Mikas 2:12 - Hanunuu

¹² Magkun ti Panginuun, “Kamu pag manga nasawad nasakupan Israil ag Huda, tipunun gid niku kamu ga manga karanidu sa tudiran aw ngatay ga kaban hayup sa labuan. Mapunu manga tawu kanyu kadagaan.

Mikas 2:12 Iomraidhean Croise

Gimpuunan 36:33

Igu namatay si Bila, pinalitan siya ni Hubab kay anak ni Sira taga Busra.

1 Krunika 1:44

Pagkamatay niya, inublusan siya ni Hubab anak ni Sira taga Busra.

Isayas 11:11

Sa ati pag sirang utru gamitun Panginuun kay kamaskihan hampay pauliun ti manga nasawad pag nasakupan niya dinara-bihag sa Asirya, sa Ihiptu, sa Patrus, sa Itiyupya, sa Ilam, sa Babilunya, sa Hamat ag sa iba waya rugar arayu.

Isayas 27:12

Sa ati pag sirang, panipunun tig-usa-usa Panginuun ti manga Israilita ginan sa Sapa Iyupratis tugka sa bululusan danum Ihiptu ga magtipun manga butir sa girik-an.

Isayas 34:6

Ti baladaw Panginuun mapnu dugu ag taba, ga ginamit pan-iyaw manga handug kambing hanggan karanidu. Dahil matyun Panginuun ti manga taga Busra bilang handug. Mayamu kay matyun sa iba pag manga banwa Idum.

Isayas 5:17

Ti nawayak pag banwa imaw ti pag-ulian manga mayaman, binuwat lang pasturan manga karanidu.

Hirimyas 23:3

Aku ngapu ti tumipun sa manga nasawad niku pag nasakupan ginan sa tuhay-tuhay pag rugar nu naan niku sida pag pinanwayak, ag darahun niku sida ibalik sa kanda daga bag-u yumamu maan sida ati.

Hirimyas 3:18

Sa ati pag manga sirang, ti manga nasakupan Huda hanggan ti Israil mirinsanan bumalik ginan sa pagkabihag sa kanaway muli sa daga ipinakaun niku sa kanda manga ginurang bilang maranahun.

Isikil 34:11

“Aku, ti Panginuun Diyus magkun, aku mismu ti manhanap sa kang manga karanidu hanggan manug-alaga sa kanda.

Isikil 34:13

Tipunun niku sida ginan sa tuhay-tuhay pag manga nasyun, bag-u daran-un sa kanda sadili daga. Ati niku sida pag paharabun sa manga kabantudan Israil, sa saruy sapa hanggan sa mararinu pag pasturan.

Isikil 34:22

Iribri niku kang manga karanidu, ag unman yi sida daug-daugun uman. Ipasaman niku ti manga mayad sa manga daut.

Isikil 34:31

“Kamu kang manga karanidu sa kang paraharaban. Kamu kang nasakupan, ag aku kanyu Diyus. Aku, ti Panginuun Diyus, ti may sabi inda.”

Isikil 36:37

Magkun waya gid ti Panginuun Diyus, “Patingihan maan niku ti pagpaawa-awa nasakupan Israil, ag inda kang buwatun sa kanda: Payamuun niku sida parihu kayamu sa manga karanidu pag-isagda sa Hirusalim sa udas pista. Nakan ti nagkaradaut pag manga banwa ulianan yi mayamu manga tawu. Bag-u maalaman nida aku ti Panginuun.”

Isikil 37:21

ag sabihi sida, ‘Inda ti pagsabihun Panginuun Diyus: Tipunun niku ti manga Israilita ginan sa tanan nasyun kinalatan nida, bag-u daran-un sida pabalik sa kanda sadili daga.

Husyas 1:11

Manmirinsanan maan ti manga nasakupan Huda hanggan Israil, bag-u manpili sida usa ka takinan. Manyamu maan sida sa kanda daga. Magmasulung maan sida sa tunda pag sirang para sa banwa Hisriil.

Amus 1:12

Nakan sunugun niku ti Timan hanggan ti mapag-un pag manga bahagi Busra.”

Mikas 2:13

Bukasan niku ti puwirtahan banwa imaw ti nagbihag sa kanyu, ag giyahan niku kamu sa kanyu pagluwas. Aku, ti Panginuun kanyu hari, ti gumiya sa kanyu.”

Mikas 4:8

Ti Siun, ga abwat pag bantayaw barantayan sa manga hayup, bumaliw makapangyarihan maan. Inda pag banwa, pag-ingarnan diman Hirusalim, imaw maan ti manguna sa tanan banwa Israil ga kaybi.

Mikas 5:7

Ti manga nasawad pag Israilita bumaliw papalad sa mayamu nasyun. Bumaliw sida parihu sa manga tun-ug ag uran pag-ipakaun Panginuun hampay tumubu ti manga tanum. Pumaniwala sida sa Diyus ag balaw sa tawu.

Mikas 5:8

Dapat dumara diman sida kadamhakan sa manga nasyun. Bumaliw sida parihu sa liyun maisug magduksul sa manga hayup sa katalunan ag sa manada manga karanidu sa pasturan. Nu magduksul ti liyun, pagtukbun niya kay magkablay bag-u pagkan-un, ag balaw makaribri sa kanya.

Mikas 7:14

Magdarangin ti manga Israilita magkun, “Panginuun, bantayan nimu kami kanmu manga nasakupan parihu sa magbantay manug-alaga sa kay manga karanidu. Ti manga daga sa kanmi palibut may marinu pag pasturan, dapat kami magkabuhi sa pangawakawaan kami-kami lang. Padakaa maan nimu kanmi magkaakupahan daga tugka sa Basan ag sa Gilyad parihu ga kaybi.

Mikas 7:18

Udyi may tuhay Diyus parihu sa kanmu. Pinatawad nimu ti kasalanan nasawad nimu pag manga nasakupan kanmu magkaapu. Balaw magpirmaminti kanmu pangagalit hanggan aban dahil magbaya di kawu magmahal sa kanmi.

Sipanyas 3:20

Hu, tipunun niku kamu sa ati pag sirang, ag pauliun sa kanyu nasyun. Parangalan niku kamu ag buwatun bantug sa buu kalibutan. Mangyari inda sa sirang paabundahun niku kanyu mayad pag kahamtangan. Makitan gid ngap niyu inda. Aku, ti Panginuun, ti magsabi inda.’ ”