Matiyu 7:21 - Hanunuu

²¹ Magkun si Hisus, “Balaw tanan-tanan tig-ingaran sa kangku magkun, ‘Panginuun, Panginuun’, rumas-ug sa kaharian langit, nu unman tunda lang pag manga tawu ti magtupad sa kagustuhan niku Ama sa langit.

Matiyu 7:21 Iomraidhean Croise

Matiyu 12:50

Dahil una si unu pag tawu ti magtupad sa kagustuhan niku Ama sa langit, siya gid kang patar-ari lalaki, kang patar-ari babayi, kang ina.”

Matiyu 16:17

Nagsabi si Hisus sa kanya, “Pinapaladan kawu duy, Simun anak ni Hunas, dahil inda pag katutuuhanan unman tawu ti nagpakilala sa kanmu nu unman kang Ama sa langit.

Matiyu 18:10

Sinabi ni Hisus magkun, “Ingatan niyu sa danga niyu ipasipala una lang usa sa manga dariit anak. Kang pagsabihun gid sa kanyu, ati sa langit ti manga anghil magbantay sa kanda pirmi sa atubangan niku Ama sa langit.

Matiyu 18:19

“Ungud duy kang pagsabihun sa kanyu, nu ti duwa sa kanyu sitay sa babaw daga magkausa sa una hintay pag bagay kanyu idarangin, tupadun tunda sa kanyu niku Ama sa langit.

Matiyu 18:3

Magkun siya, “Ungud duy kang pagsabihun sa kanyu, nu unman umanun kanyu buut ag pumarihu sa manga anak, unman gid makapasakup kamu sa kaharian langit.

Matiyu 18:35

Katunda diman waydi kay buwatun sa kanyu niku Ama sa langit nu balaw lubusan patawadun niyu kanyu patar-ari.”

Matiyu 19:24

Kang waya pagsabihun sa kanyu, malpus waya ti kamilyu sumuyuk sa sulat dayum, makuri man ti mayaman magpasakup sa kay maghari Diyus.”

Matiyu 25:10

Nakan linmakaw yi ngani ti lima ka daraga kurang kay intindi. Sa kanda magbili di waya, rinmas-ug yi ngap ti lalaki ipasaru. Tunda pag lima ka daraga alistu yi kaibahan niya nagsaka sa balay pamasaruhan. Bag-u siniradu waya kay sabian.

Matiyu 25:21

Magkun kay amu, ‘Bali duy, matinupadun ag mayad kawu pag panawuhun. Dahil kawu matinupadun sa diit pag halaga, piyaran niku kawu daka pag halaga. Abala kawu, miusa sa kang kabayaan.’

Matiyu 26:39

Pagka napakarayu siya diit, napadapa siya nagdarangin magkun, “Amang, nu mahimu ipakarayu nimu ginan sa kangku inda pag ungut may kakurian. Dapat una katida, danga kangku pag kagustuhan ti masunud nu unman kanmu di gid ti kailangan masunud.”

Matiyu 26:42

Nagpakarayu maan siya nandarangin magkun, “Amang nu ud mab-ul inda pag ungut may kakurian nu unman kang inman, kailangan kanmu di pag kagustuhan ti masunud.”

Markus 3:35

Una hintay pag tawu ti magtupad sa kagustuhan Diyus imaw kang patar-ari lalaki, kang patar-ari babayi, kang ina.”

Markus 9:47

Nu kanmu mata tigpaturun sa kanmu tabug sa kasalanan, luwata yi nimu. Mayad waya nu sumulud kawu sa kaharian Diyus buta kanmu usa ka mata, sayang waya nu kawu may duwa ka mata bag-u iyamut sa impirnu.

Lukas 11:28

Dapat sinabi ni Hisus, “Lalu waya papaladan Diyus ti manga tawu nu magpatingi sa kay bagaw bag-u kanda pagtupadun.”

Lukas 13:25

“Nu tumindug ti may apu balay bag-u kay talakpan yi ti sabian, kamu bay matindugan lang sa luwas sabian mag-ayawun tag sa sulud magkun, ‘Panginuun, bukasi yi duy ti sabian.’ Sumabi siya sa kanyu, ‘Unman aku magkilala sa kanyu nu taga naan kamu.’

Lukas 18:25

Malpus waya ti kamilyu sumuyuk sa sulat dayum kaysa miminsan ti usa ka mayaman sa kaharian Diyus.”

Lukas 6:46

Sinabi ni Hisus magkun, “Hayga lugud aku kanyu pagpakaingarnan Panginuun, Panginuun, bag-u unman diman kanyu pagtupadun kang pagbagawun sa kanyu?

Huwan 14:7

Magkun si Hisus sa kanda, “Nu nakilala yi niyu aku, nakilala yi waydi niyu hanggan kang Ama. Taynguna ginan nakilala yi niyu siya ag kanyu yi nakitan.”

Huwan 15:23

Nu ti tawu magkagalit sa kangku, pagkagalitan diman niya hanggan kang Ama.

Huwan 3:5

Sinmagut si Hisus magkun, “Ungud duy kang pagsabihun sa kanmu, dayu makapasakup ti tawu sa kay paghari Diyus, purya lang nu siya ainanak sa panab-anan danum hanggan Ispiritu Banal.

Huwan 5:17

Nakan sinabi ni Hisus sa kanda magkun, “Hanggan taynguna unman may kaapasan kang Ama sa kay buwat, nakan una aku magbuwat diman gid.”

Huwan 6:40

Dahil inda yi ngani ti kagustuhan niku Ama hampay una si unu pag tawu ti nakakit sa Anak bag-u nagsarig sa kanya, makatanggap tutuu pag buhi unman may katapusan. Buhiun niku siya uman sa katapusan panahun aban.”

Huwan 7:17

Una hintay pag tawu nu handa siya magtupad sa kagustuhan Diyus, makilala niya kang pag-itudlu nu ngatay ginan sa Diyus aw ngatay magbagaw aku ginan lang sa kang sadili.

Binwat 14:22

Pinarig-un nida ti manga patar-ari, pinaanyuan danga sida umurung sa kanda pagsarig sa Panginuun. Nanudlu waya sida sa manga patar-ari magkun, “Dayu maamanan nita ti mayamu pag kakurian bag-u kita makapasakup sa kay paghari Diyus aban.”

Ruma 12:2

Danga kamu magpaangay sa inda pag palakaw manga taga kalibutan. Danga magpaparihu kamu, pag bag-u yi kanyu naisipan agud maalaman niyu nu hintay ti kagustuhan Diyus, nu hintay ti mayad ag ti ikabaya niya ag udyi may kakurangan.

Ruma 2:13

Dahil balaw ti manga magpatingi lang sa Kasuguan, nu unman ti manga magtupad sa Kasuguan imaw ti pagkilalan-un Diyus kuntay matadlung.

Ipisu 6:6

Una mag-akitan manga tawu, una unman mag-akitan, pagkatunda diman kanyu buwatun, balaw sa ikabaya tawu, nu unman dahil kamu manga panawuhun ni Kiristu buluntadan kamu pagtupad sa kagustuhan Diyus.

Kulusas 4:12

Pagkamustahun diman kamu ni Ipapras kasimanwa diman niyu, panawuhun diman ni Kiristu Hisus. Pirmi siya magpangungud sa darangin hampay kamu parig-unun Diyus, unman may ikasabi ag lubus masurundun sa kagustuhan Diyus.

1 Tisalunika 4:3

Inda yi ngani ti kagustuhan Diyus, paglubus yi kamu pasakup sa Diyus ag pagpakarayu kamu sa kahalayan.

1 Tisalunika 5:18

Una hintay ti mangyari pagpasalamat kamu sa Diyus. Dahil katida kay gustu Diyus kanyu buwatun nu kamu magpakiusa sa kan Kiristu Hisus.

Titu 1:16

Ti sabi nida kilala kunu nida ti Diyus, dapat sa kanda tarabahu pag-ipaulam ngap nida ti Diyus. Pagpanab-angan yi sida, dahil sida manga supladu, dayu mahimu sida sa una hintay pag mayad buwat.

Hibriyu 13:21

Mana ipakaun niya sa kanyu ti tanan niyu kailangan agud matupad niyu kay kagustuhan. Mana buwatun ni Hisu-Kiristu sa kanta ti angay sa atubangan Diyus. Sa kan Hisus ti kadayawan hanggan aban. Amin.

Hibriyu 4:6

Ti manga un-an waya gid nakadnug sa Mayad pag Barita, unman nakaslud unman nakasamit kaariwayahan sa kay arani Diyus dahil sa kanda naglaban. Dapat ay may imaw waya sumulud sumamit sa kaariwayahan sa kay arani Diyus.

Santiyagu 1:22

Pag-ugali kamu angay sa Bagaw Diyus. Nu pagpatingihan lang niyu ti Bagaw Diyus bag-u unman diman pagtupadun, pagdayaun niyu kanyu sadili.

1 Pidru 2:15

Dahil katida gid kay kagustuhan Diyus, kamu pagbuwat mayad hampay imaw kanyu panalu sa pagbagawun manga tawu unman nakaintindi.

1 Pidru 4:2

Yabi sirang kay yi pag-intindihun ti kagustuhan Diyus sa kay buhi sitay sa babaw daga, balaw yi pag-intindihun niya kay sadili pag kagustuhan.

Ipinakakit 22:14

Papaladan Diyus ti maglumpiyu kanda manga rutay, pakan-an sida karampatan hampay makakaun burak kayu makapakaun tutuu pag buhi ag hampay makasulud sa banwa lakaw sa kay manga puwirtahan.

Ipinakakit 3:5

Ti manalu pag tawu imaw ti makasulung rutay malagti. Dayu bul-un niku kay ngaran ginan sa ribru kabuhian. Magkakilala niku siya sa atubangan niku Ama hanggan sa atubangan niya manga anghil.