Matiyu 8:4 - Hanunuu

⁴ Binilinan siya ni Hisus magkun, “Danga pagsabiha nimu inda una sa kantapu pag tawu. Pag-atag kawu, pagpakakit kawu sa manughandug. Bag-u pagpakaun kawu handug sa Diyus angay sa kay ibinilin ni Muysis, bilang usa ka puruyba sa manga tawu nag-ayad yi kawu.”

Matiyu 8:4 Iomraidhean Croise

Isayas 42:21

Gustu gid Panginuun galangun kay kasuguan agud maipakakit niya kay katadlungan.

Matiyu 10:18

Dahil sa kanyu magpasakup sa kangku, ipaatubang kamu sa manga gubirnadur hanggan sa manga hari hampay tumultul kamu tungkul sa kangku sa atubangan nida hanggan sa manga balaw Hudiyu.

Matiyu 16:20

Bag-u mahigpit gid binilinan ni Hisus kay manga tuludluan danga pagsabiha una sa kantapu kuntay siya ti Pinili Diyus Manugribri pag Hari.

Matiyu 17:9

Sa kanda maglus-ug ginan sa bantud sinabi ni Hisus sa kanda magkun, “Danga dapu sabihun niyu una sa kantapu ti kanyu nakitan hanggan sa udwaya mabuhi uman ti Anak Tawu.”

Matiyu 3:15

Dapat sinmagut si Hisus magkun sa kanya, “Pasnuan lang duy nimu taynguna, dahil kainda ngani ti dapat buwatun hampay tupadun nita ti buu kagustuhan Diyus.” Bag-u pinasnuan ngani siya ni Huwan.

Matiyu 5:17

Magkun si Hisus, “Danga isipun niyu aku nagsitay hampay bul-un niku ti Kasuguan ni Muysis, una ti tudlu manga Kasuratan Purupita. Balaw aku nagsitay hampay bul-an halaga niku tunda, bagkus ngap hampay kang tupadun.

Matiyu 6:1

Magkun si Hisus, “Pag-ingat kamu, danga magpakakit-kakit lang sa atubangan manga tawu kanyu buwat mayad. Nu katunda kanyu buwat unman kamu may matanggap pirimyu ginan sa kanyu Ama sa langit.

Matiyu 9:30

Bag-u maghiling yi ngani sida. Mahigpit kay binilinan sida magkun, “Danga pagsabiha niyu inda una sa kantapu pag tawu.”

Markus 13:9

“Pag-andam kamu. Dahil kamu ipasintinsiya aban sa Katipunan manga Pinunu. Kamu kanda hampakun sa manga simbahan manga Hudiyu. Ipaatubang kamu sa manga gubirnadur hanggan sa manga hari dahil sa kangku hampay kamu tumultul tungkul sa kangku sa kanda atubangan.

Markus 3:12

Binawalan ni Hisus ti manga labang magkun, “Danga pag-ingarni niyu kang ngaran.”

Markus 5:43

Bag-u kay binilinan ni Hisus sida mahigpit danga sabiha una sa kantapu inda ti nangyari. Bag-u magkun siya pakan-i yi karan-unun ti anak.

Markus 6:11

Ag una naan pag banwa nu dayu kamu tanggapun hanggan patingihan, pag-ighit yi kamu siyun ginan, pagpaga ti galbuk ginan sa kanyu raprapa bilang paandam sa kanda magdayu sa Diyus.”

Markus 7:36

Kay sinabi ni Hisus sa manga tawu danga pagsabiha nida una sa kantapu. Dapat madi abinandu niya sa kanda, lalu ngap itinultul nida sa manga iba.

Markus 8:30

Bag-u mahigpit pag binilinan niya sida danga pagsabiha una sa kantapu tungkul sa kanya.

Markus 9:9

Sa kanda maglus-ug ginan sa bantud, sinabi ni Hisus sa kanda magkun, “Danga dapu sabihun niyu una sa kantapu ti kanyu nakitan hanggan sa udwaya mabuhi uman ti Anak Tawu.”

Lukas 17:14

Pagka nakitan niya sida, sinabi ni Hisus sa kanda, “Pag-ati yi kamu pakakit sa manga manughandug.” Maglakaw di waya sida rargu naayadan kanda dilikadu pag sakit sa lukub.

Lukas 21:13

Bag-u mahimu yi kamu magtultul Mayad pag Barita sa kanda.

Lukas 4:41

Nanlinuwas diman ti manga labang sa mayamu tawu, nanringgit magkun, “Kawu ti Anak Diyus!” Dapat sinabihan maan niya ti manga labang danga yi mag-ingay, dahil alam nida siya ti Pinili Diyus Manugribri pag Hari.

Lukas 5:14

Nagbilin si Hisus sa kanya, “Danga pagsabiha nimu inda una sa kantapu pag tawu. Pag-ati kawu pagpakakit kawu sa manughandug. Bag-u pagdara kawu hayup handug sa Diyus angay sa kay bilin ni Muysis, bilang usa ka puruyba sa manga tawu nag-ayad yi kawu.”

Lukas 8:56

Naglingut kay manga ama hanggan kay ina, dapat binilinan sida ni Hisus danga sabiha una sa kantapu inda ti nangyari.

Lukas 9:21

Dapat ibinilin ni Hisus mahigpit magkun danga sabihun nida inda una sa kantapu pag tawu.

Huwan 5:41

“Balaw kang turunu para aku dayawun manga tawu.

Huwan 7:18

Nu kay pagbagawun tawu ginan lang sa kay sadili naisipan, kay gustu siya ti dayawa manga tawu. Dapat nu kay gustu manugtudlu hampay dayawun ngap manga tawu ti nagsugu sa kanya, pihu gid pag-itudlu niya ti katutuuhanan unman may pabalhingu.”

Huwan 8:50

Balaw aku maghinaum kang sadili kadayawan. May mag-alistu di kang kadayawan. Siya diman waydi ti makapihu sa daut sa mayad.