Mikas 2:2 - Hanunuu

² Pag-agawun niyu ti manga tanman hanggan ti pagkaibgan niyu pag manga balay. Pagdayaun niyu ti manga tawu hampay mab-ul niyu kanda balay una hanggan kanda minana pag daga.

Mikas 2:2 Iomraidhean Croise

1 Hari 21:1

May usa ka tawu taga Hisriil kay ngaran si Nabut. May taranuman siya ubas sa Hisriil sa saruy balay hari ni Hari Akab sa Samarya.

2 Hari 9:26

‘Nakitan niku kaaldaw kanmu nagmatay sa kan Nabut hanggan sa kay manga anak. Ag magtaratu aku balusan gid niku kawu sitay gid ngap sa tanman ni Nabut. Aku, ti Panginuun, ti magsabi inda.’ Nakan bul-a siya ag yamtan sa tanman ni Nabut angay sa sinabi Panginuun.”

Hub 31:38

“Nu pinangaghasan niku kang daga ngatay linamin niku inda sa iba,

Pag-ighit 20:17

“Danga niyu pagkaibgi maapu ti balay niyu kaparihu, ngatay kay asawa, kay manga panawuhun, kay manga baka, kay asnu, ngatay ti una hintay pag kasiyunan niya.”

Isayas 3:14

Pihuun niya ti manga paggurangunun hanggan ti manga takinan niya nasakupan. Inda kay bangdan niya sa kanda, “Dinaut niyu kang ubasan imaw kang manga nasakupan. Kanyu manga balay punu manga bagay bin-ul niyu sa manga makuri.

Isayas 5:8

Kaawaawa kamu manga magpayamu manga balay ag magpalaun kanyu manga daga hanggan di sa magkaapiki yi ti iba ag kamu wadi ti mag-uli sa tunda pag daga.

Hirimyas 22:17

Dapat kawu bay, unman may tuhay pagkaibgan nu ud mandaya, magmatay manga tawu unman may kasalanan, mag-api, hanggan magpandahas.

Isikil 18:12

Pag-apihun niya ti manga makuri hanggan manga pugri. Magtakaw siya, ag unman niya pag-iuli ti garantiya manga nakautang sa kanya. Magsamba siya sa manga diyus-diyusan, ag magbuwat mayagting pag manga bagay.

Isikil 22:12

Ti iba magtanggap suhul hampay manmatay tawu, ti iba magpatubu labis-labis, hanggan magyaman dahil sa maramuun sa kuwarta. Nalimtan yi gid nida aku. Aku, ti Panginuun Diyus, ti magbagaw inda.

Isikil 22:13

“Manga taga Hirusalim, ipalakpak niku kang kamang sa pangagalit dahil sa kanyu maramuun sa kuwarta ag pagpanmatay.

Isikil 33:26

Magsarig kamu sa kanyu baladaw, magbuwat kamu manga mayagting pag manga bagay, bag-u magpanguragin, ag tugka taynguna mag-isip waya kamu apuun niyu ti daga?

Isikil 45:9

Dahil aku, ti Panginuun Diyus, magkun: Kamu pag manga takinan Israil, subra yi kanyu pagbuwatun! Apasi yi niyu kanyu mag-unuunu ag pagpan-api, ag buwata niyu ti matadlung ag hustu. Danga yi niyu pagbul-a ti daga niku nasakupan.

Isikil 46:18

Ti takinan balaw dapat maggipit sa pagbuul daga manga tawu. Nu mamakaun siya daga sa kay manga anak, kailangan kanya lang gid pag daga ti ipakaun, hampay kang nasakupan balaw maduraan daga.”

Isikil 8:17

Bag-u magkun ti Diyus sa kangku, “Anak tawu, nakitan yi aw nimu inda? Kaugalian lang aw para sa nasakupan Huda ti pagbuwat inda pag mayagting pag manga bagay sitay? Purya sa inda, pagpuyaan waya nida ti buu nasyun, nakan paggalitun gid nida aku. Bantayi nu kabitay kanda paglabag sa kangku!

Amus 2:7

Pag-apihun nida ti manga pugri ag balaw nida pagpakan-an katadlungan. May imaw sa kanda ti magtal-ama mag-ulid sa usa lang ka babayi. Dahil siyun pagpakay-ahun nida kang banal pag ngaran.

Amus 4:1

Kamu pag manga bantug pag babayi sa Samarya, parihu kamu sa manga baka sa Basan pag-alagaun mayad. Pag-api-apihun niyu ag pag-unuunuhun ti manga pugri, bag-u pagsuguun waya niyu kanyu manga asawa kuntay daran-i kamu irinmun ag manginuman kamu. Nakan patingihi niyu inda

Amus 8:4

Patingihi niyu inda, kamu pag mag-api sa manga pugri ag maggayak rurisun sida.

Mikas 3:9

“Pagpatingi kamu, manga takinan Israil ag Huda! Pagdayuun niyu ti katadlungan ag pagbaliskadun niyu ti katutuuhanan.

Mikas 6:12

Maapi-api kanyu mayaman pag manga tawu, ag manga pudilun kamu.

Malakyas 3:5

Magkun ti Panginuun Makamaskihan sa manga Israilita, “Rumas-ug aku hampay parusahan kamu. Kumastigus rargu aku sa manga manugsalumangka, sa manga magpanguragin, sa manga magkastigus sa pudil, sa manga maglugi sa mag-upa sa kanda manga manugtarabahu, sa manga mag-api sa buranday babayi ag sa manga ilu, hanggan sa manga magbaliwala sa karampatan manga balaw Israilita mag-ulian kaibahan niyu. Buwatun niku inda sa kanyu sa manga unman magsunud sa kangku.”

Matiyu 23:13

Sinabi ni Hisus, “Kaawaawa kamu pag manga manugtudlu Kasuguan hanggan manga Parisiyu, magpabalhinguun lang kamu! Bilang ga tinalakpan niyu ti sabian hampay ti manga tawu dayu makasulud sa kaharian langit. Kamu dayu magsulud sa kaharian langit bag-u kanyu waya pag-amparahun ti manga magkaibug magsulud ati.

1 Timutiyu 6:10

Dahil ti hangad sa kuwarta imaw ti gimpuunan tanan kadautan. Dahil may manga tawu maraibgun sa kuwarta nagsimray sa kanda pagsarig, nagpakaun sida kakurian sa kanda sadili buhi.