Mikas 1:6 - Hanunuu

⁶ Nakan magkun ti Panginuun, “Dautun niku ti Samarya ag tanuman wadi inda manga ubas. Ililid niku kay manga batu atabug sa karatagan tugka sa makitan kay manga patakinan.

Mikas 1:6 Iomraidhean Croise

2 Samwil 17:13

Nu malagiw siya sa usa ka banwa, ti buu Israil ati diman mag-alagad sa kanmu isugu. Bag-u mahimu nimi higtan ti alad batu ati ag guyudun atabug sa karatagan tugka sa madaut tunda, hanggan sa unman yi may masawad batu.”

2 Hari 18:10

Pagkalawuy tulu ka timpu, pagka sa ikan-um pag timpu kay maghari ni Isikyas ag pagka sa ikasiyam pag timpu kay maghari ni Husyas, nasakup taga Asirya ti Samarya.

2 Hari 18:9

Pagka sa ikap-at pag timpu kay maghari ni Isikyas, imaw ti ika-7 pag timpu kay maghari ni Husyas sa Israil, nan-gira si Hari Salmanisir taga Asirya sa Samarya ag pinalibutan inda.

2 Hari 19:25

Tutuu pinandaut nimu ti inaladan batu pag manga banwa. Dapat unman aw lugud nimu alam dugay yi niku inda itinagka? Dugay niku inda ginayak mangyari, taynguna pagtupadun yi niku inda.

Isayas 17:1

Inda ti pagsabihun tungkul sa Damasku: “Pagpatingi kamu! Ti Damasku balaw yi bumaliw banwa dahil mawayak inda.

Isayas 25:12

Gubaun niya kanda abwat ag mapag-un pag alad batu tugka sa marunut ag mawayak sa babaw daga.

Isayas 25:2

Winayak nimu ti manga banwa taga iba nasyun hanggan ti may manga alad batu. Winayak diman nimu ti manga mapag-un pag bahagi nida banwa, udyi nida maipatindug utru.

Hirimyas 31:5

Utru kamu mananum ubas sa manga tagudtud Samarya ag pakinabangan niyu inda kay manga burak.

Hirimyas 51:25

“Kalaban niku kawu, Babilunya, kawu ti pag-ingarnan Bantud Manugwayak! Winayak nimu ti buu kalibutan. Gamitun niku kang kamaskihan hampay dautun ag irubun kawu.

Hirimyas 51:37

Wasakun niku inda pag nasyun! Bumaliw karasarin-an ag makasurumpa inda pag nasyun, ag unman yi may mangulian sitay nu unman manga talun idu.

Hirimyas 9:11

Dahil magsabi ti Panginuun, “Wasakun niku ti Hirusalim, bumaliw inda ulian manga talun idu. Buwatun niku ga pangawakawaan ti manga banwa Huda tugka sa unman yi may mangulian siyun.”

Karukuan 4:1

Ti manga nasakupan Hirusalim parihu sa lunsay gintu magpud-as ngatay sa mahalaga manga batu nagkarawayak sa manga karsada. Parihu sida kaybi sa mahalaga pag gintu, dapat kainda pagbaliwun sida ga manga anglit binuwat lang manug-anglit.

Isikil 13:14

Hu, rup-agun niku ti alad batu niyu litisun. Rup-agun gid niku inda tugka sa maglinuwang kay patakinan inda. Ag nu marup-ag yi, madugsakan kamu ag magkaramatay. Bag-u maalaman niyu aku ti Panginuun.

Husyas 13:16

Kailangan parusahan ti manga taga Samarya dahil sa kanda paglaban sa kangku, kanda Diyus. Magkaramatay sida sa labanan. Runutun kanda manga anak dariit, ag kanda manga kababayihan magbuduy ririan kay tiyan.”

Amus 5:11

Pag-ihid-ihidun niyu ti manga pugri ag pagpilitun pumakaun sa kanyu kanda patubas. Nakan unman kamu makaulian sa ipinatindug niyu pag manga balay buwat sa batu, ag unman kamu makainum intus ginan sa itinanum niyu pag manga ubas.

Amus 6:8

Nagsumpa ti Panginuun Diyus, ti Diyus Makamaskihan, magkun siya, “Pagkadat-an niku ti marapadayaw-dayaw pag manga linahi ni Hakub, ag pagkadat-an niku ti mapag-un pag manga bahagi nida banwa. Nakan ipakaun niku sa kalaban kanda banwa hanggan ti tanan asan.”

Mikas 3:12

Nakan dahil sa kanyu dautun ti Siun, ti banwa Hirusalim. Bumaliw parihu sa inaradu tanman, ag bumaliw tumpuk manga nagkarapugdak batu. Ag bumaliw kapuruan ti bantud nabungsudan Balay Diyus.”

Habakuk 3:13

hampay iribri nimu kanmu pinili pag nasakupan. Minatay nimu ti takinan daut pag kaharian ag ipinadamhak nimu lubus kay nasakupan.

Matiyu 24:2

Dapat magkun siya, “Makitan aw niyu ti pinangalap tunda? Ungud duy kang pagsabihun sa kanyu, nu rumas-ug ti kaudasan, unman may masawad batu sa kay kaparihu babaw batu, tanan-tanan magkarapugdak yi lang.”