Matiyu 6:16 - Hanunuu

¹⁶ Magkun si Hisus, “Nu kamu unman maghandum karan-unun, kanyu manga uyahun danga magmarukumaruku, danga kamu parihu sa manga magpabalhinguun kuntay mayad. Unman sida mag-ayus kanda sadili hampay makitan manga tawu sida unman maghandum karan-unun. Ungud duy kang pagsabihun sa kanyu, natanggap yi nida kanda pirimyu.

Matiyu 6:16 Iomraidhean Croise

2 Samwil 12:16

Nagpakihampang si Dabid sa Diyus para sa kay anak. Unman siya naghandum karan-unun ati sa kay sulud-sulud, ag magkaturug siya sa daga kada yabi.

2 Samwil 12:21

Magkun kay manga suruguun, “Unman duy nimi kawu magkasalman. Katpung buhi waya ti anak, magpa-uray kawu ag magpakalumi lang, dapat taynguna tigbak yi ti anak, binmangun kawu ag kinmaun!”

1 Hari 21:27

Pagka nasaydan ni Akab kay sinabi ni Ilyas, dinaut niya kay rutay ag nanulung saku una sa magkaturug. Balaw siya nanhandum karan-unun ag maruku nagpalakaw-lakaw.

Nihimyas 1:4

Pagka nasaydan niku tida, tinmukaw aku ag nanlumi. Pira ka sirang magpanrukuan aku, unman maghandum karan-unun, hanggan nandarangin sa atubangan Diyus sa langit.

Istir 4:16

“Paglakaw yi kawu, tipuna nimu ti tanan Hudiyu atay sa Susa ag danga kamu maghandum karan-unun para sa kangku. Danga kamu magkaun ngatay mag-inum danum sa sulud 3 ka sirang. Aku hanggan kang manga suruguun babayi unman diman manhandum karan-unun. Pagkatapus, atabug aku sa hari una labag sa kasuguan hari. Ag nu matyun aku, nakaalistu di aku mamatay.”

Kanta 109:24

Magpanlumuy kang tuud dahil sa unman maghandum karan-unun. Masyadu yi aku maniwang.

Kanta 35:13

Dapat nu magkasakit sida, magpanruku aku sa panab-anan pagsulung saku ag magpauray. Ag nu kang darangin para sa kanda balaw pagsagtun,

Kanta 69:10

Nu maglumi aku ag magpauray, pagpakay-ahun nida aku.

Danyil 9:3

Dahil siyun, nagpakarani aku sa Panginuun Diyus ag nandarangin. Unman aku naghandum karan-unun, nanrutay aku saku ag namauli dapug sa kang ulu.

Malakyas 3:14

Magkun kamu, ‘Unman may kabuluhan ti magsirbi sa Diyus. Unu lugud kanta matanggap nu tupadun nita kay manga pag-ipabuwat sa kanta? Ag unu kanta matanggap nu manlakaw kita may karukuan sa pagpakakit sa Panginuun Makamaskihan kuntay mag-ampu kita sa kanta manga kasalanan?

Matiyu 6:1

Magkun si Hisus, “Pag-ingat kamu, danga magpakakit-kakit lang sa atubangan manga tawu kanyu buwat mayad. Nu katunda kanyu buwat unman kamu may matanggap pirimyu ginan sa kanyu Ama sa langit.

Matiyu 6:2

“Nakan ngani nu kamu mag-ayaw sa manga makuri danga niyu ipabantug tunda danga parihu sa pagbuwatun manga tawu magpabalhinguun kuntay mayad ati sa simbahan manga Hudiyu hanggan sa manga baklayan. Pagbuwatun nida tunda sa dayawun sida manga tawu. Ungud duy kang pagsabihun sa kanyu, natanggap yi nida kanda pirimyu.

Matiyu 6:5

Magkun si Hisus, “Nu magdarangin kamu, danga kamu maghuwad sa manga magpabalhinguun kuntay mayad. Maraibgun sida magdarangin matindugan sa manga simbahan manga Hudiyu una sa pagsangahan baklayan hampay makitan sida manga tawu. Ungud duy kang pagsabihun sa kanyu, natanggap yi nida kanda pirimyu.

Markus 2:18

Ati katpung unman maghandum karan-unun kay manga tuludluan ni Huwan hanggan ti manga Parisiyu. Bag-u may nagpakarani sa kan Hisus magkun, “Hayga duy may ugali unman maghandum karan-unun kay manga tuludluan ni Huwan hanggan ti manga tuludluan manga Parisiyu, dapat unman may ugali katida kanmu manga tuludluan?”

Lukas 18:12

Kada usa ka sulud duminggu kadwa ginan aku unman maghandum karan-unun. Magpakaun aku ikasampulu tanan niku mag-akitan.’

Lukas 2:37

Walumpulu may upat ka timpu siya buranday yi. Siyun yi gid sa Balay Diyus kay ulian. Pirmi gid magsamba sirang yabi, udyi maghandum karan-unun sa kay magdarangin.

Binwat 10:30

Sinmagut si Kurnilyu magkun, “Nakatlu waya duy, manga kainda ngani palis ti init, aku nagdarangin sa kang balay. Bigla may tinmindug sa kang atubangan usa ka lalaki masilaw kay rutay.

Binwat 14:23

Sa kada iglisya nagpili sida ni Pablu manga manug-asiwa para sa kanda. Bag-u nagpauray sida sa darangin, kanda iinintirga ti manga manug-asiwa sa Panginuun imaw kanda pagsarigan.

1 Kurintu 7:5

Danga mag-irirangan ti mag-asawa, purya lang sa kanyu taratuhan nu pira ka sirang agud makapadugay kamu sa darangin, bag-u magmirinsanan maan kamu, barang kamu matuksu ni Satanas nu udyi kamu makabata.

2 Kurintu 11:27

May nalakawan diman aku subra gid pag kakurian hanggan budlay, pirmi unman makaturug, pirmi masyadu pag nalun-usan ag nauwawan. Nakasamit diman sa maramig dapat unman may ikulimpay.

2 Kurintu 6:5

Ginaruti kami ag pinirisu, kanmi yi nalakawan ti kaguluhan, ti masyadu pag manga tarabahu, ti unman magkaturug usa ka yabi hanggan ti unman magkaun una pira ka sirang.