Mikas 1:3 - Hanunuu

³ Pagpatingi kamu! Lumuwang ti Panginuun ginan sa kay pag-ulian. Dumugsun siya ag lumakaw sa arabwat pag manga bantud sa kalibutan.

Mikas 1:3 Iomraidhean Croise

Kanta 115:3

Kanmi Diyus asan sa langit ag pagbuwatun niya una hintay kay pagkaibgan.

Isayas 25:10

Ungud awatan Panginuun ti Bantud Siun, dapat parusahan niya ti Muab. Tat-an niya inda ga dayami sa rayamtan paruk.

Isayas 26:21

Dahil rumas-ug yi siya ginan sa kay ulian hampay parusahan ti manga tawu sa kalibutan dahil sa kanda kasalanan. Ipalwang daga ti manga tawu minatay, ag balaw yi niya itagu waya.

Isikil 3:12

Bag-u kinabyaw aku Ispiritu, ag may nadnugan aku busis magkurarug sa kang dayu magbagaw magkun, “Dayawun ti kadayawan Panginuun sa langit!”

Amus 4:13

Ti Diyus imaw ti naglalang manga bantud hanggan durus, bag-u siya diman ti magsalyu yabi hampay bumaliw sirang. Pag-ipaalam niya sa tawu kay manga gayak, hanggan siya ti magpamahala sa buu kalibutan. Kay ngaran Panginuun, ti Diyus Makamaskihan.

Amus 9:5

Magkun waya si Amus, “Nu tandugun Panginuun Diyus Makamaskihan ti daga, matandug inda ag manlulumian ti tanan mag-ulian asan. Kay magtandug inda parihu sa mag-awas ag maghubas Sapa Nilu sa Ihiptu.

Habakuk 3:19

Siya ti magpakaun sa kangku kabisugan. Pagpabaskugun niya kang manga lulud parihu sa lulud karasyaw, hampay matukad niku ti abwat pag manga rugar.”

Sakaryas 14:4

Sa tunda pag sirang, tumindug siya sa Bantud manga Ulibu, sa butlakan Hirusalim. Matunga inda pag bantud ginan sa butlakan tugka sa isalpan. Ti katunga bantud maisdug tag sa salatan ag ti katunga waydi maisdug tag sa kanaway, ag bumaliw inda maluang pag luung sa karaw-an.

Diyuturunumiyu 32:13

Pinadumara niya sida sa manga kabantudan, ag pinakaun sa manga patubas daga. Tinugunan niya sida sa panab-anan daykut ginan sa ukang batu ag lana ginan sa manga ulibu magtubu sa mabatu pag daga.

Diyuturunumiyu 33:29

Pinapaladan kamu, manga nasakupan Israil! Unman may pumarihu sa kanyu — usa ka nasyun irinibri Panginuun. Ti Panginuun imaw ti mag-alaga ag mag-awat sa kanyu, ag siya ti lumaban para sa kanyu. Manyapang kanyu manga kalaban atag sa kanyu, ag tat-an niyu sida sa dayu.”