Mikas 2:4 - Hanunuu

⁴ Sa ati pag sirang, puyaan kamu manga tawu sa panab-anan maruku pag sanglitan, ‘Lubus yi kami naruris! Bin-ul Panginuun kanmi manga daga bag-u inayaw sa manga maradaya.’ ”

Mikas 2:4 Iomraidhean Croise

2 Samwil 1:17

Nagbuwat si Dabid usa ka kanta para sa kan Saul hanggan inda sa kay anak sa kan Hunatan,

2 Krunika 35:25

Nagbuwat si Hirimyas manga kanta panhimanglaw para kan Husyas, ag tugka taynguna pagkantahun di inda manga manugkanta sa pag-alaala sa kanya. Ti manga kanta panhimanglaw pirmi pagkantahun sa Israil, ag nakasurat sa Ribru manga Panhimanglaw.

Hub 27:1

Nagparargu si Hub sa pagbagaw,

Isayas 14:4

puyaan niyu kaindaay ti hari Babilunya: “Ipinakababa yi ti manug-api pag hari. Natapus yi kay magpamakuri.

Isayas 24:3

Lubus yi gid mawayak ti kalibutan ag unman may masawad siyun. Matupad ngani inda dahil binagaw Panginuun.

Isayas 6:11

Nagpaingana aku, “Panginuun, kabitay duy kay kadugay?” Sinmagut siya, “Tugka sa mawayak ti manga banwa Israil ag balaw yi may mangulian siyun. Tugka sa udyi may mag-uli sa manga balay ag ti daga bumaliw kapawaan ag udyi makinabangan.

Hirimyas 14:18

Nu atabug aku sa manga tanman hanggan sa banwa, mag-akitan niku ti manga bangkay namatay sa girahan ag lun-us. Ti manga purupita hanggan ti manga manughandug parargu di sa buruwatun nida dapat unman nida alam nu hintay ti pagbuwatun nida.”

Hirimyas 4:13

Bantayi niyu! Magras-ug ti manga kalaban nita ga manga rurum. Kay manga kalisa niya ga buhawi kay manga kabayu niya maliksi waya kaysa manga agila. Kaawaawa gid kita! Inda yi kanta katugkaan!

Hirimyas 6:12

Ipakaun sa iba kanda manga balay, hanggan ti manga tanman ag kanda manga asawa. Mangyari inda nu naparusahan yi niku ti manga mag-uli sa inda pag daga. Aku, ti Panginuun, ti magsabi inda.

Hirimyas 8:10

Nakan ipakaun niku sa iba kanda manga asawa hanggan manga tanman. Dahil ginan sa pugri tugka sa may kaya pararihu nagbaliw maramuun sa kuwarta, hanggan yi ti manga purupita ag manga manughandug.

Hirimyas 9:10

Magkun si Hirimyas: Manlumi gid aku kabisug para sa manga kabantudan ag mangamiraw aku para sa manga pasturan. Dahil mapanglaw yi inda ag unman yi gid may maglakaw. Udyi may madnugan mag-inga manga baka, nighit yi ti manga manuk hanggan ti manga hayup.

Hirimyas 9:16

Bululagun niku sida una naan pag nasyun sa balaw nida magkakilala una manga kaumputan nida. Mamadara aku gurupu man-gira sa kanda hampay lubus sida maruris.”

Isikil 16:44

“ ‘May manga tawu magbagaw inda pag kabagawan sa kanmu: “Nu kabitay kay ina katunda diman kay anak.”

Isikil 2:10

Linadlad niya inda sa kang atubangan, may surat inda manga bagaw may karukuan ag manga hirinangbitun sa sarangwan hanggan sa dayu.

Huwil 1:13

Kamu pag manga manughandug magsirbi sa harandugan niku Diyus, pagsulung kamu saku bag-u pag-atag sa Balay Diyus ag paglumi buu yabi. Dahil unman yi may butir maani aw ngatay intus handug sa Balay niyu Diyus.

Huwil 1:8

Paglumi kamu parihu sa usa ka daraga nakasulung saku dahil sa pagkamatay niya arasawan-un pag kan-akan.

Amus 5:1

Nasakupan Israil, patingihi niyu inda pag hirinangbitun tungkul sa kanyu:

Amus 5:17

May manga manlulumian diman sa kanyu manga taranuman ubas, dahil parusahan niku kamu. Aku, ti Panginuun, ti magsabi inda.”

Mikas 1:15

Manga nasakupan Marisa, padaran-an kamu Panginuun kalaban sumakup sa kanyu. “Manga taga Huda, kanyu manga takinan pumatagu sa lukib Adulam.

Mikas 1:8

Magkun waya si Mikas: Dahil sa kadamhakan Samarya, manlumi aku ag mangamiraw. Manlakaw-lakaw aku unman may lapak ag unman may rutay hampay ipakakit kang karukuan. Manwawaw aku ka daka ga simarun idu ag ga uni bukaw.

Mikas 2:10

Nakan kainda, pag-ighit yi kamu sitay ginan sa Israil dahil inda pag rugar unman yi makapakaun kahusayan sa kanyu. Dahil inuringan niyu inda niyu manga kasalanan. Madaut inda pag banwa ag udyi makinabangan.

Habakuk 2:6

Dapat puyaan sida manga binihag nida pag nasyun magkumun, “ ‘Kaawaawa kamu pag magbuul manga bagay balaw kanyu, ag magtipun kayamanan sa panab-anan pagdaya. Tugka waya lugud kapira niyu inda buwatun?

Sipanyas 1:2

Magkun ti Panginuun, “Papasun niku ti tanan bagay atay sa kalibutan —

Bilang 23:18

Magkun si Balaam, “Abala, Balak, anak ni Sipur, patingihi aku kaayad.

Bilang 23:7

Bag-u magkun si Balaam, “Hari Balak taga Muab, ipinatawag nimu aku ginan sa Aram, sa kabantudan sa butlakan. Magkun kawu sa kangku, ‘Apura, saadi ti manga linahi ni Hakub para sa kangku. Saadi sida pag nasakupan Israil.’

Bilang 24:15

Bag-u binagaw ni Balaam inda pag padakit: “Aku si Balaam kay anak ni Biyur, may mayad aku pag pan-intindi.

Bilang 24:3

ag magkun siya, “Aku si Balaam anak ni Biyur, may mayad aku pag pan-intindi.

Markus 12:12

Alam manga takinan Hudiyu kuntay sida yi ti pagpatamaan pahalimbawa ni Hisus. Nakan naghanap sida paraan hampay madakup siya dapat nadala sida sa kayamuan tawu. Nakan siya kanda yi lang pinatawasan.

Diyuturunumiyu 28:29

Mangarapgap kamu una sirang parihu sa usa ka buta. Udyi kamu mag-unlad una hintay kanyu buwatun. Pirmi kamu apihun ag takawan, bag-u unman may mangawat sa kanyu.