Matiyu 7:2 - Hanunuu

² Dahil pihuun kamu Diyus angay sa kanyu magpihu sa iba nu daut nu mayad. Kanyu gamitun pag panukat sa iba imaw diman pag panukat ti gamitun Diyus sa kanyu.

Matiyu 7:2 Iomraidhean Croise

2 Samwil 21:5

Sinmagut sida, “Ginayak duy kami matyun ni Saul hampay unman may masawad sa kanmi sa Israil.

Kanta 109:17

Gustu niya saadan ti iba — mana sa kanya inda mangyari. Balaw siya magkaibug magpapalad sa iba — mana balaw waydi may manpapalad sa kanya.

Pag-ighit 21:24

Nu nabuta ti babayi, butaun diman siya. Nu napuil ti ngipun babayi, puilun diman ti ngipun niya. Nu nabari ti kamang ngatay lulud, bariun diman ti kamang ngatay lulud niya.

Isayas 33:1

Kaawaawa kamu pag manga manugwayak udwaya nakalakaw pagkawayak. Kaawaawa kamu pag manga madaya, udwaya nakalakaw dinaya. Nu tapus yi kanyu magpanwayak hanggan magpandaya, kamu waydi ti wayakun ag dayaun.

Hirimyas 34:17

“Nakan aku, ti Panginuun magsabi dahil balaw niyu aku sinunud ag balaw niyu pinalpasan kanyu manga panawuhun manga kasimanwa niyu, pasibut-an niku kamu — mamatay sa girahan, sa lun-us ag sa sakit. Kamu buwatun niku mayagting sa magbantay tanan kaharian sa kalibutan.

Hirimyas 51:24

“Manga nasakupan niku, ipakakit niku sa kanyu kang pagbalus sa Babilunya hanggan sa kay nasakupan inda dahil sa tanan kadautan binwat nida sa Hirusalim. Aku, ti Panginuun, ti magsabi inda.

Ubadyas 1:15

“Balaw mana niyu binwat tunda sa Hirusalim, dahil arani yi ti sirang pagsintinsiya niku sa tanan nasyun. Nu hintay kanyu binwat sa iba, katida diman waydi kang buwatun sa kanyu. Nu kabitay kanyu nagkilala sa iba, katida diman waydi kang kumilala sa kanyu.

Matiyu 6:14

“Dahil nu kanyu pagpatawadun ti manga tawu nagkasala sa kanyu, patawadun diman waydi kamu niyu Ama sa langit.

Markus 4:24

Bag-u magkun waya si Hisus, “Pagpatingi kamu kaayad sa kangku. Ayawan kamu Diyus pan-unawa nu kabitay kamu magpatingi, ag dugangan waya niya inda.

Lukas 6:38

Pagmarapakaun kamu sa iba ag pakan-an waydi kamu Diyus. Iuli niya sa kanyu subra waya sa kanyu ipinakaun ag mag-awas waya. Dahil nu kabitay kamu magpakaun sa iba, katida diman ti magpakaun Diyus sa kanyu.”

2 Kurintu 9:6

Isipa yi lang niyu, tigpamgas pira-pira, diit waydi kay tubas. Nu bay aduk kay pamgas, aduk waydi kay tubas.

Santiyagu 2:13

Udyi kaawaan Diyus sa kay magsintinsiya ti tawu unman madunung magkaawa. Dapat ti tawu nu madunung magkaawa, unman kailangan magkadala sa parusa Diyus.

Ipinakakit 18:6

Buwatun niyu sa kanya ga kay diman binwat sa kanyu. Pagbalus kamu sa kanya malamang man sa kay binwat sa kanyu. Pun-a niyu irinmun kay ungut subra waya kay pait sa kay inalistu irinmun niya sa kanyu.

Talaghusay 1:7

Magkun si Aduni Bisik, “70 ka hari ti pinanpuldan niku ina-ina kamang ag lulud bag-u namunpun sida dabu sa kang sirung lamisa. Bag-u kainda binwat diman Diyus sa kangku ti binwat niku sa kanda.” Bag-u dinara nida si Aduni Bisik sa Hirusalim, ag ati siya namatay.

Talaghusay 5:27

Ag namatay si Sisara mabugtangan sa malulud ni Hail.

1 Samwil 15:33

Dapat magkun si Samwil, “Nu kabitay ti kayamuan ina naduraan anak dahil sa pagmatay nimu, taynguna, maduraan diman anak kanmu ina.” Bag-u tinigbas ni Samwil si Agag sa atubangan Panginuun sa Gilgal.