakupan tawu sa manga nasyun.

Kanta 48:1

Makamaskihan ti Panginuun nita Diyus, ag dapat gid dayawun sa kay banwa asan sa kay banal pag bantud.

Kanta 86:9

Binwat nimu ti tanan nasyun, ag sumamba sida sa kanmu. Dayawun nida kanmu ngaran.

Isayas 27:13

Nu tumunug ti budyung mabisug, magbinalik sa Hirusalim ti magkakurian pag manga Israilita nabihag Asirya ag Ihiptu. Sambahun nida ti Panginuun sa banal pag bantud Hirusalim.

Isayas 43:6

Sabihun niku sa manga nasyun sa kanaway hanggan sa salatan kuntay pabay-ani bumalik sa kanda daga kanmu manga linahi, ag pabay-ani muli una naan pag suuk kalibutan.

Isayas 49:6

Magkun siya, “Kawu kang manugsirbi, mayamu waya pag manga buruwatun ti ipabuwat niku sa kanmu, purya sa pagpabalik nimu sa kang pag-alagaan pag manga Israilita. Buwatun waya niku kawu sulu manga nasyun, hampay maribri ti buu kalibutan.”

Isayas 54:2

Pagbuwat kawu ka daka ag mapag-un pag ulian. Danga nimu pagpadiita.

Isayas 56:7

Darahun niku sida sa kang banal pag bantud ag ati pag pasulungun sa kang balay dararanginan. Tanggapun niku sa kang harandugan kanda manga handug pagsunugun hanggan ti tuhay waya pag handug, dahil kang Balay Diyus ingarnan balay dararanginan manga tawu ginan sa tanan nasyun.”

Hirimyas 16:19

Magkun aku, “Panginuun, kawu duy ti kabisugan niku ag manug-alaga sa udas may karukuan. Pumakarani duy sa kanmu ti manga nasyun ginan sa buu kalibutan bag-u sumabi sida, ‘Unman may pulus ti manga diyus-diyusan nimi manga ginurang. Unman sida may nabwat una hintay pag kaayadan.

Hirimyas 26:18

“Katpung si Isikyas ti hari sa Huda, nagbagaw si Mikas taga Murisit tungkul sa pag-ipasabi Panginuun sa tanan taga Huda. Magkun siya, ‘Magkun ti Panginuun Makamaskihan wayakun niya ti Siun, ti banwa Hirusalim. Inda miparihu sa inaradu pag tanman, tap-ukan manga nagkaragba daraka balay ag bumaliw katalunan ti bantud nagpatindugan Balay Diyus.’

Hirimyas 3:17

Sa tida pag udas, ingarnan niyu ti Hirusalim ‘Tukawan hari Panginuun.’ Bag-u ti tanan manga nasyun maniripnan sa Hirusalim hampay dayawun ti ngaran Panginuun. Udyi gid nida sundun ti gustu maraganit ag daut nida pag tagipusuun.

Hirimyas 31:12

Umatag sida sa Bantud Siun ag manhuyaw sa kabayaan. Magbarayaan sida dahil sa manga papalad niku sa kanda. Bumaliw abunda ti manga tirigu, ti irinmun ubas, ti lana ulibu ag ti manga hayup nida. Miparihu sida sa halamanan pirmi pagdiligan ag udyi sida utru manrukuan.

Hirimyas 48:47

Dapat rumas-ug ti sirang kuntay ibalik niku ti mayad pag kahamtangan Muab. Aku, ti Panginuun, ti magsabi inda.” Inda ti itinultul tungkul sa Muab.

Isikil 38:16

Girahun nimu kang nasakupan manga Israilita parihu sa rurum magsangput sa kanda. Hu, Gug, ipagira niku sa kanmu kang banwa, hampay sa panab-anan nimu maipakilala niku sa manga nasyun kang kabanalan. Bag-u maalaman nida aku ti Panginuun.”

Isikil 43:12

Ag imaw inda ti un-an pag kasuguan Balay Diyus: Kailangan banal gid kay sangput sa tungud bantud nu naan pag ipinatindug ti Balay Diyus.

Danyil 10:14

Taynguna, inda yi aku hampay itultul sa kanmu nu hintay ti mangyari sa kanmu manga kasimanwa Israilita sa aratubangun, dahil kanmu pangakakitun tungkul inda sa mangyari aban.”

Danyil 2:28

Dapat may Diyus sa langit makapaliwanag manga madalum pag katutuuhanan. Mahal Hari, sa panab-anan nimu tagin-up, ipinaalam Diyus sa kanmu nu hintay ti mangyari sa aratubangun. Taynguna itultul niku sa kanmu ti manga pangakakitun kanmu nakitan sa tagin-up.

Danyil 2:35

Rargu nidugsak ti tinawu-tawu buwat sa baul, lutuk, galang, pilak, ag gintu. Bag-u nagbaliw wadi upa sa girik-an pag-ipayag durus una naan tag. Dapat ti batu nidugsak sa lulud diyus-diyusan nagbaliw daka pag bantud nagsakup sa buu kalibutan.

Danyil 2:44

“Sa ati pag panahun manga hari, ti Diyus sa langit pumatindug usa ka kaharian unman gid magpu hanggan aban. Balaw gid inda matalu iba kaharian, nu unman papasun waya ngap niya ti tanan kaharian ag pihu pumirmaminti inda hanggan aban.

Danyil 7:14

Kinilala siya ag pinakan-an karampatan maghari, ag sumirbi sa kanya ti tanan tawu sa tuhay-tuhay pag nasyun hanggan linahi, ag pamagaw. Parargu kay paghari sa unman may katapusan ag unman may makadaug sa kay kaharian.

Danyil 7:18

Dapat ti manga banal Kaabwat-abwatan pag Diyus imaw ti pinakan-an karampatan maghari ud may katapusan.’

Danyil 7:22

Bag-u rinmas-ug ti Buhi unman may Katapusan, ti Kaabwat-abwatan pag Diyus, ag nansintinsiya siya baliwa sa kay manga pinili. Ag rinmas-ug ti kaudasan paghari manga banal.

Danyil 7:27

Bag-u iayaw sa banal pag manga nasakupan Kaabwat-abwatan pag Diyus ti pagdumara hanggan kapangyarihan sa manga kaharian buu kalibutan. Nakan humari sida hanggan aban, ag pasakup sa kanda ti tanan kaharian.

Husyas 3:5

Dapat sa uryan pag manga sirang, mandangup di maan sida sa Panginuun nida Diyus hanggan sa kanda hari linahi ni Dabid. Pumakarani sida sa Panginuun may paggalang dahil sa kay kaayadan.

Mikas 3:12

Nakan dahil sa kanyu dautun ti Siun, ti banwa Hirusalim. Bumaliw parihu sa inaradu tanman, ag bumaliw tumpuk manga nagkarapugdak batu. Ag bumaliw kapuruan ti bantud nabungsudan Balay Diyus.”

Sakaryas 14:10

Pantayun ti buu daga ginan sa Giba sa salatan tugka sa Rimun sa kanaway baliwa Hirusalim. Dapat pumirmaminti abwat ti Hirusalim sa kay nagkabugtangan. Ag ulianan inda ginan sa may Sabian ni Binhamin tugka sa rugar nu naan asan ti Un-an pag Sabian, ag atabug sa Suuk pag Sabian; bag-u ginan Bantayaw ni Hananil tugka sa pirigsan ubas hari. Udyi mauman papasun ti Hirusalim, ag ti manga mag-ulian siyun ribri sa kaladalaun.

Sakaryas 8:3

Mamalik aku sa Siun, ti banwa Hirusalim, ag mangulian aku siyun. Nakan ingarnan ti Hirusalim Masurundun pag Daka Banwa ag kang bantud ingarnan Banal pag Bantud.

Malakyas 1:11

Sa kay tutuu, pagdayawun manga nasyun kang ngaran, ginan sa butlakan tugka sa isalpan. Una naan pag rugar magtuub ti manga tawu kamangyan ag maghandug malumpiyu pag manga handug sa kangku.

Binwat 2:17

‘Magkun ti Diyus, “Inda aban kang buwatun sa katapusan panahun. Ibuhus niku kang Ispiritu sa tanan tawu. Bag-u pumurupita kanyu manga anak una lalaki una babayi. Bukasan niku ti naisipan niyu manga kan-akan bag-u aku may ipakakit sa kanda. Ag kanyu manga gurangun lalaki tumagin-up.

Hibriyu 1:2

Pagka kainda arani yi ti katapusan kalibutan, kay Anak ngap ti nagpadakit sa kay manga binagaw Diyus sa kanta. Ti Anak ti pinili pag manugkarubut sa tanan manga bagay, dahil ginan lang sa kanya pag binwat Diyus ti kalibutan.

2 Pidru 3:3

Un-an gid sa tanan kailangan kanyu alamun kuntay aban sa uryan sirang may manga tawu kanda ugali angay sa kanda mahalay pag kagustuhan naisipan.

Ipinakakit 11:15

Pagka inyup ikapitu pag anghil kay budyung, may manga namaragawan daraka ginan sa langit magkun, “Kanta Panginuun hanggan ti Pinili Diyus Manugribri pag Hari nag-aku yi lubus sa paghari sa bilug kalibutan. Humari siya hanggan waya aban.”

Ipinakakit 15:4

Si unu nguna, Panginuun, ti unman magkadala sa kanmu? Si unu nguna ti dayu manultul sa kanmu kamaskihan? Kawu lang ti banal. Tanan pag manga nasyun pumakarani, sumamba sa kanmu. Dahil nakitan tanan tawu matadlung kanmu manga buwat.”

Ipinakakit 20:4

Nakakit aku may manga tukawan hari. Ti manga nakatukaw ati pinakan-an karampatan hampay pumihu sa daut sa mayad. Nakitan diman niku ti karadwa manga tawu pinugutan ulu dahil sa kanda magsarig sa kan Hisus hanggan sa kanda magpadakit Bagaw Diyus. Unman nagsamba sida sa hayup malangas una sa kay tawu-tawu. Unman sida nagtanggap manga marka hayup malangas sa kanda bangas una sa kanda kamang. Binuhi sida hampay maghari kaibahan ni Kiristu sa sulud usa ka libu ka timpu.