Matiyu 9:26 - Hanunuu

²⁶ Sa tanan rugar sa kay palibut nibantug ti barita tungkul sa nangyari ati katpung.

Matiyu 9:26 Iomraidhean Croise

Matiyu 4:24

Pagka ilinantag ti barita tungkul sa kanya sa buu daga Sirya, dinara manga taga Sirya tag sa kanya ti tanan may manga mag-adnugan, ti manga magkakuri sa kanda manga sakit tuhay-tuhay hanggan ti inapuan manga labang, ti manga magkatigbak hanggan ti manga lunu bag-u kay pinaayad sida.

Matiyu 9:31

Dapat ay pagka sida siyun ginan linmakaw, nagtultul ngap sida sa manga tawu sa tanan manga rugar tungkul sa kan Hisus.

Markus 1:28

Kadaka nibantug ti barita tungkul sa kan Hisus sa kabuuhan daga Galiliya.

Markus 1:45

Dapat ay pagka siya linmakaw yi, lalu ngap niya itinultul sa mayamu pag tawu nu kabitay siya pag pinaayad ni Hisus. Nakan unman yi makasulud si Hisus sa banwa, ati lang siya sa luwas banwa sa manga rugar pangawakawaan tawu. Nag-ati diman ti manga tawu sa kan Hisus una ginan sa arayu una ginan sa arani.

Markus 6:14

Nakaras-ug waydi sa kan Hari Hirudis ti barita tungkul sa kan Hisus, dahil nibantug kay ngaran niya. Magkun ti manga tawu, “Si Huwan Manugtulbaw tunda. Binuhi siya uman, nakan may kamaskihan siya magbuwat manga makadululaw.”

Lukas 4:14

Binmalik maan si Hisus sa Galiliya lubus sakup sa kapangyarihan Ispiritu. Nibantug siya sa tanan rugar.

Lukas 4:37

Nibantug yi ti barita tungkul sa kan Hisus sa tanan rugar una arani una arayu.

Lukas 5:15

Dapat lalu nilantag ti barita tungkul sa kan Hisus. Nakan lalu nagtipun ti mayamu pag tawu hampay makadnug, ag hampay paayadun niya kanda manga sakit.

Lukas 7:17

Nibantug inda pag barita tungkul sa kan Hisus sa bilug daga Hudiya hanggan sa kay manga kalibut pag daga.

Binwat 26:26

Unman aku kailangan magkadala maghampang sa kanmu duy, Hari Agripa, dahil magkaalaman yi waydi nimu inda tanan-tanan. Pihu gid nabaritaan nimu daan inda pag manga itinultul niku taynguna, dahil inda nangyari balaw sa lihim, unman diman sa arayu pag rugar.