Matiyu 9:4 - Hanunuu

⁴ Dapat alam di ni Hisus kanda pagkutubun, nakan sinabi niya magkun, “Hayga kamu magkutub daut?

Matiyu 9:4 Iomraidhean Croise

Kanta 139:2

Alam nimu nu matukawan aku ngatay matindugan. Una asan kawu sa arayu alam nimu ti tanan niku pag-isip-isipun.

Kanta 44:21

balaw aw nguna nimu inda magkaalaman, bati alam diman nimu ti manga lihim sa kaisipan tawu?

Isikil 38:10

Magkun waya ti Panginuun Diyus, “Sa tunda pag panahun gumayak kawu daut.

Matiyu 12:25

Alam di ni Hisus kanda pag-isipun, nakan kay sinabi sa kanda magkun, “Marangga ti kada kaharian nu udyi magkarausa maglalabanan wadi. Mawayak yi ti banwa una ti magtal-anakan nu udyi magkarasunduan kay manga tawu sa kanda ginan nangarawayan.

Markus 12:15

Dapat alam di ni Hisus kanda magpabalhinguun, nakan nagsabi siya sa kanda, “Hayga aku kanyu pagsubukan? Anti kanyu dinaryu.”

Markus 2:8

Kadaka naalaman ni Hisus sa kay tagipusuun may pag-isipun sida sa kanda sadili, sinabi niya sa kanda, “Hayga kanyu pagpakaisip-isipun tunda pag manga bagay sa kanyu sadili?

Lukas 11:17

Dapat alam di ni Hisus kanda pag-isipun. Magkun siya sa kanda, “Marangga ti kada kaharian nu udyi magkarausa, nu magpakalabanan wadi sida. Nu ti usa ka magtal-anakan mag-arawayan mabugtas yi ti magmalahalan.

Lukas 5:22

Alam di ni Hisus kanda pagkutubun, nakan sinabi niya sa kanda, “Hayga lugud kamu maglingut sa kangku kanyu naisipan?

Lukas 6:8

Dapat alam di ni Hisus kanda manga isip ag sinabi niya sa tawu pilay kay kamang, “Abala kawu, pagtindug sitay.” Nagtindug ngani siya nagpakarani sa kan Hisus.

Lukas 7:40

Sinmabi si Hisus magkun, “Simun, may isabi aku sa kanmu.” Magkun si Simun, “Sabiha yi nimu duy, Maisturu.”

Huwan 16:19

Alam di ni Hisus magkaibug sida pumaingana sa kanya. Nakan sinabi niya sa kanda magkun, “Magparaingan-an aw kamu sa usa kag sa usa dahil sa kang sinabi magkun, Udyi dumugay bag-u udyi makitan niyu aku. Bag-u unman maan dumugay makitan di maan niyu aku?

Huwan 16:30

Taynguna alam nimi kuntay magkaalaman nimu ti tanan-tanan ag unman yi kailangan may pumaingana waya sa kanmu. Nakan ngani kami maniwala kuntay kawu ginan sa Diyus.”

Huwan 21:17

Sa pakatlu pag pinmaingana si Hisus magkun, “Simun, anak ni Huwan, pagmahalun aw nimu aku?” Nagmaruku yi si Pidru dahil sa kay paingana ni Hisus katlu gin magkun, “Pagmahalun aw nimu aku?” Nakan sinabi ni Pidru magkun, “Panginuun, alam duy nimu ti tanan-tanan pag manga bagay. Alam diman nimu kawu kang gid pagmahalun.” Bag-u kay sinabi ni Hisus sa kanya magkun, “Alagai duy nimu kang manga karanidu.

Huwan 6:61

Madi unman may nagtultul, alam di waydi ni Hisus magrayansan kay manga tuludluan. Nakan sinabi niya sa kanda magkun, “Mag-alinlangan aw kamu dahil sa kang manga sinabi sa kanyu?

Huwan 6:64

Dapat ti iba sa kanyu unman magsarig.” Dahil ginan waya sa umpisa niya magtudlu, alam di ni Hisus nu hintay pag manga tawu ti unman magsarig ag nu si unu ti pumakampi sa kay manga kalaban.

Binwat 5:9

Bag-u sinabi ni Pidru sa kanya magkun, “Hayga pinagkamhanan niyu subukan ti Ispiritu Panginuun nu ngatay siya humiling sa kanyu kasalanan? Pagpatingi kawu, sa ugsadan, yi ti manga tawu naglubung sa kanmu asawa ag kawu maan ti daran-un nida tag sa luwas.”

Ipinakakit 2:23

Matyun aban niku hanggan kay manga anak agud maalaman tanan manga iglisya aku lang ti makasuyasid sa tawu isip ag tagipusuun. Ti kada usa sa kanyu pakan-an niku angay sa kanyu manga binwat.