Matiyu 7:15 - Hanunuu

¹⁵ Magkun si Hisus, “Pag-aman kamu sa manga pudilun pag purupita. Magpakarani sida sa kanyu ga bilang karanidu kanda histuda dapat nu sa kay tutuu sida ga manga maisug pag simarun idu.

Matiyu 7:15 Iomraidhean Croise

1 Hari 13:18

Magkun ti gurangun purupita, “Purupita diman aku ga kanmu. Ag sinugu Panginuun kay usa ka anghil hampay sabihun sa kangku kuntay daraha niku kawu sa kang balay hampay makakaun ag makainum.” (Dapat magpudil maaw ti gurangun.)

Hirimyas 29:21

Inda ti pagsabihun Panginuun Makamaskihan, ti Diyus Israil, tungkul sa kanda ni Akab kay anak ni Kulaya ag Sidikyas kay anak ni Maasiyas, “Nagbagaw sa kanyu kapudilan inda pag manga tawu sa ngaran niku. Nakan ngani ipakaun niku sida sa kan Hari Nabukudunusur sa Babilunya, bag-u sida kay ipamatay sa atubangan ngapu niyu.

Hirimyas 29:32

Nakan aku, ti Panginuun, magsabi parusahan niku siya hanggan kay manga linahi. Una di usa sa kay manga linahi unman kumakit sa manga mayad pag bagay kang buwatun sa kanyu, dahil tinudluan niya kamu maglaban sa kangku. Aku, ti Panginuun, ti magsabi inda.’ ”

Isikil 13:16

ti manga purupita Israil magpanhula bumaliw kunu mayad ti kahamtangan Hirusalim, una unman maaw. Aku, ti Panginuun Diyus, ti magsabi inda.

Isikil 13:22

“Pagparukuun niyu ti manga matadlung sa panab-anan niyu kapudilan, una aku ngani mismu unman nagparuku sa kanda. Paggaryahun niyu ti manga daut danga sida mag-apas sa kanda daut pag buruwatun sa panab-anan pagtaratu sa kanda kuntay maribri sida sa kamatayan.

Isikil 22:25

Kanda manga takinan maggayak daut. Parihu sida sa mag-ngurub liyun magduksul sa kay bulay. Magpanmatay sida manga tawu, magbuul kayamanan hanggan mahalaga pag manga bagay, bag-u mayamu pag manga babayi ti nabalu dahil sa kanda pagpanmatay.

Isikil 22:27

Kanda manga takinan parihu sa manga talun idu magduksul sa kanda manga bulay. Magpanmatay sida hampay lang maramuun sa kuwarta.

Danyil 11:34

Sa panahun pag-unuunuhun sida, pira lang ti mangawat sa kanda, dapat mayamu ti manguyug sa kanda manga balaw tapat pag tawu.

Mikas 3:11

Pagkampihan niyu sa hukuman ti manga magpakaun suhul sa kanyu. Ag kamu pag manga manughandug magtudlu lang nu pagbayadan. Katunda diman kamu pag manga purupita, maghula lang kamu nu may kuwarta. Magsarig waya kamu awatan Panginuun, dahil magkun kamu, ‘Kaibahan di nimi ti Panginuun. Nakan unman may una hintay pag kadautan ti rumas-ug sa kanmi.’

Sakaryas 13:4

Tunda pag manga purupita mangay-a sa kanda manga pagsabihun ipinakakit sa kanda. Bukun yi sida manulung panrutayun purupita hampay mandaya,

Matiyu 10:17

Pag-aman kamu, dahil dakpun kamu manga tawu bag-u darahun tag sa Katipunan manga Pinunu. Litusun nida kamu sa simbahan manga Hudiyu.

Matiyu 16:11

Unman aw lugud niyu naintindihan kang pagsabihun bukun tungkul sa tinapay. Pag-aman kamu sa pamadaka sa tinapay manga Parisiyu hanggan manga Sadusiyu.”

Matiyu 16:6

Magkun si Hisus sa kanda, “Pag-aman kamu sa pamadaka sa tinapay manga Parisiyu manga Sadusiyu.”

Matiyu 24:11

Mayamu aban ti pumabalhinguun kuntay purupita bag-u patalangun nida ti kayamuan.

Matiyu 7:14

Dapat diit lang ti sabian ag makuri pag dalan tabug sa buhi, balaw mayamu pag tawu ti maglakaw siti pag dalan.”

Lukas 12:15

Bag-u sinabi niya sa kanda, “Pag-ingat gid kamu, pag-aman kamu agud kanyu tagipusuun unman maramuun. Dahil ti tawu balaw kumakit buhi nu sa abunda lang pag kasiyunan.”

Lukas 6:26

Kaawaawa kamu nu pagbayaun tanan tawu, dahil katida waydi binaya nida manga ginurang ti manga pudilun pag purupita.”

Huwan 10:12

Tuhay ti inupahan lang, unman siya ti tutuu pag manug-alaga sa karanidu ag bukun waydi siya kay apu. Nakan nu makitan niya may simarun idu magpakarani sa manga karanidu, pabay-anan lang niya ti manga karanidu, pumalagiw yi lang siya. Pagka tinkub simarun idu ti karanidu, namululagan yi lang kay iba.

Binwat 13:40

Nakan ngani pag-aman gid duy kamu sa unman mangyari sa kanyu ti isinurat sa Kasuratan manga Purupita magkun,

Binwat 13:6

Ginan sa Salamina linibut nida ti puru Sipru tugka sa nakaras-ug sida sa banwa Papus. Pagka sida sa Papus, nakitan nida ti usa ka tawu may salumangka. Pag-akuun niya siya kunu purupita, kay ngaran tunda pag tawu si Bar-Hisus.

Galasya 2:4

Bilang madi may manga tawu magpabalhinguun kuntay manga patar-ari, kanda mana gustu turiun si Titu. Magpalakay-lakay waydi sida hampay sulayun nu kabitay kita irinibri ni Kiristu Hisus ginan sa Kasuguan ni Muysis. Kanda gustu kami buwatun panawuhun sa inda pag Kasuguan.

Ipisu 4:14

Bukun yi kita parihu ga manga anak di waya daradarahan sa una hintay ti pag-itudlu. Balaw kita parihu sa manga sarakyan sa dagat paglangkiangun humbak, pag-ipadpad durus. Udyi kita madaya manga tawu kay ibug daran-un kita tag sa kadautan.

Ipisu 5:6

Danga kamu padara-dara una sa kantapu sa kanda baragawun mahakut sa tunda pag manga buwat. Dahil sa katida pag buwat magkagalit ti Diyus sa manga tawu supakil.

Pilipus 3:2

Pag-aman kamu sa manga tawu magbuwat daut, kanda ugali ga idu. Amanan niyu tunda pag manga tawu imaw tig biyag sa bilug.

Kulusas 2:8

Pag-aman kamu hampay balaw kamu madara kadunungan unman may kabuluhan pinathaw lang tawu, manga pinangawat ginurang, manga ugali kalibutan. Tunda pag kadunungan balaw ginan sa kan Kiristu.

2 Timutiyu 3:13

Ti daut pag manga tawu lalu yi gid magpakadaut. Ti tawu maradaya lalu yi ngap mandaya, ag sida hanggan madaya diman.

2 Timutiyu 4:3

Dahil rumas-ug aban ti udas balaw yi patingihan manga tawu ti katutuuhanan pag tudlu. Bagkus ngap sundun nida kanda sadili kagustuhan. Manhanap sida manga manugtudlu balaw may iba itudlu nu unman ti kanda lang magustuhan manga manugpatingi.

2 Pidru 3:17

Taynguna duy manga patar-ari, alam yi niyu kailangan kamu pagmaingat barang kamu patalangun manga daut pag tawu kanda tudlu unman may katutuuhanan. Nu katunda kamu marig-un di, dayu gid mapuil.

1 Huwan 4:1

Manga patar-ari, danga duy magpasnu kamu sa kada tawu mag-aku kuntay sa kanya ti Ispiritu Banal. Subuki dap niyu siya nu ngatay tunda pag Ispiritu ungud ngani ginan sa Diyus, aw ngatay unman. Dahil mayamu yi pag manga pudilun purupita naglinutaw sa kalibutan.

Hudas 1:4

Dahil may manga tawu napalakay sa kanyu unman sida sakup sa Diyus. Binaliktad ngap nida kay pakaun Diyus kaayadan bag-u ilinubus nida kanda buwat kalukuhan. Pagdayuun nida si Hisu-Kiristu kanta ngap Pangulu ag Panginuun. Kaybi di waya sinabi yi sa Banal Kasuratan magkun, may parusa nakahanda sa kanda.

Ipinakakit 16:13

Bag-u nakitan niku may tulu ka bilug labang ga histuda pikaw nagluwang ti usa ginan sa sulang daragun, ti usa ginan sa sulang hayup malangas, ti usa ginan sa sulang pudilun purupita.

Ipinakakit 17:6

Nakitan niku ti babayi ga nalangu sa dugu manga tawu napasakup sa Diyus ag sa dugu manga minatay dahil sa kanda pagsarig sa kan Hisus. Pagka nakitan niku siya, naglingut aku masyadu.

Ipinakakit 19:20

Nabihag ti hayup malangas, nabihag diman waydi ti pudilun pag purupita imaw ti manugbuwat makadululaw pag tanda sa atubangan hayup malangas. Tunda ngani pag manga tanda makadululaw ti ginamit niya pandaya sa manga tawu nakatanggap marka hayup malangas, sa manga magsamba sa kay tawu-tawu. Ti hayup malangas ag ti pudilun pag purupita iyinmut buhi tag sa maglabdab danaw apuy asupri.

Ipinakakit 20:10

Bag-u ti diyablu ti nagdaya sa kanda iyinmut tag sa malabdaban danaw apuy asupri. Ati diman pag iyinmut ti hayup malangas hanggan ti pudilun pag purupita. Mirinsan sida pakurian sirang yabi hanggan waya aban unman may katapusan.