Mikas 3:11 - Hanunuu

¹¹ Pagkampihan niyu sa hukuman ti manga magpakaun suhul sa kanyu. Ag kamu pag manga manughandug magtudlu lang nu pagbayadan. Katunda diman kamu pag manga purupita, maghula lang kamu nu may kuwarta. Magsarig waya kamu awatan Panginuun, dahil magkun kamu, ‘Kaibahan di nimi ti Panginuun. Nakan unman may una hintay pag kadautan ti rumas-ug sa kanmi.’

Mikas 3:11 Iomraidhean Croise

Kabagawan 17:23

Ti daut pag tawu magtanggap suhul hampay balaw miburayhaw ti katadlungan.

Isayas 1:23

Kanmu manga takinan manga supakil ag kaibahan manga mananakaw. Gustu nida pirmi may upa, ag magpanhagad pamakaun. Balaw nida pag-apinan ti karampatan manga ulila ag balaw diman nida pagpatingihan ti manga buranday magdangup.

Isayas 48:2

Pagsabihun waya niyu kamu manga nasakupan banal pag banwa, ag magpaniwala kamu sa Diyus Israil, kay ngaran Panginuun Makamaskihan.”

Isayas 5:23

Pagpalpasan niyu ti manga may kasalanan dahil may pabagsak, dapat unman niyu pagpakan-an katadlungan ti ud may kasalanan.

Isayas 56:11

Ga manga idu sida daluk ud magkabsug. Ti manga manugbantay Israil unman may intindi. Ti kada usa sa kanda magbuwat una lang hintay kanda gustu buwatun. Sadili lang ikaayad ti kanda pagpabalagan.

Hirimyas 23:17

Inda ti pirmi nida pagsabihun sa manga tawu dayu magpatingi sa kang manga bagaw ag magsunud sa maganit nida tagipusuun: ‘Bumaliw mayad kanyu kahamtangan. Unman may daut mangyari sa kanyu.’

Hirimyas 26:7

Nadnugan manga manughandug, manga purupita, ag tanan manga tawu ati sa Balay Diyus Panginuun ti pagsabihun ni Hirimyas.

Hirimyas 5:12

Unman sida magbagaw tutuu tungkul sa kangku. Magkun sida, ‘Balaw kita pakurianan Panginuun! Unman may madala rumas-ug sa kanta. Unman diman may gira ngatay lun-us rumas-ug.’

Hirimyas 6:13

“Ginan sa pinakapugri tugka sa darayawun, pararihu lang sida manga maramuun sa kuwarta. Una ti manga purupita ag manga manughandug manga manugdaya diman.

Hirimyas 7:4

Danga kamu magpadaya sa manga tawu paulit-ulit magsabi kuntay unman may daut mangyari sa kanyu dahil sa kanyu ti Balay Panginuun. Magkun sida, “Atay sa kanta ti Panginuun! Atay sa kanta ti Panginuun!”

Hirimyas 8:10

Nakan ipakaun niku sa iba kanda manga asawa hanggan manga tanman. Dahil ginan sa pugri tugka sa may kaya pararihu nagbaliw maramuun sa kuwarta, hanggan yi ti manga purupita ag manga manughandug.

Isikil 22:12

Ti iba magtanggap suhul hampay manmatay tawu, ti iba magpatubu labis-labis, hanggan magyaman dahil sa maramuun sa kuwarta. Nalimtan yi gid nida aku. Aku, ti Panginuun Diyus, ti magbagaw inda.

Isikil 22:27

Kanda manga takinan parihu sa manga talun idu magduksul sa kanda manga bulay. Magpanmatay sida hampay lang maramuun sa kuwarta.

Isikil 34:2

“Anak tawu, pagbagaw kawu laban sa manga manugbantay Israil. Sabihi sida aku, ti Panginuun Diyus magkun: Arani yi kamu parusahan, kamu pag manga manugbantay Israil. Kanyu lang sadili kanyu pag-alagaan! Unman aw lugud ti manga manugbantay kailangan mag-alaga sa kay manga karanidu?

Husyas 4:18

Pagkatapus nida inum irinmun makalangu, sigi lang sida sa ulid sa manga babayi baraydan. Kanda manga takinan gustu gid bumuwat kakay-ahan kaysa kadayawan.

Husyas 4:8

Gustu niyu magkasala kang manga nasakupan hampay makakaun kamu kanda manga handug panlumpiyu.

Amus 5:14

Buwata yi lang niyu ti mayad, danga kay daut hampay mabuhi kamu ag giyahan Panginuun Diyus Makamaskihan, parihu sa kanyu pagsabihun.

Amus 9:10

ti manga daut sa kanyu unman diman makalapus sa kang parusa, bagkus ngap mamatay sida tanan sa girahan. Sida inda ti magsabi unman kunu may daut rumas-ug sa kanda.”

Mikas 3:5

“Inda waydi ti pagsabihun Panginuun tungkul sa manga purupita magdaya sa kay manga nasakupan, magtaratu mayad pag kahamtangan sa manga magsagpun sa kanda, dapat pagpadalaun nida sa kadamhakan ti dayu magsagpun sa kanda.

Mikas 7:3

Antigu sida magbuwat kadautan. Ti manga takinan ag manga talaghusay magtanggap upa. Magsunud lang sida sa gustu manga tawu bantug ag may kapangyarihan. Magkarausa sida hampay baliktadun ti katadlungan.

Sipanyas 3:3

Kanda manga pinunu parihu sa liyun mag-ngurub. Kanda manga takinan parihu sa manga simarun idu maghanap kay makaun nu yabi ag unman may pagsawadan tugka sa surip.

Sipanyas 3:4

Kanda manga purupita palabi-labihun sa kanda manga pagbuwatun ag unman makatiwalaan. Paglapastanganun nida manga manughandug ti Balay Diyus ag paglabagun nida ti Kasuguan Diyus.

Malakyas 1:10

Magkun ti Panginuun Makamaskihan, “Mana may usa sa kanyu sa manga manughandug ti tumalakup sa manga sabian niku Balay, hampay balaw yi kamu magpamakut unman may pulus pag apuy sa kang harandugan. Balaw niku tanggapun kanyu manga handug, dahil balaw aku magbaya sa kanyu.

Malakyas 2:9

Nakan pinahintulutan niku puyaan kamu ag pakay-ahun tanan tawu dahil unman niyu sinunud kang manga palakaw ag may pagkilingan waya kamu sa kanyu manga magtudlu.”

Bilang 16:15

Nagalit si Muysis, magkun siya sa Panginuun, “Danga pagtanggapa kanda manga handug. Unman aku may kasalanan una sa kantapu sa kanda; unman aku may bin-ul sa kanda una lang usa ka asnu.”

Bilang 22:7

Nakan linmakaw ti manga takinan Muab hanggan Midyan may dara pamayad sa kan Balaam. Itinultul nida sa kanya ti ibinilin ni Balak.

Matiyu 3:9

Danga kamu mag-isip kuntay balaw kamu parusahan dahil kamu manga linahi ni Abraham. Dahil pagsabihun niku sa kanyu, una inda pag manga batu mahimu buwatun Diyus manga anak ni Abraham.

1 Timutiyu 3:3

Kailangan unman maraibgun siya sa irinmun makalangu, balaw diman arisgadu, kailangan pag maalumanay ngap siya, maraibgun sa kahusayan, danga maraibgun sa kuwarta.

Titu 1:11

Kailangan sida amparahan sa kanda maglaban hanggan magdaya, dahil pagguluhun nida ti manga magtal-anakan. Basta sida sa kumakit lang kuwarta, pag-itudlu nida ti unman kailangan itudlu.

1 Pidru 5:2

Kang gid bilin sa kanyu alagaan niyu ti manada Diyus kay iinintirga sa kanyu. Tupada niyu kanyu buruwatun pag may maluag pag naisipan, balaw sa nalugusan kanyu kagustuhan. Dahil tunda ngani kay gustu Diyus. Tupada ngani niyu kanyu katungkulan danga magkaibug sa may pakasa, lalu ngap pag may kabayaan kanyu magsirbi.

Hudas 1:11

Madala gid kanda patabgan dahil naghuwad sida sa kay ugali ni Kain. Parihu sa kan Balaam sinukmahan nida ti kadautan basta may matanggap sida kuwarta. Parihu ga kan Kura, sa kanda maglaban sida midamhak aban.

1 Samwil 8:3

Dapat ti ugali niya manga anak balaw parihu sa kanya, maraibgun sida sa kuwarta, magpasuhul ag balaw nida pag-ilantag ti katadlungan.