Mikas 2:7 - Hanunuu

⁷ Hayga, sinaadan aw lugud Panginuun kay lahi ni Hakub? Tabu yi aw lugud kay pasunaid? Buruwatun aw lugud niya ti magruris?” Inda kay sagut Panginuun, “Nu pagbuwatun lang niyu ti kaayadan, matanggap gid niyu kang manga taratu.

Mikas 2:7 Iomraidhean Croise

Kanta 119:65

Panginuun, pagmayad kawu sa kangku, ti kanmu manugsirbi, angay sa kanmu taratu.

Kanta 119:68

Mayad gid kawu ag mayad kanmu manga pagbuwatun. Tudlui aku nimu manga surundanun.

Kanta 15:2

Nagsagut ti Panginuun, “Ti tawu magpangabuhi unman may ikasabi ag magbuwat matadlung. Magbagaw siya tutuu ag ginan sa kay tagipusuun.

Kanta 18:26

Mayad kawu sa manga mayad sa kanmu, ag matinudukun kawu sa manga daut.

Kanta 84:11

Dahil kawu, Panginuun Diyus, parihu sa init magpakaun rayaw hanggan panangga makaalaga sa kanmi. Magpakaun kawu papalad hanggan kadayawan. Balaw nimu inirangan ti mayad pag manga bagay sa manga tawu magkabuhi matadlung.

Kabagawan 10:29

Ti pagsunud tawu matadlung sa palakaw Panginuun imaw kanda panangga, dapat ti paglabag daut pag tawu makapadamhak ngap sa kanda.

Kabagawan 10:9

May kahusayan ti tawu magpangabuhi matadlung, dapat ti magpangabuhi balaw mayad miburayhaw aban.

Kabagawan 14:2

Ti tawu magpangabuhi sa mayad may dala sa Panginuun, dapat ti unman magpangabuhi sa mayad makapuya sa kanya.

Kabagawan 2:7

Pag-alagaan niya ti magkabuhi matadlung hanggan matinupadun. Pagpakan-an diman niya sida kapanaluhan.

Kabagawan 28:18

Ti tawu magpangabuhi unman may ikasabi balaw maunu, dapat ti tawu balaw hustu kay pagbuwatun midamhak rargu.

Isayas 50:2

Hayga balaw niyu aku binati katpung sa kang pagras-ug? Hayga balaw kamu nagsagut katpung pagtawagan niku kamu? Balaw aw lugud niku kamu kaya iribri? Kaya ngani niku pak-atun ti dagat sa usa lang ka bagaw. Kaya diman niku buwatun tigangan ti sapa hampay mamatay ti manga isda.

Isayas 58:1

Magkun ti Panginuun, “Paghuyaw kamu ka daka parihu sa budyung! Danga niyu pag-apasi! Sabiha niyu sa kang manga nasakupan manga linahi ni Hakub kanda manga kasalanan hanggan paglabag.

Hirimyas 15:16

Katpung nagbagaw kawu sa kangku, pinatingihan duy niku kawu. Kanmu manga bagaw kang kabayaan, ag aku sa kanmu, Panginuun Diyus Makamaskihan.

Hirimyas 2:4

Patingihi niyu ti tultulanun Panginuun, kamu pag manga nasakupan Israil, linahi ni Hakub.

Husyas 14:9

Mana masalman ag maintindihan may pan-intindi ti manga nakasurat sitay. Kang-ud gid ti palakaw Panginuun ag pagsundun inda manga matadlung, dapat nagbaliw karadayaanan sa manga malinabagun.

Mikas 3:9

“Pagpatingi kamu, manga takinan Israil ag Huda! Pagdayuun niyu ti katadlungan ag pagbaliskadun niyu ti katutuuhanan.

Sakaryas 4:6

Sinabi niya sa kangku, “Bag-u niku sagtun kanmu paingana, patingihi inda ti pagsabihun Panginuun Makamaskihan tultulan nimu kan Surubabil: “Surubabil, matapus nimu ti pagpatindug sa Balay Diyus bukun sa panab-anan kabisugan ngatay kakayahan tawu nu unman sa panab-anan niku Ispiritu.

Bilang 11:23

Magkun ti Panginuun sa kan Muysis, “May hangganan aw lugud kang kamaskihan? Makitan nimu taynguna nu mangyari kang pagsabihun ngatay unman.”

Matiyu 3:8

Nu ungud kamu nag-ampu yi kanyu manga kasalanan, patutuuhani niyu tunda sa kanyu manga buwat.

Huwan 8:39

Sinabi nida sa kan Hisus magkun, “Si Abraham di kanmi ginurang.” Sinabi ni Hisus magkun, “Nu abi tutuu kamu kay linahi ni Abraham, mag-ugali mana kamu parihu sa kay ugali ni Abraham kaybi.

Ruma 7:13

Kay gustu aw sabihun ti Kasuguan madi mayad imaw aw ngap ti nagpakaun kamatayan sa kangku? Bukun duy katida. Ti kasalanan ngap ti nagmatay sa kangku sa panab-anan mayad pag Kasuguan hampay siti ginan pag ipakilala ti kasalanan kay kadaka pag kadautan.

2 Kurintu 6:12

Lubus gid kanmi pagmahalun kamu, dapat kamu ngap magpanab-ang sa kanmi.

2 Timutiyu 3:5

Magpabalhinguun sida kuntay maka-diyus, dapat nu sa ungud pag-itanggi nida ti kamaskihan Diyus. Pag-aman kawu sa katunda pag manga tawu.