Matiyu 9:36 - Hanunuu

³⁶ Pagka nakitan niya ti duru gid pag manga tawu, naawa siya sa kanda dahil sida magkaaburidu unman may manuggiya, ga manga karanidu unman may manug-alaga.

Matiyu 9:36 Iomraidhean Croise

1 Hari 22:17

Nakan magkun si Mikaya, “Nakitan niku sa kang pangakakitun mawayakan ti manga Israilita sa manga kabantudan parihu sa manga karanidu unman may manugbantay, ag magkumun ti Panginuun, ‘Inda pag manga tawu unman yi may takinan. Paulia sida may kahusayan.’ ”

2 Krunika 18:16

Nakan magkun si Mikaya, “Nakitan niku sa pangakakitun mawayakan ti manga Israilita sa manga kabantudan parihu sa manga karanidu unman may manugbantay, ag magkun ti Panginuun, ‘Inda pag manga tawu unman yi may takinan. Pauliun sida sa mahusay.’ ”

Isayas 13:14

Ti manga day-uhan sa Babilunya malagiw ag bumalik tag sa kanda sadili banwa ga manga karasyaw pagbukadun. Muli sida ga manga karanidu unman may mag-alaga.

Hirimyas 50:6

“Ti manga nasakupan niku ga manga karanidu nagtalalang. Pinabay-anan sida manga manug-alaga nida ati sa kabantudan ag katagudtudan bag-u udyi nida alam ti dalan sa mag-uli.

Sakaryas 10:2

Kay tutuu, bukun mapaniwalaan ti manga diyus-diyusan ag ti manga manughula. Magsabi sida salan pag kahulugan manga tagin-up. Unman may pulus ti pagpabisug nida sa nalub-anan manga tawu. Nakan magsimray ti nasakupan Israil parihu sa karanidu. Nakurian sida dahil unman sida may takinan.

Sakaryas 11:16

Dahil may ipauli aku takinan sa Israil parihu sa usa ka unman may pulus pag manug-alaga karanidu. Bukun niya awatan ti manga karanidu hirimugtasun yi, ngatay hanapun ti manga nagkaradura, ngatay bulungun ti manga nabiyagan, ngatay pakaunun ti manga maniwang. Dapat pangan-un niya ti taguban matabul pag karanidu ag bul-un kay manga kuku inda hampay hirutun.

Bilang 27:17

ag manguna sa kanda sa girahan, hampay kanmu nasakupan balaw bumaliw ga manga karanidu unman may manug-alaga.”

Matiyu 10:6

Bagkus ngap atihan niyu ti nasakupan Israil nagtalang ga manga karanidu.

Matiyu 14:14

Pagka dinmugsun si Hisus sa duunduun ati sa baybay, nakitan niya ti kayamuan tawu. Naawa gid siya sa kanda, pinaayad niya ti may manga sakit sa kanda.

Matiyu 15:24

Magkun si Hisus, “Sinugu aku para lang sa manga karanidu nalyam sa nasyun Israil.”

Matiyu 15:32

Tinawag ni Hisus kay manga tuludluan, kay sinabi, “Magkaawa aku sa inda pag manga tawu, dahil tulu yi ka sirang taynguna tugka kaibahan niku sida. Udyi sida may makaun. Dayu niku sida pauliun magkalun-us, barang nu sa dalan magpandulum yi ti mata sa lun-us.”

Markus 6:34

Pagka nagdugsun si Hisus ginan sa duunduun, nakitan niya ti lalu mayamu tawu. Naawa gid siya sa kanda, dahil sida parihu ga manga karanidu unman may manug-alaga. Bag-u mayamu maan kay itinudlu ni Hisus sa kanda.

Markus 8:2

“Magkaawa aku sa manga tawu inda, dahil tulu yi ka sirang taynguna tugka kaibahan niku sida. Udyi sida may makaun.

Hibriyu 4:15

Kanta pangulu manughandug sa Balay Diyus makapasunaid di gid sa kanta kalumuyan. Dahil sinubukan siya sa tanan paraan parihu diman ga kanta, dapat unman gid siya nagkasala.

Hibriyu 5:2

Madunung siya magpasunaid sa manga unman nakatau ag sa manga magsimray dahil una siya may manga kalumuyan diman waydi.