Matiyu 8:3 - Hanunuu

³ Nagkupa si Hisus sa kanya magkun, “Gustu gid niku. Pagmaayadan yi kawu.” Susun yi nadura kay sakit sa lukub.

Matiyu 8:3 Iomraidhean Croise

Gimpuunan 1:3

Magkun ti Diyus, “Magkaimaw karayawan!” Nagkaimaw ngani rayaw.

2 Hari 5:11

Dapat nangisug si Naaman ag linmakaw yi magkurim-ud. Magkun siya, “Kang isip pihu gid lumuwas siya ag umatubang sa kangku. Kang isip manawag siya sa Panginuun sa kay Diyus bag-u ikupa niya kay kamang sa babaw niku lukub ag paayadun aku.

2 Hari 5:14

Nakan linmakaw ngani si Naaman tabug sa Sapa Hurdan ag napatalgub kay sadili makapitu ka bisis, angay sa pagsabihun suruguun Diyus. Tunda ginan mayad yi kay sakit ag malumpiyu yi kay lukub parihu sa lukub lapsag.

Kanta 33:9

Sa kay lang bagaw, nalalang ti kalibutan. Nagsugu siya ag namhan ti tanan.

Pag-ighit 4:7

Magkun ti Panginuun, “Paulian maan kanmu kamang sa sulud nimu rutay.” Sinunud maan ni Muysis. Pagka ilinuwas niya kay kamang, mayad yi maan parihu sa iba niya bahagi bilug.

Matiyu 12:13

Bag-u sinabi ni Hisus atag sa tawu magkun, “Hunatan duy kanmu kamang.” Kay ngani ihinunat kay kamang, nag-ayad yi ngap parihu maan sa kay usa.

Markus 1:41

Kinaawaan ni Hisus ti tawu, nakan kay kinup-an kamang magkun sa kanya, “Gustu ngani niku duy. Pagmaayadan yi kawu sa kanmu sakit sa lukub.”

Markus 4:39

Nagbangun si Hisus, tinamyaw niya ti bagyu ag sinabi niya sa danaw magkun, “Paghubung yi, danga yi magpaywas pag danum.” Naghubung yi ngani ti untug, ag kinmalma ti danaw.

Markus 5:41

Pagka hiniyaptan niya ti anak, sinabi niya sa kanya magkun, “Talita kum.” Kay ibug sabihun, Anak, pagsabihun niku sa kanmu, pagbangun yi kawu.

Markus 7:34

Pagka nagtangda si Hisus sa langit, naghangus siya bag-u sinabi niya, “Ipata”, kay ibug sabihun pagmabukasan.

Markus 9:25

Pagka nakitan ni Hisus ti kayamuan tawu nandurunganan nalagiw atag sa kanya, sinungyaw niya ti labang magkun, “Kawu pag labang tigpabungul magpabuyun, pagsuguun niku kawu pagluwas yi kawu ginan sa kanya ag danga yi kawu magsulud uman sa kanya.”

Lukas 4:27

Pagka purupita si Ilisyu mayamu pag tawu may dilikadu pag sakit sa lukub sa Israil. Dapat sa kanda tanan unman gid may pinaayad. Ti taga Sirya bay si Naaman ti pinaayad.”

Lukas 5:13

Ikinupa ni Hisus kay kamang sa kanya, magkun, “Gustu ngani niku duy, pagmaayadan yi kawu sa kanmu sakit sa lukub.” Kadaka nabul-an siya sakit sa lukub.

Lukas 7:14

Nagpakarani si Hisus, kinup-an niya ti saputan bangkay, pinmat-ung ti manga manugyayung. Bag-u sinabi ni Hisus, “Kawu pag kan-akan, kang pagsabihun sa kanmu, pagbangun yi kawu.”

Huwan 11:43

Pagka sinabi ni Hisus katida, ainalsa niya kay busis magkun, “Lasaru, pagluwas yi kawu.”

Huwan 15:24

Nakan may saragtun gid sida sa kanda manga kasalanan, dahil nakitan gid nida ti makadululaw pag binwat niku unman mabuwat una sitapu pag tawu. Kanda gid nakitan tunda, bag-u kanda ngap kinagalitan aku hanggan ti Ama.

Huwan 5:21

Dahil nu kabitay pagbuhiun uman Ama ti manga namatay, katunda diman waydi pagbuhiun uman Anak una hintay pag tawu kay gustu buhiun uman.