Matiyu 6:13 - Hanunuu

¹³ Danga ipalakaw nimu kami sa mahigpit pagsubuk, dapat ingatan nimu kami sa May Puun Kadautan. Dahil kawu yi ngani tig hari may kamaskihan hanggan kadayawan hanggan waya aban. Amin.’

Matiyu 6:13 Iomraidhean Croise

Gimpuunan 22:1

Pagka sa usa ka sirang, sinubukan Diyus si Abraham. Tinawagan niya si Abraham ag sinmagut siya sa kanya.

1 Hari 1:36

Nagsagut si Binaya anak ni Hihuyada, “Buwatun nimi inda! Mahal Hari, mana ti Panginuun nimu Diyus ti pumatutuu inda.

1 Krunika 16:36

Pagdayawun ti Panginuun, ti Diyus Israil, sa unman may katapusan.” Bag-u nagsagut ti tanan pag nasakupan, “Amin.” Ag nagdayaw sida sa Panginuun.

1 Krunika 29:11

Makamaskihan gid kawu, paggalangun, kilala, ag pagdayawun. Dahil kanmu ti tanan pag bagay sa langit ag sa daga. Kawu ti hari, Panginuun, ag abwat kawu sa tanan.

1 Krunika 4:10

Nandarangin si Habis sa Diyus Israil, “Papaladan duy nimu aku ag padakaun kang magkasakupan. Ibahi aku ag pakarayuan sa manga kadamhakan hampay balaw aku masaktan.” Ag dinungug Diyus kay paghagadun.

Kanta 10:16

Panginuun, kawu ti hari unman may katapusan. Madura ti daut pag manga nasyun sa kalibutan kanmu linalang.

Kanta 106:48

Pagdayawun ti Panginuun, ti Diyus Israil, unman may katapusan. Ti tanan pag nasakupan magsagut magkun, “Amin!” Dayawun ti Panginuun!

Kanta 22:28

Dahil kawu ti maghari; ag kawu ti magdumara sa manga nasyun.

Kanta 41:13

Pagdayawun ti Panginuun, ti Diyus Israil, sa unman may katapusan. Amin! Amin!

Kanta 47:2

Kagalang-galang gid ti Panginuun, ti Kaabwat-abwatan pag Diyus. Makamaskihan siya pag hari sa buu kalibutan.

Kanta 47:7

Dahil ti Diyus imaw ti hari sa buu kalibutan. Dayawa niyu siya sa panab-anan manga kanta.

Kanta 72:19

Dayawun kay kamaskihan sa unman may katapusan. Mana makitan manga tawu sa buu kalibutan kay kamaskihan. Amin! Amin!

Kanta 89:52

Dayawun ti Panginuun sa unman may katapusan! Amin! Amin!

Pag-ighit 15:18

Humari kawu, Panginuun, hanggan waya aban.”

Kabagawan 30:8

Kay una, awati aku danga aku magpudil. Kay ikadwa, danga aku pagpayamana ngatay pagpahirapa, nu unman pakan-i lang aku kang-ud niku pag pangangailangan.

Hirimyas 15:21

Iribri niku kawu sa kamang daut ag manugdahas pag tawu.”

Hirimyas 28:6

Magkun siya, “Amin! Buwatun mana tida Panginuun! Mana buwatun Panginuun kanmu pagsabihun darahun niya iuli sitay ti manga garamitun sa Balay Diyus hanggan ti tanan manga binihag sa Babilunya.

Danyil 4:25

Palayasun kawu pakarayu sa manga tawu ag mangulian kawu kaibahan manga hayup sa talun. Manharab kawu ilamnun parihu sa baka ag mabasa pirmi kawu tun-ug. Pagkalawuy pitu ka timpu, kilalan-un nimu ti Kaabwat-abwatan pag Diyus imaw ti may kamaskihan sa kaharian manga tawu ag mahimu niya sida ipasirung una sa kantapu nu gustu niya.

Danyil 7:18

Dapat ti manga banal Kaabwat-abwatan pag Diyus imaw ti pinakan-an karampatan maghari ud may katapusan.’

Bilang 5:22

Mana inda pag danum may dara saad sumulud sa kanmu bilug hampay udyi kawu magkaanak.’ Bag-u sabihun babayi, ‘Matupad mana inda.’

Matiyu 26:41

Pagmaimatahan kamu, pagdarangin gid hampay kamu balaw madara sa tuksu. Ti naisipan mana alistu, dapat ay ti bilug malumuy.”

Matiyu 28:20

Tudluan niyu sida hampay tumupad sa tanan manga isinugu niku sa kanyu. Danga kalimtan niyu aku pirmi kaibahan niyu hanggan waya sa katapusan panahun.”

Matiyu 5:37

Dapat ay kang-ud yi ti sabihun nimu ‘Hu ngani’ nu hu. Sabihun nimu ‘Unman’ nu unman waydi. Ti lumabis siti ginan yi gid sa kan Satanas pag kadautan.”

Matiyu 6:10

Kawu mana ti maghari sitay sa babaw daga. Mana tupadun kanmu kagustuhan sitay sa babaw daga parihu sa langit.

Huwan 17:15

Unman aku magdarangin hampay bul-un nimu sida ginan sa babaw daga. Dapat kang pag-idarangin sida hampay kanmu iribri sida sa Puun Kadautan.

1 Kurintu 10:13

Unman may subuk rumas-ug sa kanyu nu unman mabata niyu. Masarigan gid ti Diyus, balaw pahintulutan niya kamu subukan sa udyi niyu makaya. Dapat dungan sa subuk magbuwat siya paraan hampay makalawuy kamu sa kakurian, hampay maagwanta niyu ti subuk.

1 Kurintu 14:16

Nu kawu magpasalamat sa Diyus ginan lang sa kanmu tagipusuun, kabitay pag makasabi, “Amin” ti usa ka tawu nu unman napakan-an mag-alam sa tuhay-tuhay pag pamagaw, unman naalaman niya kanmu pagsabihun.

2 Kurintu 1:20

Dahil ngani si Kiristu ti ipinatupad sa tanan manga itinaratu Diyus. Dahil sa kan Kiristu kita makasagut magkun, “Amin” tungkul sa tanan itinaratu Diyus, sa ikadayaw sa kanya.

Galasya 1:4

Angay sa kagustuhan nita Diyus Ama ipinakaun ni Hisu-Kiristu kay buhi dahil sa kanta manga kasalanan hampay kay bawiun kita ginan sa inda pag kalibutan hinarian kadautan.

Diyuturunumiyu 8:16

Ati sa pangawakawaan, pinakan-an niya kamu mana — usa ka karan-unun balaw nasamitan niyu manga ginurang. Binwat inda Panginuun para kamu pumakumbaba ag para subukun kamu hampay sa uryan bumaliw mayad kanyu kahamtangan.

Diyuturunumiyu 8:2

Isipa niyu nu kabitay kamu inibahan Panginuun niyu Diyus sa kanyu maglakaw sa pangawakawaan sa sulud upatpulu ka timpu. Binwat niya inda hampay kamu pumakumbaba ag sinubukan kamu hampay maalaman nu hintay gid ti basad niyu tagipusuun, nu tupadun niyu kay manga sugu ngatay unman.

1 Tisalunika 1:10

ag hampay alagdun niyu kay Anak si Hisus ginan sa langit. Binuhi uman Diyus si Hisus ginan sa kamatayan. Siya diman ti rumibri sa kanta sa kay kaudasan sintinsiya Diyus aban.

2 Tisalunika 3:3

Masarigan ti Panginuun. Kay pakan-an gid kamu kay kabisugan, kay di alagaan kamu sa diyablu.

1 Timutiyu 1:17

Taynguna ti kadayawan hanggan kapangyarihan pagsa kanya, sa usa-usa ka Diyus, sa Hari ud may pinag-umpisahan, unman may katapusan, unman may kamatayan ag unman mag-akitan sa mata. Amin.

Hibriyu 11:36

Inagwanta manga iba ti libak, ti hampak, hanggan ti tarikada sa kanda pagkapirisu.

1 Pidru 5:8

Pagmapininsarun kamu, pag-aman. Si Satanas ngani kanyu kalaban parihu sa liyun kay mag-ungal, magpalibut-libut maghanap kay siribaun.

2 Pidru 2:9

Ti Panginuun madunung magparibri sa manga lubus napasakup sa kanya nu may malakawan sida subuk. Madunung waydi siya sa manga unman matadlung hampay sida maparusahan hanggan sa udwaya udas sintinsiya.

1 Huwan 3:8

Nu magpadayun sa kasalanan ti tawu, sakup waya siya diyablu, dahil kaybi ginan hanggan taynguna tugka magkasala diman ti diyablu. Nakan nagsitay ti Anak Diyus hampay wasakun niya ti buwat diyablu.

Ipinakakit 1:18

Buhi aku, aku sitay namatay dapat bantayi nimu, aku buhi kainda, balaw yi aku mamatay hanggan waya aban. Sa kangku yi ti manga susi kamatayan hanggan ulian manga namatay.

Ipinakakit 19:1

Bag-u nadnugan niku bilang may nagbagaw mayamu gid tawu sa langit magkun, “Dayawun ti Panginuun! Diyus ti gimpuunan karibrihan, kadayawan hanggan kamaskihan.

Ipinakakit 19:4

Ti duwapulu may upat ka gurangun hanggan ti upat ka linalang may buhi nagpadapa nagsamba sa Diyus matukawan sa kay tukawan. Magkun sida, “Amin, dayawun ti Panginuun!”

Ipinakakit 2:10

Danga duy kadalaan nimu ti manga kakurian kanmu patabgan udyi dugay aban. Malu, ipapirisu diyablu ti iba sa kanyu hampay kamu kay subukan. May tiisun gid kamu sa sulud sampulu ka sirang. Pagpakarig-un duy kawu hanggan tugka sa kamatayan bag-u pakan-an niku kawu buhi imaw yi kang pirimyu sa kanmu nanalu.

Ipinakakit 21:4

Payidun niya ti manga luwa tanan tawu, udyi may kamatayan, una kakurian, udyi may maglumi, udyi waydi may sakit. Dahil naparaw yi ti daan pag manga kabagayan.”

Ipinakakit 3:10

Ingatan diman niku kawu nu rumas-ug yi ti udas pagsubuk sa tanan manga tawu sa bilug kalibutan, dahil nag-agwanta kawu sa kanmu pagtupad sa kang bilin.

Ipinakakit 3:14

“Isurat nimu inda para sa anghil magbantay sa iglisya sa banwa Laudisiya: “Inda ti magsabi imaw yi ngani ti pag-ingarnan si Amin, imaw ti tutuu masarigan pag manugpadakit. Siya ti gimpuunan tanan linalang Diyus:

Ipinakakit 5:13

Nadnugan niku magkarantahan ti tanan manga linalang una sa langit una sa babaw daga una sa sirung daga hanggan sa dagat, tanan-tanan manga linalang sa bilug kalibutan magkun. “Sa hari nakatukaw sa kay tukawan hanggan sa Anak Karanidu, sa kanda yi ti kapurihan, ti paggalang, ti kadayawan hanggan kamaskihan hanggan waya aban.”