Mikas 1:7 - Hanunuu

⁷ Magkararunut ti tanan histuda diyus-diyusan manga taga Samarya, ag magkarairub ti tanan ibinayad manga lalaki sa kanda naggamit manga babayi baraydan sa balay nida diyus. Nakatipun ti Samarya manga histuda diyus-diyusan sa panab-anan nida manga ibinayad sa manga babayi baraydan sa kanda balay diyus, nakan bul-un nida manga kalaban ti pilak hanggan ti gintu ipinahaklup sa manga diyus-diyusan hampay gamitun waydi nida manga kalaban pamayad sa manga babayi baraydan sa kanda balay diyus.”

Mikas 1:7 Iomraidhean Croise

2 Krunika 31:1

Pagkalawuy pista, ti manga Israilita naglinuwang ati nag-atag sa manga banwa Huda, ag pinanrunut nida ti aramirawan pag manga batu ag pinanmulud ti manga tulduk tanda diyusa si Asira. Ginuba nida ti manga simbahan sa abwat pag manga rugar ag ti manga harandugan sa buu Huda, Binhamin, ag sa Ipraim ag Manasis. Pagkalawuy nida dautun inda tanan, nuli sida tanan sa kanda manga banwa ag daga.

Isayas 2:18

Madura yi ti manga diyus-diyusan.

Isayas 23:17

Pagkalawuy 70 ka timpu, alalahanun Panginuun ti Tiru. Dapat utru di maan buwatun Tiru kay binwat niya kaybi, parihu sa pagbuwatun babayi baraydan. Mamuwat siya kadautan sa tanan pag manga kaharian sa kalibutan hampay makakuwarta.

Isayas 27:9

Patawadun lang sida nu dautun nida kanda manga harandugan batu ag nu runutun ka pinu ag iyamut ti manga tulduk tanda diyusa si Asira, hanggan ti manga harandugan pagsunugan nida kamangyan.

Isikil 6:6

Ti kada banwa niyu ipadamhak. Magkaratumpag kanyu manga simbahan sa abwat pag manga rugar, manga diyus-diyusan, manga harandugan, hanggan ti manga harandugan pagsunugan manga kamangyan, ag ti iba waya parihu sa inda pag pinanmuwat niyu.

Husyas 2:12

Dautun niku kay manga tanum ubas hanggan manga puun igus kay sabi ibinayad kunu niya manga lalaki sa kanya. Buwatun niku marikut inda ga kapuruan, kay manga burak inda kan-un talun hayup.

Husyas 2:14

“Dapat taynguna, darahun niku siya sa pangawakawaan ag kaibgan maan tugka sa mapaibug niku siya.

Husyas 8:5

Pagdayuun niku ti diyus-diyusan baka manga taga Samarya. Magsiklab kang galit sa kanda. Kapira waya nguna sida pag mangabuhi malumpiyu?

Husyas 8:6

Ti diyus-diyusan baka manga taga Samarya buwat lang waydi manga taga Israil. Balaw tida Diyus! Pihu gid inda runutun.

Huwil 3:3

Nanlunggungan sida hampay huray-hurayun kang manga nasakupan, ipinabili nida panawuhun ti manga anak lalaki hanggan babayi hampay ibili intus bag-u ibayad sa babayi baraydan.

Libitiku 26:30

Gubaun niku kanyu manga simbahan sa abwat pag manga rugar hanggan ti manga harandugan surunugan kamangyan. Ag iyamut niku kanyu manga bangkay sa babaw niyu tigbak pag manga diyus-diyusan, bag-u dayuun niku kamu.

Diyuturunumiyu 23:18

Danga gid niyu pagdaraha sa Balay Panginuun niyu Diyus ti natanggap niyu pag kuwarta ginan sa tunda pag paraan hampay ibayad sa kanyu taratu sa Panginuun niyu Diyus, dahil pagkadat-an gid niya tunda.

Diyuturunumiyu 9:21

Bin-ul niku ti binwat niyu pag baka, imaw ti dahilan niyu pagkakasala, ag tinunaw niku inda sa apuy. Rinunut niku inda parihu sa galbuk, bag-u ilinapug sa sapa magbulus ginan sa bantud.

Ipinakakit 18:3

Dahil ga pinalangu banwa Babilunya ti tanan manga nasyun tawu sa kay pinagkaalak, sa kay magpanguragin. Nanguragin sa kanya ti manga hari sa babaw daga, ti manga magnigusyu nagyaman dahil sa kay ugali magpanguragin.”

Ipinakakit 18:9

Mamurahaw aban sa lumi ti manga hari sa babaw daga, ti manga kaibahan niya sa paurag-urag ag sa kahalay-halayan. Bantayan nida ti banwa magkairub daka kay anus.

1 Samwil 5:4

Dapat pagka nasurip maan, nakitan nida naplid yi maan si Dagun, masubsuban sa atubangan Kaban Kasunduan Panginuun. Kay ulu hanggan duwa ka kamang naplud yi, mawayakan sa may arani sabian; kay bilug wadi ti nasawad buu.