Matiyu 8:5 - Hanunuu

⁵ Pagka rinmas-ug si Hisus sa banwa Kapirnaum, napakarani sa kanya ti usa ka kapitan manga sundalu taga Ruma, nagpakihampang sa kanya magkun,

Matiyu 8:5 Iomraidhean Croise

Matiyu 11:23

Kawu pag banwa Kapirnaum, gustu aw nimu pumaabwat hanggan tugka sa langit? Unman! Idugsak ngap kawu sa ulian manga namatay. “Dahil nu abi sa Suduma pag nabuwat ti manga makadululaw kang binwat sitay sa kanyu, hanggan taynguna tugka balaw waya mana mawasak tunda.

Matiyu 27:54

Pagka nadnugan nida ti linug ag pagka nakitan nida ti nangyari, nadala masyadu ti kapitan hanggan ti manga sundalu kaibahan niya magbantay sa kan Hisus. Magkun sida, “Tutuu ungud Anak Diyus inda.”

Matiyu 4:13

Nighit siya ginan sa Nasarit bag-u nag-ati sa banwa Kapirnaum ag ati pag nangulian. Inda pag banwa sa saruy danaw Galiliya, sakup daga Sabulun hanggan Niptali.

Matiyu 9:1

Sinmakay si Hisus sa duunduun, nagdipay atag sa baliw pangpang danaw naparargu tag sa kay sadili banwa.

Markus 15:39

May matindugan sa sirung kurus usa ka kapitan sundalu. Pagka nakitan niya nu kabitay kay namatay ni Hisus, sinabi niya magkun, “Tutuu inda pag tawu imaw gid ti Anak Diyus.”

Markus 2:1

Pagka lawuy pira ka sirang, nagsiyun yi maan si Hisus sa Kapirnaum. Pagka nabaritaan manga tawu siya sa balay,

Binwat 22:25

Dapat pagka nagapus yi nida si Pablu ihinigut tag tungud, sinabi niya sa kapitan matindugan siyun magkun, “Angay aw lugud sa batas nu hampakun niyu ti usa ka tawu nu nasakupan siya Ruma ag udwaya paman nasintinsiyahan husgadu?”

Binwat 23:17

Tinawag ni Pablu ti usa ka kapitan bag-u kay sinabi sa kanya magkun, “Ibahi duy nimu inda pag kan-akan tag sa kumandir, may itultul siya sa kumandir.”

Binwat 23:23

Tinawag kumandir kay duwa ka kapitan bag-u kay sinabi sa kanda magkun, “Paghanda kamu duwa ka gatus sundalu, may pitumpulu waya ka sundalu lunsay masakyan sa manga kabayu ag may duwa waya ga gatus sundalu may bangkaw. Pag-alistu yi kamu hampay umatag sa Sisariya sab yabi pagka nakalawuy yapun.

Binwat 27:13

Pagka naghuyup-huyup ti durus ginan sa salatan, nakabaya yi sida kanda isip mahimu yi ngani ipatarus nida kanda lakaw. Binatak nida kay pundu bag-u nag-agubay sida arani sa baybay Kirita.

Binwat 27:31

Dapat sinabi ni Pablu sa kapitan hanggan sa manga sundalu magkun, “Nu lumayas ti manga may apu bangka, pihu duy kamu dayu maribri.”

Binwat 27:43

Dapat kay gustu kapitan danga nida matyun si Pablu, nakan inampara niya kanda gayak. Bag-u sinabihan kapitan ti manga tawu madunung maglanguy, pag-una sida pagluksu, pagtakas yi atag sa baybay.

Binwat 9:38

Arani lang ti Lida sa Hupi pag banwa. Nakan pagka naalaman manga patar-ari ati sa Hupi si Pidru, nagsugu sida duwa ka tawu tag sa kan Pidru may bilin magkun, “Pagsitay yi duy kawu sa kanmi kadali.”