Matiyu 6:19 - Hanunuu

¹⁹ Magkun si Hisus, “Danga kamu magtipun kanyu kayamanan sitay sa babaw daga. Sitay may magdaut manga talagkumang una manga tayan, may magsulud manga mananakaw.

Matiyu 6:19 Iomraidhean Croise

Hub 24:16

Nu yabi magsulud ti manga mananakaw sa manga balay, dapat nu sirang magpatagu sida, dahil mag-aman sida sa marayaw.

Hub 31:24

“Unman aku magsarig sa kang kayamanan ngatay mag-isip makapakaun inda sa kangku kasiguraduhan.

Kanta 39:6

ngatay parihu lang sa aninu magkalyam. Magkahilig ti tawu sa manga buruwatun unman may pulus. Magtipun siya kasiyunan, dapat balaw niya alam nu si unu ti manginabang inda nu mamatay yi siya.

Kanta 62:10

Danga kamu magsarig sa magpanguwarta. Danga kamu magsarig may mab-ul kamu sa panab-anan panakaw. Una magdugang waya kanyu kayamanan, danga inda pagsarigi.

Pag-ighit 22:2

“Nu nanakaw siya sa yabi ag nadakup sa aktu, bag-u minatay siya, unman may saragtun ti nakamatay sa kanya.

Kabagawan 11:4

Ti kasiyunan balaw makaawat sa sirang pagsintinsiya Diyus, dapat ti matadlung kay buhi imaw ti maribri sa kamatayan.

Kabagawan 16:16

Mas mayad ti magkaimaw kadunungan hanggan intindi kaysa magkaimaw gintu ag pilak.

Manugtudlu 2:26

Sa kay tutuu, pagpakan-an Diyus kadunungan, hanggan kaalaman ag kabayaan ti magpakaun kasulungan sa kanya pag tawu. Dapat ti manga makasalanan pagpabudlayun niya sa kakatipun kayamanan, hampay kanda matipun iayaw niya sa manga tawu magpakaun kabayaan sa kanya. Ti pangabudlay manga makasalanan unman diman may pulus; ga parihu lang sa maglagas sida durus.

Sipanyas 1:18

Dayu makaparibri sa kanda ti manga pilak ag gintu sa sirang ipakakit niku kang pangagalit parihu sa apuy umirub sa buu kalibutan. Dahil kadaka niku papasun ti tanan mag-ulian sa daga.”

Matiyu 19:21

Magkun maan si Hisus, “Nu kanmu gustu udyi kawu may kakurangan sa kay magbantay Diyus, pag-ati kawu, pabilihan nimu kanmu kasiyunan bag-u ayaw-ayawa nimu sa manga pugri kay kabilyanan. Nu matupad nimu tunda, magkaimaw kawu kayamanan sa langit. Bag-u pagsitay maan kawu pagkuyug sa kangku.”

Matiyu 6:20

Ti mayad ngapu nu magtipun kamu kanyu kayamanan sa langit. Ati unman may magdaut manga talagkumang una manga tayan. Unman diman may magsulud manga mananakaw hampay magtakaw.

Lukas 12:21

Magkun si Hisus, “Katunda ngani ti mangyari sa tawu nu magpakatipun kayamanan sa kay lang sadili bag-u nu sa kay magbantay Diyus ga pugri lang pag tawu.”

Lukas 12:33

Ipabili niyu kanyu manga kasiyunan bag-u pagpakaun sa manga pugri kay kabilyanan. Pag-alistu kamu kanyu sukluban balaw magkadaut, tipunun niyu kanyu kayamanan sa langit. Ati unman mabawas ti kayamanan, una mananakaw, una tipakung dayu gumaraw.

Lukas 12:39

“Dapat isipun niyu inda, nu abi naalaman lang may puun balay nu kapira pag rumas-ug ti mananakaw, balaw mana pabay-anan niya ipatakaw kay butang sa balay.

Lukas 18:22

Pagka nadnugan ni Hisus inda, sinabi niya sa lalaki magkun, “Usa waya ka bagay ti kurang sa kanmu. Pabilyan nimu ti tanan nimu kasiyunan. Nu nipabili yi ayaw-ayawa kay kabilyanan sa manga pugri hampay makatanggap kawu kayamanan sa langit. Bag-u pagsitay maan kawu pagkuyug yi sa kangku.”

Lukas 18:24

Nagbantay si Hisus sa kanya bag-u sinabi niya, “Makuri masyadu ti mayaman magpasakup sa kay paghari Diyus.

1 Timutiyu 6:17

Sabihi nimu ti manga mayaman, danga magpalabaw-labaw. Danga sida magsarig sa kanda kayamanan dahil tunda magkadura di. Bagkus ngap pagsarig sida sa Diyus, imaw ti abunda pag manugpakaun tanan bagay sa ikabaya nita.

Hibriyu 13:5

Danga kamu mag-ugali maraibgun sa kuwarta. Pagmasulung yi lang kanyu naisipan sa kanyu kahamtangan. Dahil Diyus diman ti may sabi magkun, “Una sa hintay ngarana balaw pakurangan niku kawu, una sa hintay ngarana unman gid pabay-anan niku kawu.”