Matiyu 8:18 - Hanunuu

¹⁸ Pagka nakitan ni Hisus ti manga kayamuan tawu sa kay palibut, isinugu niya sa kay manga kaibahan pag-alistu, sida dumipay atag sa baliw pangpang.

Matiyu 8:18 Iomraidhean Croise

Matiyu 14:22

Kadaka dinalidali ipinasakay ni Hisus kay manga tuludluan sa duunduun ag ipinauna tag sa baliw dipay danaw bag-u pinauli niya ti kadamlan tawu.

Matiyu 8:1

Pagka naglus-ug si Hisus ginan sa bantud, nagkuyug sa kanya ti kayamuan tawu.

Markus 4:35

Pagka yabi yi, sinabi ni Hisus sa kay manga tuludluan magkun, “Pagdipay duy kita sa baliw dipay danaw.”

Markus 5:21

Bag-u nagsakay maan si Hisus sa duunduun. Pagka rinmas-ug siya sa baliw dipay danaw sa baybay waya, tinaripunpunan yi siya mayamu tawu.

Markus 6:45

Kadaka ipinasakay ni Hisus kay manga tuludluan sa duunduun ag ipinauna yi tag sa baliw dipay danaw, tag sa Bitsayda. Bag-u pinauli niya ti kadamlan tawu.

Markus 8:13

Bag-u pagka tinayakan niya sida ati, nagdipay siya tag sa baliw dipay danaw.

Lukas 8:22

Pagka dugay nagsakay si Hisus sa duunduun hanggan kay manga tuludluan. Magkun siya sa kanda, “Dumipay duy kita tag sa baliw pangpang danaw.” Nagtukun sida ginan sa saruy.

Huwan 6:15

Alam di ni Hisus kanda gayak magpakarani sa kanya bag-u siya bul-un sa pilitan buwatun hari. Nakan linmakaw siya usa-usa atag maan sa bantud.