Matiyu 6:32 - Hanunuu

³² Dahil tunda pag manga bagay pagkaaburiduhan manga tawu udwaya magpasakup sa Diyus. Magkaalaman kabay niyu Ama sa langit kamu may kailangan tunda tanan pag manga bagay.

Matiyu 6:32 Iomraidhean Croise

1 Hari 19:6

Pagmuklat niya, may nakitan siya tinapay sa may uluhan niya, tinama sa mainit pag batu, ag may danum nakapauli sa sukadan. Kinmaun siya ag inminum ag napaigya uman.

Kanta 103:13

Nu kabitay ti ama maawaun sa kay manga anak, ti Panginuun maawaun diman sa manga maggalang sa kanya.

Kanta 17:14

Ribrihan aku sa inda pag manga tawu magkahilig lang sa manga bagay sitay sa kalibutan. Parusahi sida parusa iinalistu nimu sa kanda, hanggan yi kanda manga kalay-awan. Alistuhi diman parusa kanda manga laki.

Hirimyas 45:5

Danga yi kawu maghingbut waya manga may kadayawan pag bagay. Dahil paras-ugun niku ti kadamhakan sa tanan tawu, dapat kawu iribri di niku una naan kawu pag umatag. Aku, ti Panginuun, ti magbagaw inda.’ ”

Matiyu 6:8

Danga maghuwad sa kanda. Dahil daan alam yi niyu Ama kanyu pagkailanganun una udwaya hinagad niyu sa kanya.

Lukas 12:30

Dahil tunda pag manga bagay pagkaaburiduhan manga tawu unman magpasakup sa Diyus. Magkaalaman kabay niyu Ama kamu may kailangan tunda pag manga bagay.

Ipisu 4:17

Inda kang pagsabihun kang gid pag-ipalugus sa kanyu sa ngaran Panginuun magkun, danga yi kamu mag-ugali parihu sa manga tawu unman magsarig sa kan Kiristu, ud may pulus kanda pag-isipun.

Pilipus 4:19

Ginan sa kay kayamanan unman may katabwanan, ipakaun niya ti tanan niyu kailangan dahil sa kanyu gid magpakiusa sa kan Kiristu Hisus.

1 Tisalunika 4:5

Danga kay sadili daut pag kagustuhan ti pagtupada, danga parihu sa ugali manga unman magsarig sa Diyus.