Matiyu 8:11 - Hanunuu

¹¹ Tandai niyu mayamu waya ti rumas-ug ginan sa butlakan hanggan ginan sa isalpan hampay dumulud atag sa karan-an kasaru nida ni Abraham, ni Isaak hanggan ni Hakub sa kaharian langit.

Matiyu 8:11 Iomraidhean Croise

Gimpuunan 12:3

Papaladan niku ti magpapalad sa kanmu. Dapat saadan waydi niku ti magsaad sa kanmu. Sa panab-anan nimu, papaladan niku ti tanan tawu sa kalibutan.”

Gimpuunan 22:18

Ag sa panab-anan nimu linahi, papaladan niku ti tanan nasyun sa kalibutan, dahil nagsunud kawu sa kangku.”

Gimpuunan 28:14

Kanmu manga linahi yumamu ga galbuk sa daga. Man-ngalat sida sa inda pag tuhay-tuhay pag bahagi daga. Sa panab-anan nimu hanggan nimu manga linahi, papaladan niku ti tanan tawu sa kalibutan.

Gimpuunan 49:10

Parargu kawu magpangulu, Huda. Ginan sa kanmu linahi ti bumaliw manga takinan. Nakan pumakaun buhis sa kanmu ti manga nasyun ag sumunud sa kanmu.

Kanta 22:27

Ti buu kalibutan makaalala ag bumalik sa kanmu, Panginuun. Sambahun kawu tanan nasakupan tawu sa manga nasyun.

Kanta 98:3

Balaw niya kinalimtan kay pagmahal ag pagkamatinupadun sa kanta, sa nasakupan Israil. Nakitan tanan tawu sa buu kalibutan nu kabitay kita ipinanalu nita Diyus.

Isayas 11:10

Rumas-ug ti sirang, ianak ti bag-u pag hari ginan sa linahi ni Dabid imaw ti bumaliw pasandam sa manga nasyun hampay tumipun sida. Tumiripun sida sa kanya, bumaliw may kadayawan ti pag-ulian niya pag rugar.

Isayas 49:12

Rumas-ug kang manga nasakupan ginan sa arayu — ti iba ginan sa kanaway, ti iba waydi sa isalpan, ag ti iba ginan waya sa Sinim.”

Isayas 49:6

Magkun siya, “Kawu kang manugsirbi, mayamu waya pag manga buruwatun ti ipabuwat niku sa kanmu, purya sa pagpabalik nimu sa kang pag-alagaan pag manga Israilita. Buwatun waya niku kawu sulu manga nasyun, hampay maribri ti buu kalibutan.”

Isayas 52:10

Ipakakit Panginuun ti bukud tangi niya pag kamaskihan sa tanan nasyun, ag makitan buu kalibutan ti pagribri nita Diyus.

Isayas 59:19

Galangun siya ag dayawun una naan, dahil rumas-ug siya ga magragasras danum paghuypun mabaskug pag durus.

Hirimyas 16:19

Magkun aku, “Panginuun, kawu duy ti kabisugan niku ag manug-alaga sa udas may karukuan. Pumakarani duy sa kanmu ti manga nasyun ginan sa buu kalibutan bag-u sumabi sida, ‘Unman may pulus ti manga diyus-diyusan nimi manga ginurang. Unman sida may nabwat una hintay pag kaayadan.

Danyil 2:44

“Sa ati pag panahun manga hari, ti Diyus sa langit pumatindug usa ka kaharian unman gid magpu hanggan aban. Balaw gid inda matalu iba kaharian, nu unman papasun waya ngap niya ti tanan kaharian ag pihu pumirmaminti inda hanggan aban.

Malakyas 1:11

Sa kay tutuu, pagdayawun manga nasyun kang ngaran, ginan sa butlakan tugka sa isalpan. Una naan pag rugar magtuub ti manga tawu kamangyan ag maghandug malumpiyu pag manga handug sa kangku.

Matiyu 21:41

Sinabi manga manugpatingi sa kan Hisus, “Papasun unman may awa tunda pag manga tawu daut, bag-u iintirga maan niya ti ubasan sa iba pag manga manugtarabahu, sa manga magpakaun sa kay apu nu udas tig bururak.”

Matiyu 24:31

Suguun niya kay manga anghil may budyung daka hampay tipunun nida ti manga pinili Diyus ginan sa upat ka puun durus, ginan sa bilug kalibutan.”

Matiyu 3:2

“Iampu yi niyu kanyu kasalanan, dahil udyi dugay rumas-ug yi ti kaharian langit.”

Matiyu 8:10

Nadulaw si Hisus pagka nadnugan niya ti bagaw kapitan ag sinabi niya sa manga tawu magkuyug sa kanya magkun, “Ungud duy kang pagsabihun sa kanyu, unman aku may nakitan kainda kadaka kay pagsarig sa nasyun Israil.

Lukas 12:37

Mapalad ti manga panawuhun naras-ugan nida amu, nu maimatahan di sida mag-alagad. Ungud duy kang pagsabihun sa kanyu, humawud ngap kanda amu kay rutay sa unman masambur bag-u pagtabanun niya sida sa lamak, siya yi ti manugbasiyu.

Lukas 16:22

“Pagka dugay namatay yi ngani ti may kakurian pag tawu si Lasaru bag-u siya dinara manga anghil tag sa kan Abraham arani.

Binwat 10:45

Nadulaw gid kan Pidru kaibahan pag manga patar-ari Hudiyu. Una maaw sa manga balaw Hudiyu ipinakaun Diyus ti Ispiritu Banal.

Binwat 11:18

Pagka nadnugan manga patar-ari inda pag manga sinabi ni Pidru, udyi sida may pagsabihun sa kan Pidru. Bagkus ngap nagdayaw sida sa Diyus magkun, “Nu katunda maaw, ipinakaun diman Diyus sa manga balaw Hudiyu hampay makaampu sida sa kanda kasalanan ag makatanggap buhi.”

Binwat 14:22

Pinarig-un nida ti manga patar-ari, pinaanyuan danga sida umurung sa kanda pagsarig sa Panginuun. Nanudlu waya sida sa manga patar-ari magkun, “Dayu maamanan nita ti mayamu pag kakurian bag-u kita makapasakup sa kay paghari Diyus aban.”

Binwat 14:27

Pagka rinmas-ug sida sa Antiyukya, tinipun nida ti iglisya bag-u itinultul nida sa manga patar-ari nu kabitay sida ginamit Diyus sa tanan niya buruwatun ag nu kabitay ti Diyus nagbuwat paraan sa manga balaw Hudiyu hampay sida makasarig sa kan Hisus.

1 Kurintu 15:20

Dapat kay tutuu, si Kiristu binuhi uman sa kay pagkamatay, imaw tunda ti puruyba kuntay buhiun uman ti manga namatay.

1 Kurintu 6:9

Unman aw waya lugud niyu alam ti manga magbuwat kalukuhan dayu masakup sa kay paghari Diyus. Danga kamu magsarig, dahil ti manga magpanguragin, ti manga magsamba sa diyus-diyusan, ti magpamabayi hanggan ti magpanlalaki, tigkaraibgan sa kaparihu lalaki,

Ipisu 3:6

Ag inda yi ngani ti madalum pag katutuuhanan magkun, nu sumarig sida sa Mayad pag Barita, ti manga balaw Hudiyu parihu diman waydi sa manga Hudiyu may kabahagi diman waydi sa manga papalad ginan sa Diyus. Ag sida hanggan manga gamit diman bilug ni Kiristu ag may kabahagi sa kay taratu Diyus kay tinupad sa kan Kiristu Hisus.

Kulusas 3:11

Nakan ngani ud may naglain parihu lang una manga balaw Hudiyu una manga Hudiyu, una tinuri una balaw tinuri, una manga dayuhan, una manga tawu balaw ga kanta kay ugali, una manga panawuhun una bukun panawuhun. Sa kan Kiristu unman may naglain ti tanan tawu ag siya ti sa kanyu tanan.

2 Tisalunika 1:5

Inda yi ngani ti puruyba tungkul sa kay katadlungan Diyus sa kay pagkilala sa tawu. Kamu kay pagkilalan-un niya kuntay kang-ud hampay tanggapun niya sa kay kaharian, madi taynguna kamu may pag-agwantahun dapu tungkul sa kay kaharian Diyus.

Ipinakakit 7:6

sa lahi ni Asir, sa lahi ni Niptali, sa lahi ni Manasis,