Matiyu 7:7 - Hanunuu

⁷ Magkun si Hisus, “Paghagad kamu sa Diyus hampay pakan-an kamu. Paghanap kamu sa Diyus hampay makakit. Pagbukasan ti sabian sa una hintay tigtaragham.

Matiyu 7:7 Iomraidhean Croise

Gimpuunan 26:32

Sa tunda diman pag sirang, rinmas-ug kay manga suruguun ni Isaak ag ibinarita sa kanya kuntay may danum yi ti bubun nida kinutkut.

1 Hari 3:5

Igu yabi, napakakit sa kanya ti Panginuun sa panab-anan tagin-up. Magkun ti Diyus sa kanya, “Paghagad kawu una hintay kanmu gustu ipakaun niku sa kanmu.”

Kanta 10:17

Panginuun, nasaydan nimu ti darangin manga pugri. Patingihi nimu sida ag pabisuga.

Kanta 10:4

Dahil sa kayabangan manga daut pag tawu, unman sida magdangup sa kanmu. Unman gid sida mag-isip tungkul sa kanmu.

Kanta 119:12

Dayawun kawu, Panginuun! Tudlui aku kanmu manga surundanun.

Kanta 27:8

Tinandug nimu kang tagipusuun kuntay pagdangup aku sa kanmu, nakan nagdangup aku sa kanmu, Panginuun.

Kanta 34:4

Nandarangin aku sa Panginuun ag sinagut niya aku. Bin-ul niya ti tanan niku kadalaan.

Kanta 37:4

Sa Panginuun nimu hanapun kanmu kabayaan ag iayaw niya kanmu pagkaibgan.

Kanta 50:15

Pagdangup kamu sa kangku sa udas kakurian, dahil iribri niku kamu, ag dayawun niyu aku.”

Kanta 69:32

Nu makitan inda manga pugri, makabaya sida; ti manga magdangup sa Diyus rumig-un.

Kanta 70:4

Dapat mana ti tanan magdangup sa kanmu makabaya gid dahil sa kanmu. Mana ti manga magkaibug karibrihan ginan sa kanmu pirmi sumabi, “Dayawun ti Diyus!”

Kanta 86:5

Tutuu mayad kawu ag mapinatawadun, ag punu kawu pagmahal sa tanan magtawag sa kanmu.

Kabagawan 8:17

Pagmahalun niku ti manga magmahal sa kangku; makitan aku manga maghanap sa kangku.

Kanta ni Sulumun 3:2

Nakan binmangun aku ag pinalibut niku ti banwa, ti manga dalan hanggan ti manga buruybuyahan. Linigaw niku kang mahal dapat unman niku siya nakitan.

Isayas 30:19

Kamu manga taga Siun, manga nasakupan Hirusalim, balaw yi kamu utru manlumi! Kaawaan kamu Panginuun nu manhagad kamu awat sa kanya. Nu madnugan niya kanyu darangin, sagtun niya kamu.

Hirimyas 33:3

“Pagtawag kawu sa kangku ag sagutun kawu niku, ipaburayhaw niku sa kanmu ti manga makadululaw ag lihim pag manga bagay balaw waya nimu alam.

Amus 5:4

Nakan pagdangup kamu sa kangku, kamu pag nasakupan Israil, agud mabuhi kamu.

Matiyu 18:19

“Ungud duy kang pagsabihun sa kanyu, nu ti duwa sa kanyu sitay sa babaw daga magkausa sa una hintay pag bagay kanyu idarangin, tupadun tunda sa kanyu niku Ama sa langit.

Matiyu 21:22

Ag nu kamu may sarig, una hintay kanyu hagadun sa kanyu darangin, pihu matanggap niyu.”

Matiyu 6:33

Dapat una sa tanan hugudan niyu hampay kamu harian Diyus ag hampay mag-ugali angay sa kay kagustuhan bag-u ipakaun niya sa kanyu ti tanan niyu pangangailangan.

Matiyu 7:11

Madi kamu manga makasalanan, madunung diman kamu magpakaun mayad pag pakaun sa kanyu manga anak, lalu waya kanyu Ama sa langit madunung gid. Ipakaun gid niya ti manga marinu pag pakaun sa manga maghagad sa kanya.

Matiyu 7:8

Dahil ti tawu nu maghagad pakan-an, ti tawu nu maghanap may makitan siya. Nu may tawu magtaragham, bukasan ti sabian.

Markus 11:24

“Nakan ngani kang pagsabihun sa kanyu, una hintay kanyu hagadun sa kanyu magdarangin, pihu mangyari sa kanyu nu kamu magsarig kuntay natupad tunda sa kanyu.

Lukas 13:25

“Nu tumindug ti may apu balay bag-u kay talakpan yi ti sabian, kamu bay matindugan lang sa luwas sabian mag-ayawun tag sa sulud magkun, ‘Panginuun, bukasi yi duy ti sabian.’ Sumabi siya sa kanyu, ‘Unman aku magkilala sa kanyu nu taga naan kamu.’

Lukas 18:1

Itinultul ni Hisus sa kay manga tuludluan ti usa ka halimbawa, kay gustu sabihun kailangan sida magdarangin pirmi, danga maglubay kanda naisipan.

Huwan 15:16

Balaw duy kamu ti nagpili sa kangku. Aku ngap ti pinmili sa kanyu, kang ipinablag kamu ginan sa kalibutan hampay kamu umatag tumupad sa buruwatun ag hampay udyi madura hanggan aban ti pakinabang niyu manga binudlayan; ipakaun Ama sa kanyu una hintay kanyu hagadun sa kanya dahil kamu napasakup sa kangku.

Huwan 15:7

Nu kamu minsan di sa kangku ag kang manga bagaw pumirmaminti sa kanyu, mahimu hagadun niyu sa darangin una hintay kanyu magustuhan, pihu ipakaun inda sa kanyu.

Huwan 4:10

Sinmagut si Hisus magkun, “Nu abi maalaman lang nimu nu hintay kay pag-ipakaun Diyus ag nu si unu ti naghagad kam danum, mahimu kawu ngap mana ti humagad sa kanya, hampay ipakaun niya sa kanmu ti danum imaw ti makapakaun buhi sa tawu.”

Ruma 2:7

Ti manga iba magparargu sa magbuwat mayad dahil sa kanda maghingbut kadayawan, karangalan, hanggan sa unman may kamatayan. Sida pakan-an Diyus buhi unman may katapusan.

Ruma 3:11

Unman may nakaintindi, ud may maghanap sa Diyus.

Hibriyu 11:6

Nu unman may sarig ti tawu, dayu mahimu siya lubus pagbayaun Diyus. Dahil nu ti tawu magpakarani sa Diyus kailangan siya magsarig kuntay may Diyus ag unman siya magpabaya sa manga maghanap sa kanya.

Santiyagu 5:15

Bag-u paayadun ti may sakit dahil kanda magdarangin may tapil pagsarig. Pabisugun siya Panginuun ag patawadun siya nu siya nagkasala.

1 Huwan 3:22

Una hintay kanta hagadun, matanggap nita ginan sa kanya, dahil pagtupadun nita kay manga sugu, pagbuwatun nita ti angay sa kay kagustuhan.