Matiyu 6:5 - Hanunuu

⁵ Magkun si Hisus, “Nu magdarangin kamu, danga kamu maghuwad sa manga magpabalhinguun kuntay mayad. Maraibgun sida magdarangin matindugan sa manga simbahan manga Hudiyu una sa pagsangahan baklayan hampay makitan sida manga tawu. Ungud duy kang pagsabihun sa kanyu, natanggap yi nida kanda pirimyu.

Matiyu 6:5 Iomraidhean Croise

Kanta 5:2

Diyus niku ag hari, patingihi kang maghagad awat sa kanmu, dahil magdangup aku sa kanmu.

Kanta 55:17

Surip, karaw-an sirang, ag yabi magriklamu aku ag mag-arunghung, ag pagpatingihan niya aku.

Kabagawan 15:8

Pagkadat-an Panginuun ti manga handug manga daut pag tawu, dapat magbaya siya sa manga darangin manga matadlung.

Kabagawan 16:5

Pagkadat-an Panginuun ti tanan palabi-labihun, ag pihu gid parusahan sida.

Isayas 1:15

“Nu mandarangin kamu balaw niku kamu pansinun. Una paulit-ulit waya kamu mandarangin balaw niku kamu patingihan dahil mayamu kanyu minatay pag tawu.

Hirimyas 29:12

Nu katida, manawag ag mandarangin kamu sa kangku, patingihan niku kamu.

Danyil 6:10

Pagka naalaman ni Danyil kuntay nagpirma ti hari, nuli siya ag sinmulud sa kay sulud-sulud sa ikadwa pag ugpu salug, may manga gaha ati maatubangan sa Hirusalim. Ati siya pag magdarangin ag magdayaw maluhudan sa kay Diyus tulu ka bisis sa usa ka sirang, angay sa kay kinaugalian.

Matiyu 21:22

Ag nu kamu may sarig, una hintay kanyu hagadun sa kanyu darangin, pihu matanggap niyu.”

Matiyu 23:13

Sinabi ni Hisus, “Kaawaawa kamu pag manga manugtudlu Kasuguan hanggan manga Parisiyu, magpabalhinguun lang kamu! Bilang ga tinalakpan niyu ti sabian hampay ti manga tawu dayu makasulud sa kaharian langit. Kamu dayu magsulud sa kaharian langit bag-u kanyu waya pag-amparahun ti manga magkaibug magsulud ati.

Matiyu 23:5

Lunsay pakakit-kakit lang sa manga tawu kanda buwat. Paglapadun nida kanda kulimpay pandarangin. Ag hampay ipakakit nida kuntay matutum kanda pagsarig, pag-ipaaba nida kay paraway-raway sa sidsid nida kulimpay.

Matiyu 23:6

Nu may karan-an kanda gustu makatukaw sa marinu pag tukawan, ag nu sa simbahan kanda gustu tumukaw sa tukawan ihinanda sa may kangaranan.

Matiyu 6:1

Magkun si Hisus, “Pag-ingat kamu, danga magpakakit-kakit lang sa atubangan manga tawu kanyu buwat mayad. Nu katunda kanyu buwat unman kamu may matanggap pirimyu ginan sa kanyu Ama sa langit.

Matiyu 6:16

Magkun si Hisus, “Nu kamu unman maghandum karan-unun, kanyu manga uyahun danga magmarukumaruku, danga kamu parihu sa manga magpabalhinguun kuntay mayad. Unman sida mag-ayus kanda sadili hampay makitan manga tawu sida unman maghandum karan-unun. Ungud duy kang pagsabihun sa kanyu, natanggap yi nida kanda pirimyu.

Matiyu 6:2

“Nakan ngani nu kamu mag-ayaw sa manga makuri danga niyu ipabantug tunda danga parihu sa pagbuwatun manga tawu magpabalhinguun kuntay mayad ati sa simbahan manga Hudiyu hanggan sa manga baklayan. Pagbuwatun nida tunda sa dayawun sida manga tawu. Ungud duy kang pagsabihun sa kanyu, natanggap yi nida kanda pirimyu.

Matiyu 9:38

Nakan idarangin niyu sa Panginuun, siya ti may puun aranyun, hampay suguun niya ti manga manug-ani sa kay aranyun.”

Markus 11:25

Nu kamu magdarangin bag-u nu may pag-ikadaut kamu sa iba, patawadun dapu niyu siya hampay kamu patawadun waydi niyu Ama sa langit nu kamu nagkasala sa kanya.

Markus 12:38

Nanudlu maan si Hisus sa manga tawu magkun, “Pag-aman kamu sa manga manugtudlu Kasuguan, magkaibug mamasyar sadsad kay rutay, masulungun sida paggalangun, magpabaya-baya sa manga luwas balay. Kanda gustu tumukaw sa tukawan ihinanda sa may kangaranan.

Lukas 11:43

“Anung kaawaawa kamu pag manga Parisiyu. Dahil kanyu pagkaibgan ti manga marinu gid pag tukawan sa sulud simbahan ag kanyu diman gustu kamu paggalangun manga tawu sa palingki.

Lukas 18:1

Itinultul ni Hisus sa kay manga tuludluan ti usa ka halimbawa, kay gustu sabihun kailangan sida magdarangin pirmi, danga maglubay kanda naisipan.

Lukas 18:13

“Dapat ti manunukut buhis matindugan sa arayu. Unman siya nagpanghas nagtangda sa langit, tinaptap niya kay dubdub sa kay karukuan, magkun siya, ‘Kaawai duy aku, Diyus, dahil aku usa ka makasalanan.’ ”

Lukas 20:47

Dapat pagtabuhun nida ti kasiyunan manga buranday bag-u magpadayaw-dayaw diman sa kanda magdarangin araba. Lalu waya mabuyat aban pag parusa sa kanda.”

Lukas 6:24

Dapat kaawaawa kamu pag manga mayaman dahil nakarubtan yi niyu ti kanyu pagbayaun.

Huwan 16:24

Hanggan taynguna tugka udwaya kamu may hinagad sa kanya madi kamu napasakup sa kangku. Paghagad kamu bag-u kamu may matanggap hampay lubus udyi may kurang kanyu kabayaan.”

Ipisu 6:18

Tanan-tanan inda buwata niyu pag may darangin paghagad awat sa Panginuun. Pagdarangin kamu sa kada udas angay sa kay udyuk Ispiritu Banal. Nakan ngani pagpirmi gid kamu alistu, dag-apas kamu sa darangin sa tanan manga nasakup sa Diyus.

1 Tisalunika 5:17

Danga mag-ampu sa magdarangin.

Santiyagu 4:6

Dapat masyadu diman marig-un kay awat Diyus sa kanta. Dahil magkun ti Banal Kasuratan, “Ti Diyus lumaban sa manga mayabang, dapat mag-awat sa manga mapinakumbabaun.”