Matiyu 8:16 - Hanunuu

¹⁶ Tunda pag yabi mayamu tawu sinuldan manga labang ti dinara tag sa kan Hisus. Usa lang ka pagbagaw ni Hisus, nagluwas yi ti manga labang. Pinaayad niya ti tanan may mag-adnugan sa kay bilug.

Matiyu 8:16 Iomraidhean Croise

Pag-ighit 15:26

“Nu buu tagipusuun kamu sumunud sa kangku, ti Panginuun niyu Diyus, ag bumuwat mayad sa kang magbantay, ag sundun kang manga kasuguan hanggan surundanun, unman kamu padaran-an niku manga panakitun parihu sa ipinadara niku sa Ihiptu. Aku ti Panginuun kanyu manugbulung.”

Matiyu 12:22

Ati katpung dinara atag sa kan Hisus ti usa ka lalaki buta buyun waya paman, inapuan labang. Pinaayad ni Hisus tunda pag tawu, magbagaw yi maghiling.

Matiyu 14:14

Pagka dinmugsun si Hisus sa duunduun ati sa baybay, nakitan niya ti kayamuan tawu. Naawa gid siya sa kanda, pinaayad niya ti may manga sakit sa kanda.

Matiyu 8:15

Hiniyaptan ni Hisus kay kamang bag-u nahumpawan kay init bilug. Pagka nahumpawan, nagbangun siya ag nanhayin karan-unun sa kan Hisus.

Matiyu 8:33

Nagpinalagiw kay manug-alaga sa babuy. Pagka rinmas-ug sida sa banwa, itinultul nida ti tanan nangyari sa manga babuy hanggan sa duwa ka tawu sinuldan labang.

Matiyu 9:2

Pagras-ug niya ati, may manga tawu nagras-ug may yayung usa ka tawu lunu mahuwayan sa kay igyaan. Pagka nakitan ni Hisus kanda daka pag sarig, sinabi niya sa tawu lunu, “Pagmatutum duy kanmu naisipan. Pinatawad yi kanmu manga kasalanan.”

Markus 2:3

Pagka dugay may rinmas-ug upat ka tawu magyayung tawu lunu.

Markus 5:8

Bag-u sinabi ni Hisus sa labang, “Kawu pag labang, pagluwas yi kawu sa inda pag tawu!”

Markus 9:25

Pagka nakitan ni Hisus ti kayamuan tawu nandurunganan nalagiw atag sa kanya, sinungyaw niya ti labang magkun, “Kawu pag labang tigpabungul magpabuyun, pagsuguun niku kawu pagluwas yi kawu ginan sa kanya ag danga yi kawu magsulud uman sa kanya.”

Lukas 13:12

Pagka nakitan ni Hisus, tinawagan siya ag sinabi ni Hisus sa kanya, “Linbadan yi duy kawu sa kanmu sakit.”

Lukas 4:40

Pagka nisalup yi ti init, dinara nida sa kan Hisus ti tanan may pagdungugun tuhay-tuhay pag sakit. Tinalapud sida kinup-an niya kamang pinaayad sida tanan.

Lukas 4:41

Nanlinuwas diman ti manga labang sa mayamu tawu, nanringgit magkun, “Kawu ti Anak Diyus!” Dapat sinabihan maan niya ti manga labang danga yi mag-ingay, dahil alam nida siya ti Pinili Diyus Manugribri pag Hari.

Binwat 5:15

Pagka naalaman manga tawu ti manga makadululaw pag buwat manga apustul, dinara nida ti may manga sakit atag sa luwas, kanda ibinugtang sa manga papag, ti iba sa manga amak siti sa puun dalan hampay nu si Pidru lumawuy siyun, una lang maaninwan niya kay iba.