Matiyu 8:22 - Hanunuu

²² Dapat magkun si Hisus sa kanya, “Pagkuyug kawu sa kangku, ipiyar nimu sa unman may manga buhi ti lumubung sa manga namatay.”

Matiyu 8:22 Iomraidhean Croise

1 Hari 19:20

Tinayakan ni Ilisyu ti manga baka ag linagas si Ilyas. Magkun si Ilisyu, “Man-ngaruk dapu duy aku sa kang ama ag ina bilang pagpaalam, bag-u di kumuyug aku sa kanmu.” Sinmagut si Ilyas, “Hu, dapat danga nimu pagkalimti kang binwat sa kanmu.”

Matiyu 8:21

Usa maan ka tuludluan magkun sa kan Hisus, “Panginuun, mag-uli dap duy aku agud manlubung sa kang ama.”

Matiyu 9:9

Nighit si Hisus siyun ginan pag rugar. Sa kay maglakaw nakitan niya ti usa ka tawu kay ngaran si Matiyu, matukawan sa panukutan buhis. Magkun si Hisus sa kanya, “Pagkuyug kawu sa kangku.” Nagtindug si Matiyu bag-u kinmuyug yi ngani sa kan Hisus.

Markus 2:14

Sa kay naglakaw nakitan niya si Libi kan Alpiyu anak matukawan sa suruktan buhis. Magkun si Hisus sa kanya, “Pagkuyug duy kawu sa kangku.” Nagtindug si Libi nagkuyug ngani sa kan Hisus.

Lukas 15:24

Dahil sitay kang anak tigbak, dapat nabuhi uman. Kabag-u nadura, dapat nakitan maan.’ Nakan nagbaya gid sida.

Lukas 15:32

Dapat kailangan kita magbaya gid ag masulung lubus, dahil sitay tigbak kanmu ari ag taynguna buhi yi maan. Sitay nadura ag kainda nakitan maan.’ ”

Lukas 9:59

Sinabi ni Hisus sa usa, “Pagkuyug kawu sa kangku.” Dapat sinabi niya magkun, “Panginuun, pahintuluti dap aku mag-uli manlubung waya aban sa kang ama nu mamatay.”

Lukas 9:60

Dapat sinabi ni Hisus sa kanya, “Ipiyar nimu sa unman may manga buhi ti lumubung sa manga namatay. Dapat pag-ati kawu, ibarita nimu sa manga tawu magkun, Diyus ti maghari sa tanan bagay.”

Huwan 1:43

Pagka surip inisip ni Hisus siya atag yi sa Galiliya. Nakitan niya si Pilipi bag-u kay sinabi, “Pagkuyug duy kawu sa kangku.”

Huwan 21:19

Inda kay sinabi ni Hisus hampay ipakilala niya nu kabitay pag kamatayan ti malakawan aban ni Pidru sa ikadayaw sa Diyus. Bag-u sinabi ni Hisus sa kanya magkun, “Pagpasakup kawu lubus sa kangku.”

Huwan 21:22

Sinmagut si Hisus magkun, “Nu abi kang gustu siya sitay diman pag mabuhi hanggan sa ud rumas-ug aku atay tag, hintay nangus tunda sa kanmu? Kawu duy pagpasakup yi lubus sa kangku.”

Ipisu 2:1

Kamu pag manga patar-ari balaw Hudiyu, kaybi kamu manga tigbak dahil sa kanyu maglaban sa Diyus ag dahil sa kanyu kasalanan.

Ipisu 2:5

Una kaybi kita manga tigbak dahil sa kanta paglaban sa Diyus, dapat binuhi niya kita kaibahan ni Kiristu. Naribri kamu dahil lang sa kay mayad nabubut-un Diyus.

Ipisu 5:14

Dahil karayawan yi ngani tigpakilala sa tanan. Nakan ngani pagsabihun magkun, “Pag-imata yi kawu ginan sa katurugan, pagkabuhi yi kawu ginan sa kamatayan, rayawan yi kawu ni Kiristu.”

Kulusas 2:13

Kamu pag manga balaw Hudiyu, daan ga tigbak kamu sa kanyu tagipusuun dahil sa kanyu kasalanan ag dahil kamu balaw sakup sa Kasuguan, dapat binuhi uman kamu Diyus kaibahan ni Kiristu. Pinatawad yi kita sa kanta tanan pag manga kasalanan.

1 Timutiyu 5:6

Dapat ti buranday nu mag-ugali sa parabayain, isipa yi lang siya ga namatay.