Matiyu 6:9 - Hanunuu

⁹ Kainda kamu nu magdarangin magkun, ‘Kanmi Ama sa langit, mana dayawun manga tawu kanmu ngaran.

Matiyu 6:9 Iomraidhean Croise

1 Hari 8:43

patingihi sida asan sa kanmu ulian sa langit. Ag buwata una hintay ti hagadun nida, hampay ti tanan manga tawu sa kalibutan makakilala ag gumalang sa kanmu parihu sa kanmu nasakupan manga Israilita, ag hampay maalaman nida paggalangun kawu sa ipinatindug niku pag Balay Diyus.

2 Krunika 20:6

ag magkun, “Panginuun, Diyus nimi manga ginurang, kawu ti Diyus asan sa langit? Kawu ti magpamahala sa tanan pag kaharian sa kalibutan. Makamaskihan gid kawu ag unman may makalaban sa kanmu.

Nihimyas 9:5

Ti manga nagtawag pag Libita sa manga tawu hampay sumamba sida ni: Hisuwa, ni Kadmiyil, ni Bani, ni Hasabniya, ni Siribya, ni Hudiya, ni Sibanyas ag ni Pitahiyas. Magkun sida, “Pagtindug kamu ag dayawun ti Panginuun niyu Diyus magkabuhi sa unman may katapusan!” Bag-u magkun sida, “Panginuun, kadayaw-dayaw kanmu kamaskihan! Unman inda matupngan nimi pagdayaw.

Kanta 111:9

Linukat niya kay nasakupan, ag nagbuwat siya kasunduan sa kanda sa unman may katapusan. Banal siya ag makadululaw kay ngaran.

Kanta 115:3

Kanmi Diyus asan sa langit ag pagbuwatun niya una hintay kay pagkaibgan.

Kanta 72:18

Dayawun ti Panginuun Diyus, ti Diyus Israil, imaw lang gid ti magbuwat sa inda pag makadululaw pag manga bagay.

Isayas 37:20

Nakan Panginuun nimi Diyus, iribri nimu kami sa kamang Asirya, hampay maalaman tanan kaharian sitay sa kalibutan kawu lang, Panginuun ti Diyus.”

Isayas 57:15

Inda waya ti pagsabihun Kaabwat-abwatan pag Diyus, ti Banal pag Diyus buhi hanggan aban: “Mag-uli aku sa abwat ag banal pag rugar, dapat mag-uli diman aku kaibahan manga tawu mapinakumbabaun ag mapinatawadun, hampay sida kang pabisugun.

Isayas 6:3

Magsarabihan sida sa usa kag sa usa: “Banal, Banal, Banal ti Panginuun Makamaskihan! Kay kadayawan magsakup sa buu kalibutan.”

Isayas 63:16

Dahil kawu kanmi Ama, una unman kami kilalahun ni Abraham ag ni Hakub kanda linahi. Tutuu, Panginuun, kawu ti kanmi Ama, kanmi Manugribri kaybi ginan.

Isayas 64:8

Dapat Panginuun, kawu di gid kanmi Ama. Parihu kawu sa manugbuwat anglit, ag kami waydi parihu sa lutuk. Kawu ti nagbuwat sa kanmi tanan.

Isayas 66:1

Inda ti pagsabihun Panginuun, “Ti langit kang tukawan hari, ag ti daga kang tarat-an lulud. Nakan hintay pag kalasi balay ti ipatindug niyu para sa kangku? Naan niyu aku pag-ipahari pag rugar?

Isikil 36:23

Aku, ti Panginuun Diyus magkun, ipakakit niku kang pagkabanal kaabwat-abwatan pag ngaran pinakan-an niyu kakay-ahan sa manga nasyun. Bag-u maalaman tunda pag manga nasyun aku ti Panginuun nu ipakakit niku kang pagkabanal sa kanda sa panab-anan niku buwatun sa kanyu.

Isikil 38:23

Sa panab-anan inda ipakakit niku kang kapangyarihan ag kabanalan sa tanan nasyun. Bag-u maalaman nida aku ti Panginuun.”

Libitiku 10:3

Magkun si Muysis sa kan Aarun, “Tunda ngani kay ibug sabihun Panginuun katpung magkumun siya, ‘Kailangan kilalan-un manga manughandug kang kabanalan, ag kailangan dayawun aku sa atubangan tanan manga tawu.’ ” Unman nakasagut si Aarun.

Habakuk 2:14

Dahil nu kabitay ti dagat punu danum, ti tanan tawu sa kalibutan mapnu diman kinaalman tungkul sa kamaskihan Panginuun.

Sakaryas 14:9

Ti Panginuun ti humari sa buu kalibutan. Siya lang ti kilalan-un Diyus ag udyi may iba waya.

Malakyas 1:11

Sa kay tutuu, pagdayawun manga nasyun kang ngaran, ginan sa butlakan tugka sa isalpan. Una naan pag rugar magtuub ti manga tawu kamangyan ag maghandug malumpiyu pag manga handug sa kangku.

Matiyu 10:29

Unman aw pag-ipabili ti duwa ka maya sa usa lang ka sintimus? Dapat una di usa sa kanda unman magkalagpak sa daga nu unman kagustuhan niyu Ama.

Matiyu 23:9

Danga yi pag-ingarni ‘Ama’ una si unu pag tawu sitay sa babaw daga dahil usa lang kanyu ama, imaw yi ti Ama sa langit.

Matiyu 26:29

Kang pagsabihun sa kanyu, dayi aku uminum inda pag intus ubas hanggan sa udwaya inmun niku ti bag-u intus ubas kasaru niku kamu sa kaharian niku Ama.”

Matiyu 26:42

Nagpakarayu maan siya nandarangin magkun, “Amang nu ud mab-ul inda pag ungut may kakurian nu unman kang inman, kailangan kanmu di pag kagustuhan ti masunud.”

Matiyu 5:16

Katunda diman waydi iparayaw niyu kanyu sulu sa atubangan tanan tawu hampay makitan nida kanyu manga mayad buwat bag-u kanda dayawun kanyu Ama sa langit.”

Matiyu 5:48

Nakan ngani kailangan ilubus niyu kanyu kaayadan parihu sa kanyu Ama sa langit.”

Matiyu 6:14

“Dahil nu kanyu pagpatawadun ti manga tawu nagkasala sa kanyu, patawadun diman waydi kamu niyu Ama sa langit.

Matiyu 6:6

Dapat nu tabug mandarangin kamu, paslud kamu sa kanyu sulud-sulud, talakpan niyu kanyu sabian bag-u kamu mandarangin sa kanyu Ama, sa unman mag-akitan sa mata. Gantihan kamu niyu Ama, dahil siya ti nakakit sa kanyu buwat mayad unman ipinasulay niyu sa manga iba.

Matiyu 7:11

Madi kamu manga makasalanan, madunung diman kamu magpakaun mayad pag pakaun sa kanyu manga anak, lalu waya kanyu Ama sa langit madunung gid. Ipakaun gid niya ti manga marinu pag pakaun sa manga maghagad sa kanya.

Lukas 15:18

Tumindug yi aku tag yi sa kang ama. Nu ati yi sumabi aku sa kanya, “Amang, aku nagkasala laban sa Diyus hanggan sa kanmu.

Lukas 15:21

Magkun ti anak sa kay ama, ‘Amang, aku duy nagkasala laban sa Diyus hanggan sa kanmu atubangan. Danga yi duy aku pagsabiha anak nimu.’

Lukas 2:14

“Dayawun nita ti Diyus sa langit. Sa babaw daga may kahusayan yi sa manga tawu kay pagbayaun Diyus.”

Huwan 20:17

Sinabi ni Hisus sa kanya magkun, “Danga duy paghiyapti nimu aku, dahil aku udwaya nakauli sa Ama sa langit. Dapat pag-ati kawu sa kang manga patar-ari, pagsabi sa kanda magkun, umuli yi aku sa kang Ama kanyu diman Ama, sa kang Diyus kanyu diman Diyus.”

Ruma 1:7

Inda kang surat tabug sa kanyu tanan sa manga pagmahalun Diyus asan sa banwa Ruma, kamu manga banal. Pagsa kanyu ti papalad hanggan ti kahusayan ginan sa kanta Diyus Ama hanggan ginan sa Panginuun Hisu-Kiristu.

Ruma 8:15

Ti Ispiritu kay ipinakaun Diyus sa kanyu balaw may turunu hampay kamu buwatun maan madalaun pag panawuhun. Dapat ay pagka natanggap yi niyu ti Ispiritu bag-u kamu pagbuwatun yi niya manga anak Diyus. Nakan magtawag kita sa kanya magkun, “Amang.”

Galasya 1:1

Inda ti may surat si Pablu, ti pinili hampay apustul. Bukun tawu ti nagpili, unman diman ginan sa tawu kagustuhan. Aku nag-apustul ginan ngap sa kagustuhan ni Hisu-Kiristu hanggan ginan sa Diyus Ama. Imaw diman ti nagbuhi uman sa kan Hisus.

Galasya 4:6

Dahil kita manga anak yi Diyus nakan ipinakaun niya sa kanta ti Ispiritu niya Anak mangulian sa kanta tagipusuun imaw tig-ingaran sa kanya magkun, “Amang.”

1 Timutiyu 6:16

Siya lang ti ud may kamatayan, siya ti mangulian sa dayu masumpung pag karayawan. Unman may nakakit sa kanya ag unman may kumakit sa kanya una kainda. Sa kanya ti kadayawan hanggan ti unman may katapusan pag kamaskihan. Amin.

1 Pidru 1:17

Unman may pagpiliun ti Diyus. Pagpihuun niya ti kada tawu nu daut nu mayad angay sa kay binwat. Nakan paggalang kamu sa Diyus hanggan kamu sitay waya sa babaw daga. Dahil siya kanyu pag-ingarnan kanyu Ama.

Ipinakakit 4:11

“Panginuun, kawu kanmi Diyus, kawu ti dapat makatanggap kadayawan, paggalang hanggan kamaskihan. Dahil kawu ti naglalang sa tanan manga bagay, ag angay diman sa kanmu kagustuhan linalang nimu sida.”

Ipinakakit 5:12

Magkarantahan ti manga anghil magkun, “Ti Anak Karanidu ti minatay, nakan siya ti may karampatan makatanggap kamaskihan, kayamanan, kadunungan hanggan kabisugan, paggalang, kadayawan hanggan kapurihan.”