Matiyu 6:12 - Hanunuu

¹² Patawada nimu kanmi manga kasalanan, parihu sa kanmi magpatawad sa manga nagkasala sa kanmi.

Matiyu 6:12 Iomraidhean Croise

1 Hari 8:30

Patingihi kang darangin hanggan ti darangin nimu nasakupan manga Israilita habang magdarangin kami masranguhan sa inda pag rugar. Patingihi kami asan sa kanmu ulian sa langit. Ag nu masaydan nimu kami, patawada kami.

1 Hari 8:34

patingihi sida asan sa langit. Patawada sida sa kanda kasalanan ag daran-a sida pabalik sa daga ipinakaun nimu sa kanda manga ginurang.

1 Hari 8:39

patingihi sida asan sa kanmu ulian sa langit. Patawada nimu sida, ag buwata sa kanda ti angay sa kanda manga binwat, dahil alam nimu ti kada tagipusuun nida. Tutuu kawu lang ti may alam tagipusuun tanan tawu.

1 Hari 8:50

Patawada sida sa kanda manga kasalanan hanggan manga paglabag laban sa kanmu, ag pahintuluti maawa sa kanda ti manga nagbihag sa kanda.

Kanta 130:4

Dapat pagpatawadun nimu kami, nakan paggalangun kawu nimi.

Kanta 32:1

Mapalad ti tawu pinatawad kay manga paglabag, kay manga kasalanan balaw yi pag-alalahanun Diyus.

Pag-ighit 34:7

Pag-ipakakit niku kang pagmahal sa mayamu tawu, ag pagpatawadun niku kanda kadautan, hanggan paglabag ag kasalanan. Dapat pagparusahan niku ti manga magkasala, hanggan yi kanda lahi tugka sa ikatlu ag ikap-at pag sinulput.”

Isayas 1:18

Magkun waya ti Panginuun, “Abala kamu paghampangan nita inda. Una waya kabitay kay kauring kanyu manga kasalanan, lumpiyuhun di niku tunda hampay malumpiyu kamu.

Danyil 9:19

Panginuun, patingihi kami ag patawada. Awati kami para kilalan-un kanmu ngaran, dahil pagkilalan-un kawu Diyus sa kanmu banwa hanggan sa kanmu manga nasakupan.”

Matiyu 26:28

Dahil inda kang dugu itinalaghut Diyus sa taratu. Ibuhus kang dugu sa ikapatawad manga kasalanan mayamu tawu.

Matiyu 9:2

Pagras-ug niya ati, may manga tawu nagras-ug may yayung usa ka tawu lunu mahuwayan sa kay igyaan. Pagka nakitan ni Hisus kanda daka pag sarig, sinabi niya sa tawu lunu, “Pagmatutum duy kanmu naisipan. Pinatawad yi kanmu manga kasalanan.”

Markus 11:25

Nu kamu magdarangin bag-u nu may pag-ikadaut kamu sa iba, patawadun dapu niyu siya hampay kamu patawadun waydi niyu Ama sa langit nu kamu nagkasala sa kanya.

Lukas 11:4

Patawada nimu kanmi manga kasalanan dahil pinmatawad waydi kami sa kada tawu may kasalanan sa kanmi. Danga ipalakaw nimu kami sa mahigpit pagsubuk.’ ”

Lukas 13:4

Hanggan ati pag sampulu may walu ka tawu nagpuan bantayaw sa Silui ag namatay, barang kanyu isip daka man kanda kasalanan sa tanan kaparihu nida mag-uli sa Hirusalim.

Lukas 6:37

Sinabi ni Hisus magkun, “Danga pagpihua niyu ti daut ti mayad niyu kaparihu hampay unman waydi kamu pihuun Diyus nu daut nu mayad. Danga kamu magpasipala sa kanyu kaparihu, hampay balaw kamu ipasipala Diyus. Pagmapinatawadun kamu, hampay patawadun waydi kamu Diyus.

Binwat 13:38

Nakan ngani duy, kailangan maalaman niyu tanan kuntay ginan sa nangyari sa kan Hisus pag-itudlu sa kanyu ti kapatawadan sa kanyu manga kasalanan. Pagmaalaman yi gid niyu, ti kada tawu nu magsarig sa kan Hisus, siya iribri sa tanan niya kasalanan. Dapat nu siya magsarig sa kay pagtupad sa Kasuguan ni Muysis unman siya may kapatawadan sa kay manga kasalanan.

Ipisu 1:7

Irinibri kita ni Kiristu sa panab-anan niya dugu, ag pinatawad yi kanta manga kasalanan. Ungud gid makadululaw kay mayad pag nabubut-un Diyus,

Ipisu 4:32

Bagkus ngap pagpakabuut kamu, pagmatugway kamu, pagparatawadan sa kada usa parihu sa kay nagpatawad Diyus sa kanyu dahil sa kan Kiristu.

Kulusas 3:13

Pagparasunaidan kamu. Nu may hinanakit kamu pagparatawadan sa usa kag sa usa. Pinatawad yi kamu Panginuun, nakan kamu pagpatawad diman waydi.