Matiyu 9:13 - Hanunuu

¹³ Paglakaw yi kamu, isipun niyu inda kay pagkumnun Diyus, ‘Kang gustu pagmaawaun kamu ag balaw kanyu handug.’ Nagsitay aku hampay butungun ti manga makasalanan, balaw ti manga matadlung.”

Matiyu 9:13 Iomraidhean Croise

Kabagawan 21:3

Pag-ikabaya gid Panginuun nu magbuwat mayad ag matadlung ti usa ka tawu kaysa manhandug siya manga handug.

Husyas 6:6

Dahil balaw kanyu manga handug kang pagkaibgan nu unman kanyu pagmahal. Mas gustu waya niku kilalan-un niyu aku kaysa manhandug kamu manga handug pagsunugun.

Matiyu 12:3

Sinabi ni Hisus sa kanda magkun, “Unman aw lugud binasa niyu ti binwat ni Dabid pagka linun-us siya hanggan kay manga kaibahan?

Matiyu 12:5

Ag unman waya aw lugud niyu nabasa sa Kasuguan ni Muysis kuntay sa kada Sirang Pamahari ti manga manughandug sa Balay Diyus maglabag sa Kasuguan tungkul sa Sirang Pamahari, dapat unman sida nagsalan?

Matiyu 12:7

Nu maintindihan lang niyu inda pag Bagaw Diyus magkun, ‘Kang gustu pagmaawaun kamu, ag balaw kailangan niku kanyu hayup kanyu matyun ihandug sa kangku,’ balaw mana niyu sabihun may kasalanan ti unman nagkasala.

Matiyu 19:4

Nagsagut si Hisus, “Unman aw lugud magkabasa niyu sa Kasuratan magkun, ‘Sa kabag-u linalang sida Diyus lalaki ag babayi.’

Matiyu 21:42

Kay sabi ni Hisus sa kanda, “Udwaya aw gid nabasa niyu sa Banal Kasuratan magkun, ‘Ti batu dinayu manga manugbuwat balay, binwat ngap mahalaga pag kalap. Panginuun ti may buwat tunda, tutuu ungud makadululaw.’

Matiyu 3:2

“Iampu yi niyu kanyu kasalanan, dahil udyi dugay rumas-ug yi ti kaharian langit.”

Matiyu 3:8

Nu ungud kamu nag-ampu yi kanyu manga kasalanan, patutuuhani niyu tunda sa kanyu manga buwat.

Matiyu 4:17

Siyun ginan nag-umpisa yi si Hisus magtudlu. Magkun siya, “Iampu yi niyu kanyu manga kasalanan, dahil arani yi ti kaharian langit.”

Markus 12:26

Tungkul bay sa pagkabuhi uman manga namatay, unman aw magkabasa niyu sa ribru ni Muysis tungkul sa kayu minaktan apuy. Ati kabay nagsabi ti Diyus sa kanya magkun, ‘Aku ti Diyus ni Abraham, Diyus ni Isaak, Diyus ni Hakub.’

Markus 12:33

Nu ilubus tawu kay tagipusuun, kay pag-iisip hanggan kay kabisugan sa kay pagmahal sa Panginuun ag nu ti tawu may pagmahal sa kay kaparihu tawu ga kay diman pagmahal sa kay sadili, tunda subra man mahalaga sa tanan hayup pagsunugun handug sa Panginuun hanggan sa iba waya manga handug sa Diyus.”

Markus 2:17

Pagka nadnugan ni Hisus tunda, sinabi niya sa manga manugtudlu Kasuguan, “Unman may kailangan sa manugbulung ti balaw may manga sakit, ti may manga sakit lang ti may kailangan. Unman aku nagsitay hampay magtaban sa manga matadlung, nu unman sa manga makasalanan ngap.”

Lukas 10:26

Magkun si Hisus sa kanya, “Hintay ti isinurat sa Kasuguan, kabitay lugud pag nabasa nimu asan?”

Lukas 19:10

Dahil aku, ti Anak Tawu, nagsitay hampay hanapun ag iribri ti nadura.”

Lukas 24:47

Ag itudlu sa tanan nasyun, umpisa ginan sa Hirusalim, sa panab-anan niya patawadun Diyus ti manga tawu mag-ampu sa kanda kasalanan.”

Lukas 5:31

Dapat si Hisus ngap ti sinmagut magkun, “Unman may kailangan sa manugbulung ti balaw may manga sakit, ti may manga sakit lang ti may kailangan.

Lukas 5:32

Unman aku nagsitay hampay magtaban sa manga matadlung tabug sa pag-ampu sa kasalanan. Nakan aku nagsitay hampay manaban sa manga makasalanan tabug sa pag-ampu sa kanda manga magbuwat daut.”

Huwan 10:34

Sinabi ni Hisus magkun, “Nisurat kabay sa kanyu Kasuguan magkun ti Diyus, ‘Kamu manga diyus.’

Binwat 11:18

Pagka nadnugan manga patar-ari inda pag manga sinabi ni Pidru, udyi sida may pagsabihun sa kan Pidru. Bagkus ngap nagdayaw sida sa Diyus magkun, “Nu katunda maaw, ipinakaun diman Diyus sa manga balaw Hudiyu hampay makaampu sida sa kanda kasalanan ag makatanggap buhi.”

Binwat 2:38

Nagsagut si Pidru magkun, “Ampuan niyu kanyu kasalanan ag paghagad kapatawadan sa Diyus. Pagpatulbaw ti kada usa sa kanyu, pagpasakup sa ngaran ni Hisu-Kiristu hampay patawadun yi kanyu manga kasalanan. Bag-u ipakaun Diyus sa kanyu ti Ispiritu Banal.

Binwat 20:21

Nangungud gid aku sa kang magpaliwanag sa manga Hudiyu una sa manga balaw Hudiyu, magkun kailangan gid sida pag-ampu sa kanda kasalanan sa atubangan Diyus, pagsarig sa kanta Panginuun Hisus.

Binwat 3:19

“Nakan duy patlikudi yi niyu kanyu manga kasalanan bag-u pag-atubang yi sa Diyus hampay duraun yi niya kanyu kasalanan,

Binwat 5:31

Pinakan-an si Hisus kadayawan, ipinatukaw siya Diyus sa kay sikun baliwa minsan sa kay karampatan maghari. Nakan si Hisus yi ngani ti Takinan hanggan Manugribri hampay pakan-an rugar ti nasyun Israil makaampu sa kanda manga kasalanan ag makahagad kapatawadan sa Diyus, agud sida patawadun.

2 Pidru 3:9

Ti Panginuun unman gid pumalya sa kay taratu, balaw parihu ga paghantupun manga iba. Nakan udwaya pagtupadun niya tunda pag taratu dahil ngani sa kanyu. Pinakan-an niya rugar ti tanan tawu hampay sida makaampu sa kanda manga kasalanan ag makapasakup sa Diyus. Dahil unman gid gustu niya una si unu pag tawu ipadamhak sa kaparusahan.